"Мемлекеттік мүлік туралы" Қазақстан Республикасының Заңы 11-бабының 4) тармақшасына сәйкес Қазақстан Республикасының Үкiметi ҚАУЛЫ ЕТЕДІ:
1. Жарғылық капиталына мемлекет жүз пайыз қатысатын "Қазақ Каспий теңізі ғылыми-зерттеу институты" коммерциялық емес акционерлік қоғамы (бұдан әрі – КеАҚ) құрылсын.
2. КеАҚ қызметінің негізгі нысанасы Каспий теңізінің қазақстандық секторында Каспий теңізінің табиғи ресурстарын сақтау және олардың өсімін молайту тұрғысынан қоршаған ортаға мониторинг және ғылыми-зерттеу жұмыстарын жүргізу, Каспий теңізі маңындағы мемлекеттердің ғылыми-зеттеу институттары мен ұйымдарының ынтымақтастығын нығайту болып айқындалсын.
3. Қазақстан Республикасының Экология және табиғи ресурстар министрлігі осы қаулыға қосымшаға сәйкес өзінің балансындағы республикалық мүлік есебінен КеАҚ жарғылық капиталын қалыптастыруды қамтамасыз етсін.
Ескерту. 3-тармақ жаңа редакцияда - ҚР Үкіметінің 06.12.2024 № 1031 қаулысымен.4. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының Экология және табиғи ресурстар министрлігімен бірлесіп заңнамада белгіленген тәртіппен:
1) КеАҚ жарғысын бекітуді;
2) мемлекеттік тіркеу үшін КеАҚ атынан құжаттарға қол қоюға, қаржы-шаруашылық қызметті жүзеге асыруға және басқару органдары құрылғанға дейін үшінші тараптардың алдында оның мүдделерін білдіруге уәкілетті тұлғаны сайлауды;
3) КеАҚ-ны әділет органдарында мемлекеттік тіркеуді;
4) Қазақстан Республикасының Экология және табиғи ресурстар министрлігіне КеАҚ акцияларының мемлекеттік пакетін иелену және пайдалану құқықтарын беруді;
5) осы қаулыдан туындайтын өзге де шараларды қабылдауды қамтамасыз етсін.
Ескерту. 4-тармақ жаңа редакцияда - ҚР Үкіметінің 06.12.2024 № 1031 қаулысымен.5. Қоса беріліп отырған Қазақстан Республикасы Үкіметінің кейбір шешімдеріне енгізілетін толықтырулар бекітілсін.
6. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
Ә. Смайылов |
| Қазақстан Республикасы Үкіметінің 2024 жылғы 25 қаңтардағы № 36 қаулысына қосымша |
"Қазақ Каспий теңізі ғылыми-зерттеу институты" коммерциялық емес акционерлік қоғамының жарғылық капиталын төлеуге берілетін республикалық мүліктің тізбесі
Ескерту. Тізбе жаңа редакцияда - ҚР Үкіметінің 06.12.2024 № 1031 қаулысымен.
Р/с № | Мүліктің атауы | Өлшем бірлігі | Саны |
1 | 2 | 3 | 4 |
Қазақстан Республикасы Экология және табиғи ресурстар министрлігінің балансындағы мүлік | |||
1 | Ақтау қаласы, 4 "А" шағын ауданы, 19-ғимарат мекенжайы бойынша, ауданы 0,7987 га, кадастрлық нөмірі 13:200:010:230 жер учаскесінде орналасқан әкімшілік ғимарат, жалпы ауданы 1640,5 ш.м, кадастрлық нөмірі 13:200:010:230:19/А | бірлік | 1 |
2 | Ауданы 0,7987 га жер учаскесінде орналасқан қоршау, кадастрлық нөмірі 13:200:010:230:19/II | бірлік | 1 |
3 | 0,7987 га жер учаскесінде орналасқан төсем, кадастрлық нөмірі 13:200:010:230:19/I | бірлік | 1 |
1 | 2 | 3 | 4 |
4 | 8 порттың РОЕ коммутаторы | дана | 4 |
5 | Ішкі IP камерасы | дана | 22 |
6 | Көше IP камерасы | дана | 9 |
7 | PTZ камерасы | дана | 1 |
8 | CD 245 ішкі күмбезді камерасы | дана | 1 |
9 | Барлық ауа райына жарайтын, күндізгі/түнгі 1/3 420 ТВЛ түсті бейнекамерасы | дана | 2 |
