Қазақстан Республикасының Үкіметі ҚАУЛЫ ЕТЕДІ:
1. Қоса берiлiп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерістер мен толықтырулар бекiтiлсiн.
2. Осы қаулы қол қойылған күнінен бастап қолданысқа енгізіледі.
|
Қазақстан Республикасының Премьер-Министрі |
О. Бектенов |
| Қазақстан Республикасы Үкіметінің 2025 жылғы 26 наурыздағы № 170 қаулысымен бекітілген |
Қазақстан Республикасы Үкіметінің кейбір шешімдеріне енгізілетін өзгерістер мен толықтырулар
1. "Қазақстан Республикасы Әділет министрлігінің мәселелері туралы" Қазақстан Республикасы Үкіметінің 2004 жылғы 28 қазандағы № 1120 қаулысында:
көрсетілген қаулымен бекітілген Қазақстан Республикасының Әділет министрлігі туралы ережеде:
9) тармақша мынадай редакцияда жазылсын:
"9) заң жобалау жұмысы, заң жобалау жұмыстарының ағымдағы жоспарларын, сондай-ақ нормативтік құқықтық актілердің жобаларын әзірлеу;";
266) тармақша мынадай редакцияда жазылсын:
"266) мемлекеттік жоспарлау салаларындағы уәкілетті органмен бірлесіп ғылыми сараптаманы ұйымдастыру және жүргізу, сондай-ақ ғылыми сарапшыларды іріктеу қағидаларын бекіту;";
мынадай мазмұндағы 272-6) тармақшамен толықтырылсын:
"272-6) орталық мемлекеттік органдардың нормативтік құқықтық актілерге өзгерістер және (немесе) толықтырулар енгізуге байланысты Қазақстан Республикасы Конституциялық Сотының қорытынды шешімдерін орындау жөніндегі қызметін үйлестіру;".
2. "Қазақстан Республикасының орталық және жергілікті атқарушы органының заң қызметі туралы үлгі ережені бекіту туралы" Қазақстан Республикасы Үкіметінің 2006 жылғы 9 қарашадағы № 1072 қаулысында:
көрсетілген қаулымен бекітілген Қазақстан Республикасы орталық және жергілікті атқарушы органының заң қызметі туралы үлгі ережеде:
9-тармақ мынадай мазмұндағы 5-1) және 5-2) тармақшалармен толықтырылсын:
"5-1) мемлекеттік органның құрылымдық бөлімшелерінің Қазақстан Республикасы Конституциялық Сотының қорытынды шешімдерін орындауы жөніндегі қызметті үйлестіру;
5-2) Қазақстан Республикасы Үкіметінің Регламентінде белгіленген тәртіппен жіберілетін Қазақстан Республикасы Конституциялық Сотының қорытынды шешімдерін іске асыру жөніндегі мемлекеттік орган жоспарының жобасын, Қазақстан Республикасы Конституциялық Сотының қорытынды шешімдерінің іске асырылу барысы туралы ақпаратты келісу;".
3. "Қазақстан Республикасы Үкіметінің заң шығару жұмысының қағидаларын бекіту туралы" Қазақстан Республикасы Үкіметінің 2016 жылғы 29 желтоқсандағы № 907 қаулысында:
көрсетілген қаулымен бекітілген Қазақстан Республикасы Үкіметінің заң шығару жұмысының қағидаларында:
4-тармақтың 17) тармақшасы мынадай редакцияда жазылсын:
"17) Қазақстан Республикасы Президентінің 2002 жылғы 17 мамырдағы № 873 Жарлығымен бекітілген Қазақстан Республикасы Парламентінің Мәжілісіне Үкімет енгізетін заң жобаларын Қазақстан Республикасы Президентінің Әкімшілігімен келісу ережелеріне (бұдан әрі – Заң жобаларын Қазақстан Республикасының Президентімен келісу ережелері) сәйкес заң жобасын Қазақстан Республикасы Президентінің Әкімшілігімен (бұдан әрі – Президент Әкімшілігі) келісуді;";
5-1-тармақтың үшінші бөлігі мынадай редакцияда жазылсын:
"Нормативтік құқықтық актілердің көрсетілген жобалары бойынша қоғамдық талқылау, сондай-ақ Қоғамдық кеңестің ұсынымдары, сараптамалық қорытындыларды ұсыну мерзімдері ашық НҚА порталында 3 (үш) жұмыс күнді құрайды.";
19-тармақ мынадай мазмұндағы жетінші бөлігімен толықтырылсын:
"Әзірлеуші пайдаланушылардың ескертулері мен ұсыныстарына жауаптарды белгіленген мерзімде ұсынбаған жағдайда, заң жобасын ашық НҚА интернет-порталында жария талқылау мерзімі автоматты түрде 3 (үш) жұмыс күніне ұзартылады.";
45-тармақ мынадай редакцияда жазылсын:
"45. Жұмыс тобының жұмысы аяқталғаннан кейін мүдделі мемлекеттік органдарға келісуге жіберілгенге дейін жария талқылау үшін заң жобасы осы Қағидаларға 6-қосымшаға сәйкес нысан бойынша салыстырма кестесімен (заңдарға өзгерістер және (немесе) толықтырулар енгізілген жағдайларда), осы Қағидаларға 7-қосымшаға сәйкес нысан бойынша түсіндірме жазбамен, консультативтік құжатпен және баспасөз релизімен осы Қағидаларда регламенттелген тәртіппен ашық НҚА интернет-порталына және мемлекеттік органның интернет-ресурсында орналастырылады.
