"Мемлекеттік мүлік туралы" Қазақстан Республикасы Заңының 133-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Президенті Іс басқармасының "Қазақстан Республикасы Президентінің Телерадиокешені" шаруашылық жүргізу құқығындағы республикалық мемлекеттік кәсіпорны (бұдан әрі – кәсіпорын) құрылсын.
2. Қазақстан Республикасы Президентінің Іс басқармасы (келісу бойынша) кәсіпорынға қатысты тиісті саланың уәкілетті органы, сондай-ақ республикалық меншiк құқығы субъектiсiнiң функцияларын жүзеге асырушы орган болып айқындалсын.
3. Кәсіпорын қызметінің негізгі мәні Қазақстан Республикасы Президенті Іс басқармасының оған жүктелген Қазақстан Республикасы Президентінің, Үкіметінің және басқа да қызмет көрсетілетін тұлғалардың қызметін ақпараттық қолдау функцияларын жүзеге асыруына, сондай-ақ мемлекеттік ақпараттық саясатты жүргізуіне ықпал ету болып айқындалсын.
4. Қазақстан Республикасы Президентінің Іс басқармасы заңнамада белгіленген тәртіппен:
1) кәсіпорынның жарғысын бекітсін;
2) кәсіпорынды тіркеуші органдарда мемлекеттік тіркеуді қамтамасыз етсін;
3) осы қаулыдан туындайтын өзге де шараларды қабылдасын.
5. "Қазақстан Республикасы Президентінің телерадиокешені" коммерциялық емес акционерлік қоғамы таратылсын.
6. Қазақстан Республикасы Қаржы министрлігінің Мемлекеттік мүлік және жекешелендіру комитеті заңнамада белгіленген тәртіппен "Қазақстан Республикасы Президентінің телерадиокешені" коммерциялық емес акционерлік қоғамының кредиторлардың талаптары қанағаттандырылғаннан кейін қалған мүлкін кәсіпорын теңгеріліміне берсін.
7. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
8. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
Ә. Смайылов |
| Қазақстан Республикасы Үкіметінің 2023 жылғы 20 наурыздағы № 241 қаулысымен бекітілген |
Қазақстан Республикасы Үкіметінің кейбір шешімдеріне енгізілетін өзгерістер мен толықтырулар
1. "Акциялардың мемлекеттік пакеттеріне және ұйымдардағы мемлекеттік қатысу үлестеріне мемлекеттік меншік түрлері туралы" Қазақстан Республикасы Үкіметінің 1999 жылғы 12 сәуірдегі № 405 қаулысында:
аталған қаулымен бекітілген Акцияларының мемлекеттік пакеттері мен қатысу үлестері республикалық меншікте қалатын акционерлік қоғамдар мен шаруашылық серіктестіктердің тізбесінде:
"Астана қаласы" бөлімінде:
реттік нөмірі 21-38 - жол алып тасталсын.
2. "Республикалық меншіктегі ұйымдардағы акциялардың мемлекеттік пакеттерін және мемлекеттік үлестерді иелену және пайдалану жөніндегі құқықтарды беру туралы" Қазақстан Республикасы Үкіметінің 1999 жылғы 27 мамырдағы № 659 қаулысында:
аталған қаулымен бекітілген Иелік ету және пайдалану құқығы салалық министрліктерге және өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және мемлекеттік қатысу үлестерінің тізбесінде:
"Қазақстан Республикасы Президентінің Іс басқармасы" бөлімінде:
реттік нөмірі 238-10 - жол алып тасталсын.
3. "Қазақстан Республикасы Президенті Іс басқармасының кейбір мәселелері туралы" Қазақстан Республикасы Үкіметінің 2003 жылғы 29 қарашадағы № 1212 қаулысында:
аталған қаулыға қосымша мынадай мазмұндағы реттік нөмірі 9 - жолмен толықтырылсын:
"9. "Қазақстан Республикасы Президентінің Телерадиокешені" шаруашылық жүргізу құқығындағы республикалық мемлекеттік кәсіпорны".
