Ескерту. Күші жойылды – ҚР Yкiметiнiң 29.09.2016 № 546 қаулысымен.
Қазақстан Республикасының Үкіметі ҚАУЛЫ ЕТЕДІ:
1. "Қазақстан Республикасын өнеркәсіптік дамыту жөніндегі комиссияны құру туралы" Қазақстан Республикасы Үкіметінің 2013 жылғы 31 желтоқсандағы № 1522 қаулысына мынадай толықтырулар енгізілсін:
көрсетілген қаулымен бекітілген Қазақстан Республикасын өнеркәсіптік дамыту жөніндегі комиссия туралы ережеде:
4-тармақтың 4) тармақшасындағы "дайындау болып табылады." деген сөздер "дайындау;" деген сөзбен ауыстырылып, мынадай мазмұндағы 5) және 6) тармақшалармен толықтырылсын:
"5) республикалық индустрияландыру картасын өзектілендіру;
6) аумақтық кластерлерді конкурстық іріктеуден өткізу болып табылады.";
5-тармақ мынадай мазмұндағы 3), 4) және 5) тармақшалармен толықтырылсын:
"3) мемлекеттік қолдау шараларын енгізу, алып тастау, ұсыну бойынша, сондай-ақ республикалық индустрияландыру картасының жобалары бойынша негізгі параметрлерді өзгерту жөнінде ұсыныстар әзірлейді;
4) жобаның өтініш берушісімен бірлесіп, келісім жобасын әзірлеу үшін республикалық индустрияландыру картасының жобасын іске асыруға жауапты мемлекеттік органды айқындау бойынша ұсыныстар әзірлейді;
5) аумақтық кластерлерді конкурстық іріктеуді жүргізуге қатысады.".
2. Осы қаулы қол қойылған күнінен бастап қолданысқа енгізіледі.
Қазақстан Республикасының | |
Премьер-Министрі | К. Мәсімов |