Заң жобасының ережелерін түсінуді жеңілдету мақсатында әзірленген заң жобасына реттеудің бизнес-процесінің моделі сипатталған және оны іске асырудың нақты тетіктері ашылған таныстырылымдар, схемалар қоса беріледі, олар оның мәні мен мазмұнын көрнекі және түсінікті түрде көрсетеді.
Заң жобасын әзірлеуге жауапты мемлекеттік органның бірінші басшысының орынбасары ашық НҚА интернет-порталында орналастырылатын заң жобасын келіседі.
Заң жобасын ашық НҚА интернет-порталында Әділет министрлігі мен ғылыми экономикалық сараптама жүргізуге уәкілетті ұйым ілеспе материалдардың толықтығы, дұрыстығы мен сапасы тұрғысынан модерациядан өткеннен кейін орналастыруға жол беріледі.
Модерация заң жобасы Әділет министрлігіне және ғылыми экономикалық сараптама жүргізуге уәкілетті ұйымға келіп түскен сәттен бастап 2 (екі) жұмыс күні ішінде жүзеге асырылады.
Заң жобалары бойынша ашық НҚА интернет-порталында талқылау және (немесе) жария тыңдау тиісті заң жобасы ашық НҚА интернет-порталында орналастырудан кейін және осы Қағидалардың 3-тарауына сәйкес өткізіледі.
Заң жобасын ашық НҚА интернет-порталында орналастыру мерзімі 30 (отыз) жұмыс күнін құрайды. Бұл ретте оны жария талқылау мерзімі 15 (он бес) жұмыс күнінен кем болмауы тиіс.
100-ден (бір жүз) астам пікір түскен жағдайда әзірлеуші орган міндетті түрде жария тыңдау өткізеді.
Нысаналы топтардың өкілдері, қоғамдық кеңестің, сараптамалық кеңестердің, ҰКП мен ЗҚАИ мүшелері заң жобасының ашық НҚА интернет-порталында орналастырылғаны туралы хабардар етіледі және ұсыным, ескерту, ұсыныс немесе (сараптамалық) қорытынды беруге шақырылады.
Бұл талаптар заң жобасы одан кейінгі әрбір орналастырылған және мүдделі мемлекеттік органдармен келіскен кезде қолданылады.";
50-тармақтың екінші бөлігі алып тасталсын.
мынадай мазмұндағы 50-1, 50-2 және 50-3-тармақтармен толықтырылсын:
"50-1. Заң жобасын ақпараттық сүйемелдеу және түсіндіру бағдарламасы Заң жобасын ашық НҚА порталында жарияланған күнге дейін күнтізбелік 5 (бес) күн бұрын БАҚ жөніндегі уәкілетті органға жіберіледі.
Ақпараттық сүйемелдеу және түсіндіру бағдарламасына қоса беріледі:
1) Т.А.Ә., қызмет саласы мен байланыстары көрсетілген әзірлеушілердің тізімі;
2) спикерлер тізімі (Т.А.Ә., байланыстары, қызмет саласы, қолдануға қолайлы тіл көрсетіле отырып).
Спикерлер тізімі әзірлеушілерден, жұмыс тобының мүшелерінен, осы саладағы сарапшылардан, қоғам өкілдерінен тұруы тиіс;
3) әлеуетті тәуекелдер бойынша ақпарат;
4) заң жобасының негізгі аспектілерін ілгерілету және түсіндіру бойынша құжаттар топтамасы (түсіндірме жазба, заң жобасы, заңға тәуелді актілердің тізбесі, тиісті материалдармен түсіндірмелер (инфографика, бейнероликтер, бизнес-процестер және басқалар).
50-2. Әзірлеуші орган баспасөз конференциясын өткізудің орындылығы туралы шешім қабылдау үшін Қазақстан Республикасы Президентінің жанындағы Орталық коммуникациялар қызметіне (бұдан әрі – ОКҚ) құжаттар топтамасын (түсіндіру материалдары, заңға тәуелді актілер тізбесі, тәуекелдерді талдау, кейінге қалдырылған нормалар тізбесі) жібереді (қажет болған жағдайда).
50-3. Заң жобасы бойынша ақпараттық сүйемелдеу және түсіндіру бағдарламасының іске асырылуы туралы есеп осы Қағидаларға 5-қосымшаға сәйкес нысан бойынша Әділет министрлігіне және БАҚ саласындағы уәкілетті органға ұсынылады. Әділет министрлігі ұсынылған ақпаратты талдайды және жинақтайды және есепті кезеңнен кейінгі жылдың 25 қаңтарына дейін Үкімет Аппаратына жібереді.";
62-тармақтың 4) тармақшасы мынадай редакцияда жазылсын:
"4) Заң жобаларын Қазақстан Республикасы Президентінің Әкімшілігімен келісу қағидаларына сәйкес заң жобаларын Президент Әкімшілігімен келісуді;";
64-тармақ мынадай мазмұндағы төртінші және бесінші бөліктермен толықтырылсын:
"Қабылданған заңды ақпараттық сүйемелдеу және түсіндіру бағдарламасы ресми жарияланғаннан кейін 3 (үш) жұмыс күні ішінде БАҚ жөніндегі уәкілетті органға жіберіледі.
Ақпараттық сүйемелдеу және қабылданған заңды түсіндіру бағдарламасына қоса беріледі:
1) әзірлеушілердің Т.А.Ә., қызмет саласы мен байланысы көрсетілген тізімі;
2) спикерлер тізімі (Т.А.Ә., байланыстар, қызмет саласы, қолдануға қолайлы тіл көрсетіле отырып).