4. "Мемлекеттік кәсіпорындар, акцияларының (жарғылық капиталға қатысу үлестерінің) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын қызмет түрлерінің тізбесін бекіту туралы" Қазақстан Республикасы Үкіметінің 2015 жылғы 28 желтоқсандағы № 1095 қаулысында:
аталған қаулымен бекітілген Мемлекеттік кәсіпорындар, акцияларының (жарғылық капиталға қатысу үлестерiнiң) елу пайызынан астамы мемлекетке тиесілі заңды тұлғалар және олармен үлестес тұлғалар жүзеге асыратын қызмет түрлерінің тізбесінде:
"1. Республикалық меншіктегі мемлекеттік кәсіпорындар жүзеге асыратын қызмет түрлері" бөлімі:
мынадай мазмұндағы реттік нөмірлері 40-1, 40-2, 40-3, 40-4, 40-5 - жолдармен толықтырылсын:
"
40-1 | Кино-, бейнефильмдер мен телевизиялық бағдарламалар шығару қызметі | 59110 |
40-2 | Телевизиялық бағдарламаларды әзірлеу және трансляциялау қызметі | 60200 |
40-3 | Басқа топтамаларға енгізілмеген телекоммуникация саласындағы өзге де қызмет | 61909 |
40-4 | Бағдарламалық қамтамасыз етуді әзірлеу | 62011 |
40-5 | Бағдарламалық қамтамасыз етуді сүйемелдеу | 62012 |
";
мынадай мазмұндағы реттік нөмірі 41-1, 41-2, 41-3 - жолдармен толықтырылсын:
"
41-1 | Мемлекеттік электрондық ақпараттық ресурстар мен жүйелерді қалыптастыру және дамыту шеңберінде ақпараттық-коммуникациялық инфрақұрылымды басқару жөніндегі қызмет | 62032 |
41-2 | Киберқауіпсіздік саласындағы қызмет | 62092 |
";
мынадай мазмұндағы реттік нөмірі 42-1 - жолмен толықтырылсын:
"
42-1 | Веб-порталдар қызметі | 63120 |
мынадай мазмұндағы реттік нөмірі 44-1 - жолмен толықтырылсын:
"
44-1 | Меншікті жылжымайтын мүлікті жалға беру және басқару | 68 201 |
";
1-бөлім мынадай мазмұндағы ескертпемен толықтырылсын:
* 1-бөлімнің 40-1, 40-2, 42-1, 44-1-тармақтарында көрсетілген қызмет Қазақстан Республикасы Президенті Іс басқармасының "Қазақстан Республикасы Президентінің Телерадиокешені" шаруашылық жүргізу құқығындағы республикалық мемлекеттік кәсіпорнының қызметімен шектеледі;
** 1-бөлімнің 40-3, 40-4, 40-5, 41-1, 41-2-тармақтарында көрсетілген қызмет "Қазақстан Республикасы Президентінің Іс басқармасының инженерлік-техникалық орталығы" шаруашылық жүргізу құқығындағы республикалық мемлекеттік кәсіпорнының қызметімен шектеледі;
"3. Акцияларының (жарғылық капиталға қатысу үлестерінің) елу пайыздан астамы мемлекетке тиесілі республикалық меншіктегі заңды тұлғалар және олармен үлестес тұлғалар жүзеге асыратын қызмет түрлері" бөлімі:
мынадай мазмұндағы реттік нөмірлері 21-1, 21-2-тармақтарымен толықтырылсын:
"
21-1 * | Инженерлік-техникалық консультациялар беру жөніндегі қызмет | 71127 |
21-2 * | Техникалық сынақтар мен талдауларды жүзеге асыратын өзге де мекемелердің қызметі | 71209 |
".
3-бөлім мынадай мазмұндағы ескертпемен толықтырылсын:
"Ескертпе:
* 3-бөлімнің 21-1, 21-2 – тармақтарында көрсетілген қызмет "Қазқұрылысжүйесі" жауапкершілігі шектеулі серіктестігінің қызметімен шектеледі.".
