Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер бекітілсін.
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министр |
А. Мамин |
| Қазақстан Республикасы Үкіметінің 2019 жылғы 5 сәуірдегі № 163 қаулысымен бекітілген |
Қазақстан Республикасы Үкіметінің кейбір шешімдеріне енгізілетін өзгерістер
1. "Басқарушылар кеңестеріндегі Қазақстан Республикасының өкілдерін тағайындау және Азия Инфрақұрылымдық Инвестициялар Банкімен байланыс арнасын айқындау туралы" Қазақстан Республикасы Үкіметінің 2002 жылғы 18 наурыздағы № 323 қаулысында:
1) тармақшаның екінші абзацы мынадай редакцияда жазылсын:
"Басқарушы - Қазақстан Республикасы Ұлттық Банкінің Төрағасы Ерболат Асқарбекұлы Досаев (келісім бойынша),";
2) тармақшаның екінші абзацы мынадай редакцияда жазылсын:
"Басқарушы - Қазақстан Республикасының Ұлттық экономика министрі Руслан Ерболатұлы Дәленов,";
3) тармақшаның екінші және үшінші абзацтары мынадай редакцияда жазылсын:
"Басқарушы - Қазақстан Республикасы Премьер-Министрінің бірінші орынбасары - Қазақстан Республикасының Қаржы министрі Әлихан Асханұлы Смайылов,
Басқарушының орынбасары - Қазақстан Республикасыныц Ұлттық экономика вице-министрі Мәди Төкешұлы Тәкиев;";
4) тармақшаның екінші абзацы мынадай редакцияда жазылсын:
"Басқарушы - Қазақстан Республикасыныц Ұлттық экономика министрі Руслан Ерболатұлы Дәленов,";
4-1) тармақшаның екінші және үшінші абзацтары мынадай редакцияда жазылсын:
"Басқарушы - Қазақстан Республикасының Ұлттық экономика министрі Руслан Ерболатұлы Дәленов,
Басқарушының орынбасары - Қазақстан Республикасының Индустрия және инфракұрылымдық даму вице-министрі Аманияз Қасымұлы Ержанов;".
2. "Орталық Азия Өңірлік Экономикалық Ынтымақтастық бағдарламасы бойынша Қазақстан Республикасынан Ұлттық үйлестірушіні тағайындау туралы" Қазақстан Республикасы Үкіметінің 2006 жылғы 12 желтоқсандағы № 1194 қаулысында:
1-тармақ мынадай редакцияда жазылсын:
"1. Орталық Азия Өңірлік Экономикалық Ынтымақтастық бағдарламасы бойынша Қазақстан Республикасынан Ұлттық үйлестіруші болып Қазақстан Республикасының Ұлттық экономика вице-министрі Мәди Төкешұлы Тәкиев тағайындалсын.".
3. "Еуразия даму банкінің кейбір мәселелері және Қазақстан Республикасы Үкіметінің кейбір шешімдерінің күші жойылды деп тану туралы" Қазақстан Республикасы Үкіметінің 2015 жылғы 2 ақпандағы № 27 қаулысында:
1-тармақ мынадай редакцияда жазылсын:
"1. Мыналар:
1) Қазақстан Республикасы Премьер-Министрі Асқар Ұзақбайұлы Мамин Еуразия даму банкінің кеңесіндегі Қазақстан Республикасының өкілетті өкілі;
2) Қазақстан Республикасы Премьер-Министрінің бірінші орынбасары - Қазақстан Республикасының Қаржы министрі Әлихан Асханұлы Смайылов Еуразия даму банкінің кеңесіндегі Қазақстан Республикасының өкілетті өкілінің орынбасары болып тағайындалсын.".