Спикерлер тізімі әзірлеушілерден, жұмыс тобының мүшелерінен, осы саладағы сарапшылардан, қоғам өкілдерінен тұруы тиіс;
3) әлеуетті тәуекелдер бойынша ақпарат;
4) түсіндірме материалдары, оның ішінде ұсынылатын нормалардың көрнекі графикалық сипаттамасы (бизнес-процестер, схемалар, суреттер, графиктер, диаграммалар және басқалар түрінде).
Әзірлеуші орган баспасөз конференциясын өткізудің орындылығы туралы шешім қабылдау үшін ОКҚ-ға (қажет болған жағдайда) қол қойылған Заңның құжаттар топтамасын (түсіндіру материалдары, заңға тәуелді актілер тізбесі, тәуекелдерді талдау, кейінге қалдырылған нормалар тізбесі) жібереді.";
65-тармақ мынадай редакцияда жазылсын:
"65. Қабылданған заңды ақпараттық сүйемелдеу және түсіндіру бағдарламасын іске асыру туралы есеп осы Қағидаларға 9-қосымшаға сәйкес нысан бойынша Әділет министрлігіне және БАҚ саласындағы уәкілетті органға ұсынылады. Әділет министрлігі ұсынылған ақпаратты талдайды және жинақтайды және есепті жылдан кейінгі жылдың 25 қаңтарына дейін Үкімет Аппаратына жібереді.";
көрсетілген Қағидаларға 5-қосымша осы өзгерістер мен толықтыруларға 1-қосымшаға сәйкес жаңа редакцияда жазылсын;
көрсетілген Қағидаларға 9-қосымша осы өзгерістер мен толықтыруларға 2-қосымшаға сәйкес жаңа редакцияда жазылсын.
4. "Қазақстан Республикасы Үкіметінің Регламенті туралы" Қазақстан Республикасы Үкіметінің 2023 жылғы 6 қаңтардағы № 10 қаулысында:
көрсетілген қаулымен бекітілген Қазақстан Республикасы Үкіметінің Регламентінде:
3) тармақша мынадай редакцияда жазылсын:
"3) осы Регламентке 1-қосымшаға сәйкес нысан бойынша түсіндірме жазба;";
12) тармақшасының бірінші бөлігі мынадай редакцияда жазылсын:
"12) заң жобалары Үкімет қаулысының жобасымен Парламент Мәжілісінің қарауына енгізілетін жағдайларда келісу парағы. Бұл ретте қағаз жеткізгіштегі келісу парағына Әділет, Қаржы және Ұлттық экономика министрліктерінің бірінші басшылары немесе бірінші басшылардың шешімі бойынша олардың орынбасарлары қолтаңба қояды.";
75-тармақ мынадай редакцияда жазылсын:
"75. Үкіметтің заң шығару қызметі Үкіметтің заң жобалау жұмыстарының ағымдағы жоспарларына (бұдан әрі – Жоспар) сәйкес жүзеге асырылады.";
76-тармақтың бірінші бөлігі мынадай редакцияда жазылсын:
"76. Алдағы жылға арналған Жоспарды қалыптастыру Президенттің жыл сайынғы Жолдауы, Конституциялық Соттың нормативтік қаулылары мен жыл сайынғы жолдаулары, Мемлекеттік жоспарлау жүйесінің Үкімет бекітетін құжаттары, Президенттің, Президент Әкімшілігінің, Премьер-Министр мен Үкіметтің шешімдерін және/немесе тапсырмаларын іске асыру жөніндегі жоспар-графиктер, қабылдануы Қазақстан Республикасының заңнамасында көзделген заңдардың, нормативтік құқықтық актілердің құқықтық мониторингінің нәтижелері ескеріліп жүзеге асырылады.";
77-тармақ мынадай редакцияда жазылсын:
"77. Aлдағы жылға арналған Жоспардың жобасын жыл сайын 1 тамызға дейін мемлекеттік органдар Әділет министрлігіне ұсынатын реттеушілік саясаттың консультативтік құжаттары (бұдан әрі – консультативтік құжат) бойынша Заң жобалау қызметі мәселелері жөніндегі ведомствоаралық комиссияның (бұдан әрі – Ведомствоаралық комиссия) оң қорытындысы негізінде Әділет министрлігі қалыптастырады. Бұл ретте консультативтік құжаттарды Ведомствоаралық комиссия жыл сайын 1 қыркүйекке дейін мақұлдауға тиіс.
Осы тармақтың бірінші бөлігінде көрсетілген талаптар Президенттің Қазақстан халқына жыл сайынғы Жолдауларын іске асыру жөніндегі жалпыұлттық жоспарды орындау жөніндегі іс-шараларды іске асыру мақсатында әзірленетін консультативтік құжаттарға, сондай-ақ Конституциялық Соттың қорытынды шешімдеріне қолданылмайды.";
79-тармақ мынадай редакцияда жазылсын:
"79. Жоспардың қалыптастырылған жобасы жыл сайын 1 қарашаға дейін Үкімет қаулыларының жобаларын енгізу үшін белгіленген тәртіппен Үкіметке ұсынылады. Бұл ретте Әділет министрлігі Жоспардың жобасына енгізілген әрбір заң жобасын әзірлеу қажеттігінің негіздемесін қамтитын анықтаманы Жоспардың жобасына қоса береді.
Жоспардың жобасы жоспарланатын жылдың алдындағы жылдың 31 желтоқсанынан кешіктірілмей бекітіледі.
Мемлекеттік органдар Заң жобалау жұмыстары жоспарының жобасына ұсыныстарын ағымдағы жылғы 1 тамызға дейін уақтылы бермеген жағдайда Әділет министрлігі тиісті мемлекеттік органның басшысына не оның міндетін атқарушы тұлғаға заң қызметінің басшысын жауапкершілікке тарту туралы ұсыныс енгізеді.
