Қазақстан Республикасының Үкіметі ҚАУЛЫ ЕТЕДІ:
1. "Қазақстан Республикасы Ішкі істер министрлігі Қылмыстық-атқару жүйесі комитетінің Шымкент қаласы бойынша Қылмыстық-атқару жүйесі департаменті" республикалық мемлекеттік мекемесі мен "Қазақстан Республикасы Ішкі істер министрлігі Қылмыстық-атқару жүйесі комитетінің Түркістан облысы бойынша Қылмыстық-атқару жүйесі департаменті" республикалық мемлекеттік мекемесі Шымкент қаласында орналасатын "Қазақстан Республикасы Ішкі істер министрлігі Қылмыстық-атқару жүйесі комитетінің Шымкент қаласы және Түркістан облысы бойынша Қылмыстық-атқару жүйесі департаменті" республикалық мемлекеттік мекемесіне біріктіру жолымен қайта ұйымдастырылсын.
2. "Қазақстан Республикасы Ішкі істер министрлігінің мәселелері" туралы Қазақстан Республикасы Үкіметінің 2005 жылғы 22 маусымдағы № 607 қаулысына мынадай өзгерістер мен толықтыру енгізілсін:
көрсетілген қаулымен бекітілген Қазақстан Республикасы Iшкi iстер министрлігі туралы ережеде:
орталық аппараттың функциялары:
"мынадай мазмұндағы 95-99) тармақшамен толықтырылсын:
"95-99) күдіктілер, айыпталушылар, сотталғандар және қылмыстық-атқару жүйесі мекемелерінің сәбилер үйлеріндегі балалар үшін тамақтандыруды ұйымдастыру қағидаларын әзірлейді және бекітеді;";
Министрліктің қарамағындағы мемлекеттік мекемелер – аумақтық органдардың және оның ведомстволарының тізбесінде:
"2. Қылмыстық-атқару жүйесі комитеті" деген бөлімде:
реттік нөмірі 14-жол алып тасталсын;
реттік нөмірі 17-жол мынадай редакцияда жазылсын:
"17. Шымкент қаласы және Түркістан облысы бойынша Қылмыстық-атқару жүйесі департаменті.".
3. Қазақстан Республикасының Ішкі істер министрлігі заңнамада белгіленген тәртіппен осы қаулыдан туындайтын тиісті шараларды қабылдасын.
4. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
А. Мамин |
