Ескерту. Күші жойылды - ҚР Үкіметінің 2011.05.26 № 580 Қаулысымен.
Қазақстан Республикасының Қорғаныс министрлiгi орталық аппаратының атқаратын мiндеттерi көлемiнiң ұлғаюына және жаңа ұйымдастыру құрылымдарының жасақталуына байланысты Қазақстан Республикасының Министрлер Кабинетi қаулы етедi:
1. Қазақстан Республикасының Қорғаныс министрлiгi орталық аппаратының саны 150 әскери қызметшi мен 50 қызметшiге көбейтiлiп, орталық аппарат қызметкерлерiнiң шектi саны 750 адам болып (үйлерге күтiм жасайтындардан басқалары) белгiленсiн.
2. Қазақстан Республикасының Қорғаныс министрлiгiне белгiленген қызметкерлер саны мен еңбекақы қоры шеңберiнде республика Қорғаныс министрлiгi аппаратының штатын, Қазақстан Республикасы Қарулы Күштерiнiң бөлiмдерi мен мекемелерiнiң штаты мен табелiн бекiту хұқығы берiлсiн.
3. Қазақстан Республикасы Министрлер Кабинетiнiң "Қазақстан Республикасының Қорғаныс министрлiгi туралы" 1992 жылғы 2 шiлдедегi N 575 қаулысының 2-тармағының күшi жойылған деп танылсын (Қазақстан Республикасының ПҮАЖ, 1992 ж., N 27, 413-бап).
Қазақстан Республикасының
Премьер-министрi