Жоспар жобасына ұсыныстар болмаған жағдайда тиісті мемлекеттік орган көрсетілген мерзімде Әділет министрлігіне ұсыныстардың жоғы туралы хат жолдайды.
Жоспар жобасы Үкімет Аппаратының ескертулері мен ұсыныстары бойынша қайтарылған жағдайда Ведомствоаралық комиссияның шешімі талап етілмейді.";
80-тармақ алып тасталсын;
81-тармақтың он бірінші бөлігі алып тасталсын;
83-тармақтың бірінші бөлігі мынадай редакцияда жазылсын:
"83. Ағымдағы жоспардың орындалуын жалпы бақылауды және үйлестіруді Әділет министрлігі жүзеге асырады.";
85-тармақтың екінші және үшінші бөлігі алып тасталсын;
113-тармақтың бірінші бөлігі мынадай редакцияда жазылсын:
"113. Президент Әкімшілігімен Үкімет Парламент Мәжілісіне енгізетін заңдардың жобаларын келісу "Қазақстан Республикасы Президентінің Әкімшілігімен Үкімет Қазақстан Республикасы Парламентінің Мәжілісіне енгізетін заңдардың жобаларын келісу қағидаларын бекіту туралы" Президенттің 2002 жылғы 17 мамырдағы № 873 Жарлығымен айқындалатын тәртіппен жүзеге асырылады.";
120-тармақтың бірінші бөлігі мынадай редакцияда жазылсын:
"120. Парламент депутаттары бастама жасаған заң жобалары бойынша Үкімет қорытындыларының жобалары Ведомствоаралық комиссияның отырысында қаралуға тиіс.";
мынадай мазмұндағы 4-1 және 4-2-тараулармен толықтырылсын:
"4-1 тарау. Нормативтік құқықтық актілерге өзгерістер және (немесе) толықтырулар енгізуге байланысты Қазақстан Республикасы Конституциялық Сотының қорытынды шешімдерін іске асыру тәртібі
140-1. Конституциялық Соттың қорытынды шешімін алғаннан кейін Премьер-Министрдің тапсырмасы бойынша Конституциялық Соттың қорытынды шешімін іске асыруға жауапты мемлекеттік органды, сондай-ақ мүдделі мемлекеттік органдарды айқындайды.
Конституциялық Соттың қорытынды шешімін іске асыруға жауапты мемлекеттік орган 10 (он) жұмыс күні ішінде осы Регламентке 14-2 – қосымшаға сәйкес Конституциялық Соттың әрбір құқықтық позициясын және ұсыныстарды іске асыру жөніндегі іс-шараларды көрсете отырып, оны іске асыру жөніндегі жоспардың іс-шаралар жобасын (бұдан әрі – іс-шаралар жоспары) әзірлейді және оны мүдделі мемлекеттік органдарға, Әділет министрлігіне келісуге жібереді.
Іс-шаралар жоспарының жобасын әзірлеу және келісу мемлекеттік органның заң қызметінің міндетті қатысуымен жүзеге асырылады.
Мемлекеттік органның іс-шаралар жоспарының жобасын мүдделі мемлекеттік органдар 5 (бес) жұмыс күні ішінде келіседі.
Әділет министрлігінің келісуін алғаннан кейін 2 (екі) жұмыс күні ішінде іс-шаралар жоспарын мемлекеттік органның бірінші басшысы немесе оның міндетін атқарушы адам не бірінші басшы ресми өкілеттік берген адам бекітеді және Конституциялық Соттың қорытынды шешімдерінің іске асырылу барысын есепке алу және мониторингтеу үшін Әділет министрлігіне жібереді.
Конституциялық Соттың қорытынды шешімін іске асыруға жауапты мемлекеттік орган қорытынды шешімнен туындайтын Конституциялық Соттың құқықтық ұстанымдарының жан-жақты және сапалы пысықталуын қамтамасыз етеді.
Қаралатын мәселелер бойынша бірыңғай ұстанымды әзірлеу қажет болған жағдайда мемлекеттік орган мүдделі мемлекеттік органдарды, ұйымдарды және өзге де субъектілерді шақыра отырып, кеңес ұйымдастырады.
Мемлекеттік орган Әділет министрлігіне іс-шаралар жоспары бекітілгеннен кейін бір ай ішінде Конституциялық Соттың қорытынды шешімін іске асыру үшін әзірленген нормативтік құқықтық актінің жобасының алдын ала редакциясын ұсынады.
Конституциялық Сот "Қазақстан Республикасының Конституциялық Соты туралы" Қазақстан Республикасы Конституциялық заңының 64-бабының 4-тармағында белгіленгеннен гөрі қорытынды шешімді іске асыру үшін неғұрлым қысқа мерзімдер белгілеген жағдайда, осы тармақта көрсетілген әзірлеу, келісу және бекіту жөніндегі мерзімдер екі есеге қысқартылады.
Осы тармақта белгіленген тәртіп Қазақстан Республикасының Жоғарғы Сотына жолданған Конституциялық Соттың қорытынды шешімдеріне қолданылмайды.
140-2. Конституциялық Соттың жолдаулары бойынша Әділет министрлігі ол жария етілген күннен бастап екі апта ішінде мүдделі мемлекеттік органдарға жолдауды іске асыру жөніндегі жоспардың жобасын келісуге жібереді.
Мемлекеттік органдар жоспардың жобасын 5 (бес) жұмыс күнінен аспайтын мерзімде келіседі.
Жолдауды іске асыру жөніндегі жоспардың жобасын Әділет министрлігі Үкімет Аппаратына жарияланған күнінен бастап бір айдан аспайтын мерзімде енгізеді.