10 | КРС 132 AV-Tech камерасы | дана | 3 |
11 | Ауабаптағыш | дана | 1 |
12 | Almacom ACH 018 H1 ауабаптағышы | дана | 1 |
13 | Almacom ACH 09 H1 ауабаптағышы | дана | 3 |
14 | ACH 09 H1 ауабаптағышы | дана | 7 |
15 | ACH 12 H1 ауабаптағышы | дана | 13 |
16 | ACH 18 H1 ауабаптағышы | дана | 4 |
17 | ACH 24 H1 ауабаптағышы | дана | 2 |
18 | Күмбезді камера | дана | 4 |
19 | Арнайы циркуляциялық сорғы | дана | 1 |
20 | Sanivort 605A сорғы кәріз станциясы | дана | 2 |
21 | Тіркеуіш | дана | 1 |
22 | CHIGO сплит-жүйесі, 12-ші ALBA сериясы, 36 ш.м (ауабаптағыш) | дана | 1 |
1 | 2 | 3 | 4 |
23 | Фантазия FS-07H сплит-жүйесі (ауа баптағыш) | дана | 1 |
24 | Үш фазалы көп тарифті жиынтықтағы Дала электрондық есептегіші | дана | 1 |
25 | Турникет | дана | 1 |
26 | Кронштейні бар көше камерасы | дана | 9 |
27 | COP DVR 162M цифрлық бейнетіркеуіші, 16 арналы, 500 Gb (бейнебақылау жүйесі) | дана | 1 |
28 | Экстендер | дана | 1 |
29 | Кабинетке арналған перделер (шілтер перде) | дана | 1 |
30 | Қабылдау бөлмесіне арналған перделер | дана | 1 |
31 | Жалюзи | жиынтық | 1 |
32 | Лазерлік принтер | дана | 1 |
33 | Көпфункционалды құрылғы (принтер) | дана | 1 |
34 |
B205NI монохромды көпфункционалды құрылғысы | дана | 2 |
35 | Ricoh LE SP C360DNw түсті принтері | дана | 1 |
36 | XEROX B205NI монохромды көпфункционалды құрылғысы (принтер) | дана | 2 |
37 | Pantum P2500w принтері | дана | 11 |
| Қазақстан Республикасы Үкіметінің 2024 жылғы 25 қаңтардағы № 36 қаулысымен бекітілген |
Қазақстан Республикасы Үкіметінің кейбір шешімдеріне енгізілетін толықтырулар
1. "Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы" Қазақстан Республикасы Үкіметінің 1999 жылғы 12 сәуірдегі № 405 қаулысында:
көрсетілген қаулымен бекітілген акцияларының мемлекеттік пакеттері мен қатысу үлестері республикалық меншікте қалатын акционерлік қоғамдар мен шаруашылық серіктестіктердің тізбесінде:
"Маңғыстау облысы" деген бөлім мынадай мазмұндағы реттік нөмірі 236-12-жолмен толықтырылсын:
"236-12. "Қазақ Каспий теңізі ғылыми-зерттеу институты" коммерциялық емес акционерлік қоғамы".
2. "Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы" Қазақстан Республикасы Үкіметінің 1999 жылғы 27 мамырдағы № 659 қаулысында:
көрсетілген қаулымен бекітілген иелік ету және пайдалану құқығы салалық министрліктерге, өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:
"Қазақстан Республикасының Су ресурстары және ирригация министрлігіне" деген бөлім мынадай мазмұндағы реттік нөмірі 408-1-жолмен толықтырылсын:
"408-1. "Қазақ Каспий теңізі ғылыми-зерттеу институты" коммерциялық емес акционерлік қоғамы".
3. "Қазақстан Республикасы Су ресурстары және ирригация министрлігінің кейбір мәселелері" туралы Қазақстан Республикасы Үкіметінің 2023 жылғы 4 қазандағы № 863 қаулысында:
көрсетілген қаулымен бекітілген Қазақстан Республикасының Су ресурстары және ирригация министрлігі туралы ережеде:
Министрліктің және оның ведомстволарының қарамағындағы ұйымдардың тізбесінде:
1-тармақ мынадай мазмұндағы 1-1) тармақшамен толықтырылсын:
"1-1) "Қазақ Каспий теңізі ғылыми-зерттеу институты" коммерциялық емес акционерлік қоғамы".
