Қазақстан Республикасының Үкіметі ҚАУЛЫ ЕТЕДІ:
"Қазақстан Республикасының экономикасын жаңғырту жөніндегі шаралар туралы" Қазақстан Республикасы Президентінің 2007 жылғы 13 сәуірдегі № 314 Жарлығына өзгеріс пен толықтыру енгізу туралы" Қазақстан Республикасының Президенті Жарлығының жобасы Қазақстан Республикасы Президентінің қарауына енгізілсін.
|
Қазақстан Республикасының Премьер-Министрі |
А.Мамин |
"Қазақстан Республикасының экономикасын жаңғырту жөніндегі шаралар туралы" Қазақстан Республикасы Президентінің 2007 жылғы 13 сәуірдегі № 314 Жарлығына өзгеріс пен толықтыру енгізу туралы
ҚАУЛЫ ЕТЕМІН:
1. "Қазакстан Республикасының экономикасын жаңғырту жөніндегі шаралар туралы" Қазақстан Республикасы Президентінің 2007 жылғы 13 сәуірдегі № 314 Жарлығына (Қазақстан Республикасының ПҮАЖ-ы, 2007 ж., №11, 120-құжат) мынадай өзгеріс пен толықтыру енгізілсін:
жоғарыда аталған Жарлықпен бекітілген Қазақстан Республикасының экономикасын жаңғырту мәселелері жөніндегі мемлекеттік комиссия туралы ережеде:
5-тармақ мынадай редакцияда жазылсын:
"5. Мемлекеттік комиссияның міндеті:
1) Қазақстан экономикасының бәсекеге қабілеттілігі мен тиімділігін арттыру, теңгерімдік құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мелшерінен асатын мемлекеттік ұйымдарды және ұлттық басқарушы холдингтердің және олармен үлестес өзге де заңды тұлғалардың еншілес, тәуелді ұйымдарын, "Самұрық-Қазына" ұлттық әл-ауқат қоры" акционерлік қоғамының бәсекелес ортаға беруге жататын еншілес және тәуелді ұйымдарын мемлекет иелігінен алу және жекешелендіру, сондай-ақ Қазақстан Республикасының Ұлттық қорынан дағдарысқа қарсы бөлінген қаражатты қайта пайдалану;
2) экономиканың шетелдік капитал қатысуы ықтимал жекелеген секторларының тізбесін айқындау, сондай-ақ экономиканың осы секторларында қызметін жүзеге асыратын заңды тұлғалардың дауыс беретін акцияларының (жарғылық капиталға қатысу үлестерінің) 10 %-тен астамын сату мәселелері бойынша ұсынымдық шешімдер әзірлеу болып табылады.";
б-тармақ мынадай мазмұндағы 1-1) тармақшамен толықтырылсын:
"1-1) экономиканың шетелдік капитал қатысуы ықтимал жекелеген секторларының тізбесін айкындайды және экономиканың осы секторларында қызметін жүзеге асыратын заңды тұлғалардың дауыс беретін акцияларының (жарғылық капиталға қатысу үлестерінің) 10%-тен астамын сату мәселелері бойынша ұсынымдық шешімдер шығарады;".
2. Осы Жарлық қол қойылған күнінен бастап қолданысқа енгізіледі.
| Қазақстан Республикасының | |
| Президенті | Қ.Тоқаев |