Жоспардың барлық мүдделі мемлекеттік органдармен келісілген жобасы Премьер-Министрдің қарарымен одан әрі орындау үшін мемлекеттік органдарға жіберіледі.
Қазақстан Республикасы Конституциялық Сотының жолдауын іске асыру жөніндегі жоспардан туындайтын іс-шараларды орындау тәртібі осы Регламенттің 140-1-тармағында белгіленген Қазақстан Республикасы Конституциялық Сотының қорытынды шешімдерін іске асыру тәртібіне ұқсас.
Конституциялық Соттың жыл сайынғы жолдауларының орындалу барысы туралы ақпарат осы Регламенттің 140-3-тармағында белгіленген тәртіппен ұсынылады.
140-3. Орталық мемлекеттік органдардың қызметін жалпы үйлестіруді, Қазақстан Республикасы Конституциялық Сотының Қазақстан Республикасының заңнамасына өзгерістер және (немесе) толықтырулар енгізу жөніндегі қорытынды шешімдерінің орындалу барысын есепке алуды және мониторингтеуді Әділет министрлігі жүзеге асырады.
Қорытынды шешімді іске асыруға жауапты ретінде айқындалған мемлекеттік органдар тоқсан сайын есепті тоқсаннан кейінгі айдың 1-күніне дейін Конституциялық Соттың қорытынды шешімдерінің іске асырылу барысы туралы ақпаратты Әділет министрлігіне осы Регламенттің 14-2 және 14-4-қосымшаларына сәйкес оларды іске асыру бойынша жүргізіліп жатқан жұмыстар, әзірленген ұстанымдар туралы егжей-тегжейлі мәліметтер және нормативтік құқықтық актілердің алдын ала жобаларының салыстырма кестелері мен мәтіндері көрсетіле отырып ұсынады.
Әділет министрлігі тоқсан сайын, есепті тоқсаннан кейінгі айдың 10-күнінен кешіктірмей, Конституциялық Соттың қорытынды шешімдерінің іске асырылу барысын талдайды және қорытындылайды және:
1) осы Регламенттің 14-3-қосымшасына сәйкес нысан бойынша қорытынды шешімдердің іске асырылу барысы туралы ақпаратты Конституциялық Сотқа ұсынады;
2) Конституциялық Соттың қорытынды шешімдерінің орындалуына аралық бақылауды жүзеге асыру үшін осы Регламенттің 14-3-қосымшасына сәйкес нысан бойынша Үкімет Аппаратына қорытынды шешімдердің іске асырылу барысы туралы ақпарат ұсынады, сондай-ақ жалпыға қолжетімді мемлекеттік ақпараттандыру объектісінде жиынтық ақпаратты орналастырады;
3) Үкіметтің Аппаратына қорытынды шешімдерді орындау мерзімдерінің ықтимал бұзылуы туралы ақпаратты және уақтылы орындауға жауапты лауазымды адамдарды жауапқа тарту туралы ұсыныстар енгізеді.
140-4. Конституциялық Сотқа шағымдану қажеттігі туралы мәселені қозғағанға дейін мемлекеттік органдар оны басқа тәсілдермен шешу үшін жан-жақты шаралар қабылдауға міндетті.
4-2-тарау. Мемлекеттік органдардың конституциялық іс жүргізуге қатысу тәртібі
140-5. Егер Конституциялық Соттан азаматтың өтініші негізінде басталған конституциялық іс жүргізу шеңберінде мемлекеттік органдардан өз ұстанымын ұсыну туралы сұрау келіп түссе, Үкімет құрамына кіретін және тиісті саланы реттеуге құзыретті мемлекеттік орган Конституциялық Соттың сұранысын алған күннен бастап он күнтізбелік күннен кешіктірмей, қаралып отырған мәселелердің жан-жақты талдануын қамтамасыз ету үшін даулы норманың қолдану тәжірибесін және халықаралық тәжірибені зерделеу, мүдделі мемлекеттік органдармен алдын ала пікір алмасу, сондай-ақ құқық қолдану практикасының ерекшеліктерін ескере отырып, қаралып отырған нормативтік құқықтық актінің Қазақстан Республикасының Конституциясына сәйкестігі бойынша келісілген ұстаным қалыптастыру жөнінде шаралар қабылдауы тиіс.
Мүдделі мемлекеттік органдар арасында келіспеушіліктер болған жағдайда құзыретіне тиісті саланы реттеу кіретін мемлекеттік орган келіспеушіліктерді жою жөнінде шаралар қабылдайды және конституциялық іс жүргізуге қатысатын мемлекеттік органдардың келісілген ұстанымын әзірлеуді қамтамасыз етеді.
140-6. Тиісті саланы реттеу практикасы мәселелерін түсіндіруді қоспағанда, Үкіметтің құрамына кіретін мемлекеттік органдардың қаралатын нормативтік құқықтық актінің Қазақстан Республикасының Конституциясына сәйкестігі мәселесі бойынша келісілмеген ұстанымды білдіруіне жол берілмейді.
140-7. Үкіметтің құрамына кіретін мемлекеттік органдардың лауазымды адамдарының конституциялық іс жүргізуге қатысуы мемлекеттік реттеудің қаралатын саласы тікелей құзыретіне кіретін мәселелер бойынша бірінші басшының орынбасарынан төмен емес деңгейде және мемлекеттік органның құзыретіне тікелей әсер етпейтін мәселелер бойынша құрылымдық бөлімше басшысынан төмен емес деңгейде жүзеге асырылады.
140-8. Белгіленген тәртіпті бұзғаны үшін конституциялық іс жүргізуге қатысатын Үкімет құрамына кіретін мемлекеттік органдардың лауазымды адамдары жауапты болады.
