"Мемлекеттiк сатып алу туралы" 2015 жылғы 4 желтоқсандағы Қазақстан Республикасының Заңы 39-бабы 3-тармағының 56) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Мына мемлекеттік органдардың:
Қазақстан Республикасы Ұлттық Банкінің;
Қазақстан Республикасы Қорғаныс министрлігінің;
Қазақстан Республикасы Ұлттық қауіпсіздік комитетінің;
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметі) ақпараттық-коммуникациялық инфрақұрылымын, оның ішінде әскери мақсаттағы, және ақпараттық жүйелерін қоспағанда, "Зерде" ұлттық инфокоммуникация холдингі" акционерлік қоғамы және "Ұлттық ақпараттық технологиялар" акционерлік қоғамы ақпараттық-коммуникациялық инфрақұрылымды және "электрондық үкімет" ақпараттандыру объектілерін зерттеп-қарау бойынша, оның ішінде мемлекеттік көрсетілетін қызметтердің технологиялары мен инфрақұрылымын (PaaS), виртуалды инфрақұрылымды (IaaS), деректерді өңдеу орталықтарының (Hosting, Colocation) инфрақұрылымын зерттеп-қарау бойынша жұмыстарды жеткізушілер болып айқындалсын.
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