Конституциялық іс жүргізуге қатысатын Үкіметтің құрамына кіретін мемлекеттік органдар тарапынан бұзушылықтар анықталған жағдайда Әділет министрлігі осы мемлекеттік органдардың лауазымды адамдарын жауапқа тарту туралы Үкімет Аппаратына ұсыныстар енгізеді.";
142-тармақтың бесінші бөлігі алып тасталсын;
осы Үкімет регламентіне 14-2-қосымша осы өзгерістер мен толықтыруларға 3-қосымшаға сәйкес толықтырылсын;
осы Үкімет регламентіне 14-3-қосымша осы өзгерістер мен толықтыруларға 4-қосымшаға сәйкес толықтырылсын;
осы Үкімет регламентіне 14-4-қосымша осы өзгерістер мен толықтыруларға 5-қосымшаға сәйкес толықтырылсын.
| Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 1-қосымша Қазақстан Республикасы Үкіметінің заң шығару жұмысының қағидаларына 5-қосымша |
Заң жобасын ақпараттық сүйемелдеудің және түсіндірудің үлгі бағдарламасы
Р/с № | Іс-шараның атауы | Аяқталу нысаны | Мерзімі | Нысаналы индикатор | Жауаптылар | Іс-шараларды іске асыру туралы есеп |
1 | 2 | 3 | 4 | 5 | 6 | 7 |
1 | НҚА жобасына байланысты түсіндірме жазбаны, заңға тәуелді актілердің тізбесін, түсіндірме материалдарын (инфографика, бейнероликтер, бизнес-процестер және т.б.) дайындау НҚА жобасын әзірлеуші органның интернет-ресурстарында орналастыру | әзірлеуші органның интернет-ресурстарында материалдарды жариялау | ашық НҚА порталында жарияланғаннан кейін 3 жұмыс күні ішінде және және заң жобасын талқылаудың барлық кезеңі | кемінде 1 ақпарат | әзірлеуші орган | |
2 | Әзірлеуші органның әлеуметтік желілерінде заң жобасы туралы ақпаратты мемлекеттік және орыс тілдерінде орналастыру | әлеуметтік желілерде ақпаратты жариялау | ашық НҚА порталында жарияланғаннан кейін 3 жұмыс күні ішінде | кемінде 1 ақпарат | әзірлеуші орган | |
3 | Әлеуметтік желілердегі онлайн-алаңдарда заң жобасының тақырыбын талқылау | әлеуметтік желілердегі ақпарат | ашық НҚА порталында жарияланғаннан кейін | кемінде 1 талқылау | әзірлеуші орган | |
4 | БАҚ-та мақалалардың мемлекеттік және орыс тілдерінде жариялануын ұйымдастыру | БАҚ-тағы мақалалар | талқылау барысы бойынша ақпаратты өзектендіре отырып заң шығару процесінің барлық кезеңдерінде | кемінде 2 мақала | әзірлеуші орган | |
5 | ОКҚ-нің заң жобасын түсіндіру жөніндегі брифингтерін ақпараттық сүйемелдеу | БАҚ-тың жаңалықтар блоктарындағы ақпарат | заң шығару процесінің барлық кезеңдерінде | кемінде 1 ақпарат | әзірлеуші орган, МАМ, ОКҚ | |
6 | Республикалық және өңірлік телеарналардың бағдарламаларында заң жобасы бойынша сұхбаттарды талқылауды және көрсетуді ұйымдастыру (қажеттілігіне қарай) | ток-шоу, интерактивтік және ақпараттық талдамалық бағдарламалар | заң шығару процесінің барлық кезеңдерінде | кемінде 2 бағдарлама | әзірлеуші орган, МАМ | |
7 | Заң жобасын көпшілік алдында талқылау (қажет болған жағдайда) | қоғамдық тыңдаулар өткізу | заң шығару процесінің барлық кезеңдерінде | кемінде 1 талқылау | әзірлеуші орган, ЖАО (қажет болған жағдайда) |
Ескертпе: аббревиатуралардың толық жазылуы:
БАҚ – бұқаралық ақпарат құралдары
ЖАО – жергілікті атқарушы органдар
НҚА – нормативтік құқықтық актілер
МАМ – Қазақстан Республикасының Мәдениет және ақпарат министрлігі
ОКҚ – Қазақстан Республикасы Президентінің жанындағы Орталық коммуникациялар қызметі
| Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 2-қосымша Қазақстан Республикасы Үкіметінің заң шығару жұмысының қағидаларына 9-қосымша |
Қабылданған заңды ақпараттық сүйемелдеудің үлгі бағдарламасы
Р/с № | Іс-шараның атауы | Аяқталу нысаны | Мерзімі | Нысаналы индикатор | Жауапты орындаушылар | Іс-шараларды іске асыру туралы есеп |
1 | 2 | 3 | 4 | 5 | 6 | 7 |
1 | Қабылданған заң бойынша құжаттар топтамасын (түсіндіру материалдары (инфографика, телеграф, бейнероликтер, бизнес-процестер және басқа материалдар), заңға тәуелді актілердің тізбесін, қолданысқа енгізілетін күнін көрсете отырып ресми жарияланғаннан кейін қолданысқа енгізілетін кейінге қалдырылған нормалар тізбесін) дайындау және әзірлеуші органның интернет-ресурстарында орналастыру | интернет-ресурстарда, БАҚ-та және әлеуметтік желілерде жарияланымдар | ресми жарияланғаннан кейін 3 (үш) жұмыс күні ішінде | кемінде 1 жарияланым | әзірлеуші орган | |
2 | Әзірлеуші органның интернет-ресурстарында қабылданған заң туралы ақпаратты мемлекеттік және орыс тілдерінде орналастыру (Мысалы: "Бүгіннен бастап "........ туралы" Заң күшіне енеді. Бұл Заң ... бағытталған. Жете танысу үшін сілтеме (ведомство сайтына сілтеме) бойынша өтуге болады") | әзірлеуші органның интернет-ресурстарында ақпарат жариялау | ресми жарияланғаннан кейін 3 (үш) жұмыс күні ішінде | кемінде 1 ақпарат | әзірлеуші орган | |
3 | БАҚ-та мемлекеттік және орыс тілдерінде мақалалардың жариялануын ұйымдастыру | БАҚ-тағы мақалалар | ресми жарияланған кезден бастап күнтізбелік 1 (бір) ай ішінде | кемінде 2 мақала | әзірлеуші орган, МАМ | |
4 | Қабылданған заңды түсіндіру бойынша ОКҚ-нің брифингтерін ақпараттық сүйемелдеу (қажеттілігіне қарай) | мемлекеттік БАҚ-тың жаңалықтар блоктарындағы сюжеттер | брифинг өткізілгеннен кейін | кемінде 1 ақпарат | әзірлеуші орган, ОКҚ (келісу бойынша) | |
5 | Республикалық және өңірлік телеарналардың бағдарламаларында қабылданған заң бойынша талқылау мен сұхбаттар көрсетуді ұйымдастыру (қажеттілігіне қарай) | ақпараттық-талдамалық бағдарламалар | қабылданған заңды талқылаудың бүкіл кезеңі | кемінде 2 бағдарлама | әзірлеуші орган, МАМ, ОКҚ (келісу бойынша) | |
6 | Қабылданған заңды республикалық және өңірлік телеарналарда талқылау және түсіндіру жөніндегі мамандандырылған бағдарламалардың шығуын қамтамасыз ету (қажет болған кезде) | ақпараттық-талдамалық бағдарламалар | қабылданған заңды талқылаудың бүкіл кезеңі | кемінде 3 бағдарлама | МАМ, ОКҚ (келісу бойынша) |
Ескертпе: аббревиатуралардың толық жазылуы:
БАҚ – бұқаралық ақпарат құралдары
МАМ – Қазақстан Республикасының Мәдениет және ақпарат министрлігі
ОКҚ – Қазақстан Республикасы Президентінің жанындағы Орталық коммуникациялар қызметі
| Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 3-қосымша Қазақстан Республикасы Үкіметінің регламентіне 14-2-қосымша |
Нормативтік құқықтық актілерге өзгерістер және (немесе) толықтырулар енгізуге байланысты Қазақстан Республикасы Конституциялық Сотының қорытынды шешімдерін іске асыру жөніндегі ЖОСПАР
Ескерту:
* Іс-шара Конституциялық Соттың нормативтік қаулысынан туындайтын әрбір құқықтық ұстанымның мазмұнына қарай енгізіледі.
** Іске асыру барысы туралы ақпарат жіберілген кезде толтырылады:
мемлекеттік органның жауапты орындаушысы (Т.А.Ә. (бар болса), лауазымы, құрылымдық бөлімшенің атауы, телефон нөмірі, электрондық пошта мекенжайы көрсетілген);
құжаттың жасалған күні: ______ 20__ жыл.
*** Нормативтік құқықтық актілер жобаларының, депутаттық түзетулердің, Үкімет регламентіне сәйкес дайындалған түзетулердің, Үкімет қорытындыларының, салыстырмалы кестелер мен өзге де материалдардың мәтіндері қоса беріледі.
**** Іске асыру алгоритмінде көрсетілген іс-шараларды орындау мерзімдері ақылға қонымды және оларды іске асыру үшін жеткілікті болуы тиіс. Іс-шараны іске асыру үшін неғұрлым ұзақ мерзімдер белгілеу қажет болған жағдайда, Мемлекеттік орган жоспарда әрбір іс-шара бойынша тиісті негіздемелерді көрсетеді.
***** Заңнамаға түзетулерді әзірлеу тәртібі көрсетіледі:
заң жобасын әзірлеу (жалпы немесе жеңілдетілген тәртіп);
депутаттардың түзетулерге, заң жобаларына бастама жасауы;
Үкімет регламентіне сәйкес заң жобаларына түзетулерді енгізу.
| Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 4-қосымша Қазақстан Республикасы Үкіметінің регламентіне 14-3-қосымша |
Нормативтік құқықтық актілерге өзгерістер және (немесе) толықтырулар енгізуге байланысты Қазақстан Республикасы Конституциялық Сотының қорытынды шешімдерінің іске асырылу барысы туралы ақпарат
Р/с № |
Іс-шараның атауы*; | Аяқтау нысаны және іске асыру мерзімі |
Жауапты мемлекеттік орган (бірлесіп орындаушылар) | Түзетулердің мәні*** |
Мерзімі көрсетілген іске асыру алгоритмі * * * * және |
I. Заңды немесе өзге де құқықтық актіні не олардың жекелеген ережелерін Қазақстан Республикасының Конституциясына сәйкес емес деп тану туралы нормативтік қаулылар | |||||
II. Осы Конституциялық Соттың түсіндірмесінде заңды немесе өзге де құқықтық актіні не олардың жекелеген ережелерін Қазақстан Республикасының Конституциясына сәйкес деп тану туралы нормативтік қаулылар | |||||
III. Заңдардың, өзге де НҚА нормалары Конституцияға сәйкес деп танылған, бірақ заңнаманы жетілдіруді талап ететін Конституциялық Соттың нормативтік қаулылары | |||||
IV. Конституциялық Соттың Қазақстан Республикасындағы конституциялық заңдылықтың жай-күйі туралы жолдауы | |||||
Ескерту:
* Іс-шара Конституциялық Соттың нормативтік қаулысынан туындайтын әрбір құқықтық ұстанымның мазмұнына қарай енгізіледі.
** Іске асыру барысы туралы ақпарат жіберілген кезде толтырылады:
мемлекеттік органның жауапты орындаушысы (Т.А.Ә. (бар болса), лауазымы, құрылымдық бөлімшенің атауы, телефон нөмірі, электрондық пошта мекенжайы көрсетілген);
құжаттың жасалған күні: ______ 20__ жыл.
*** Нормативтік құқықтық актілер жобаларының, депутаттық түзетулердің, Үкімет регламентіне сәйкес дайындалған түзетулердің, Үкімет қорытындыларының, салыстырма кестелер мен өзге де материалдардың мәтіндері қоса беріледі.
**** Іске асыру алгоритмінде көрсетілген іс-шараларды орындау мерзімдері ақылға қонымды және оларды іске асыру үшін жеткілікті болуы тиіс. Іс-шараны іске асыру үшін неғұрлым ұзақ мерзімдер белгілеу қажет болған жағдайда, мемлекеттік орган жоспарда әрбір іс-шара бойынша тиісті негіздемелерді көрсетеді.
***** Заңнамаға түзетулерді әзірлеу тәртібі көрсетіледі:
заң жобасын әзірлеу (жалпы немесе жеңілдетілген тәртіп);
депутаттардың түзетулерге, заң жобаларына бастама жасауы;
Үкімет регламентіне сәйкес заң жобаларына түзетулерді енгізу.
| Қазақстан Республикасы Үкіметінің кейбір шешімдеріне енгізілетін өзгерістер мен толықтыруларға 5-қосымша Қазақстан Республикасы Үкіметінің регламентіне 14-4-қосымша |
Нормативтік құқықтық актілерге өзгерістер және (немесе) толықтырулар енгізуге байланысты мемлекеттік органдардың Конституциялық Сотының қорытынды шешімдерінің іске асырылу барысы туралы ақпарат*
I. Конституциялық Соттың қорытынды шешімдерін іске асыру туралы жалпы ақпарат
1. Конституциялық Соттың қорытынды шешімінің атауы, күні және нөмірі.
2. Конституциялық Соттың құқықтық ұстанымынан туындайтын іс-шараның атауы.
3. Жауапты мемлекеттік орган, бірінші басшының орынбасарынан не аппарат басшысынан төмен емес лауазымды адам, жауапты орындаушы.
4. Іске асыру тетігі туралы мәліметтер: заң жобасын әзірлеу (жалпы не оңайлатылған тәртіп), депутаттардың түзетулерге бастама жасауы, мемлекеттік органның Үкімет регламентіне сәйкес түзетулерді енгізуі (124-тармақ).
5. Үкімет регламентінің 124-тармағына сәйкес әзірленген нормативтік құқықтық актілердің, депутаттық түзетулердің, түзетулердің әзірленген жобаларын; мемлекеттік органдардың келісілген ұстанымдарын; Үкімет қорытындыларын мемлекеттік органдарға, Әділет министрлігіне, Үкімет Аппаратына, Президент Әкімшілігіне, Мәжіліске, Парламент Сенатына енгізудің мәліметтері мен күндерін көрсете отырып, қабылданған шаралар туралы, қорытынды шешімдердің орындалу барысы туралы ақпарат (қорытынды жобалар):
Үкімет Регламентіне сәйкес дайындалған нормативтік құқықтық актілердің және/немесе тузетулердің әзірленген жобалары (124-тармақ);
мемлекеттік органдардың келісілген ұстанымдары;
Үкімет қорытындыларының жобаларын мемлекеттік органдарға, Әділет министрлігіне, Үкімет Аппаратына, Президент Әкімшілігіне, Мәжіліске, Парламент Сенатына жолдауы.
6. Мәні, НҚА жобаларының мәтіндерін, мемлекеттік органның түзетулерін/депутаттардың түзетулерін, салыстырмалы кестелер мен қажетті материалдарды (зерттеу қорытындылары, схемалар, жұмыс топтарының хаттамалары және т.б.) қоса бере отырып, оларға ұсынылатын түзетулер мен негіздемелердің редакциясы.
7. Конституциялық Сот көрсеткен заң жобасын Парламент Мәжілісіне енгізу мерзімі туралы мәліметтер.
8. Заң жобасын Парламент Мәжілісіне енгізу туралы Қазақстан Республикасы Үкіметінің қаулысының күні, нөмірі.
9. Заң жобасының, Парламенттегі түзетулердің өту барысы туралы мәліметтер (жұмыс тобы отырыстарының саны, жұмыс тобының басшысы, жалпы отырыста мақұлдау туралы).
10. Депутаттық түзетулердің өту барысы туралы мәліметтер (түзетулердің қабылданған күні, жалпы отырыста мақұлданған күні, Үкімет қорытындысының күні мен нөмірі).
11. Нормативтік құқықтық актілерге (Жоғарғы Соттың нормативтік құқықтық қаулыларына, заңға тәуелді актілерге) түзетулер енгізу қажеттілігі тұрғысынан заңнамаға жүргізілген ревизия туралы мәліметтер.
12. Өтініш бойынша мүдделі субъектілерді хабардар ету туралы мәліметтер.
13. Қосымша ақпарат.
II. Мемлекеттік органның қорытындылары мен ұсыныстары
* Ақпаратты мемлекеттік органдар жоғарыда аталған тармақтар бойынша мәліметтерді міндетті түрде көрсете отырып, еркін нысанда толтырады.
