Қазақстан Республикасының Министрлер Кабинетi қаулы етедi:
1. Қазақстан Республикасы Жоғарғы Кеңесi Төралқасының "1993 жылға арналған республикалық бюджет туралы" Қазақстан Республикасының Заңына өзгерiстер мен толықтырулар енгiзу туралы" 1993 жылғы 13 мамырдағы N 2202-XII қаулысымен нақтыланып енгiзiлген 1993 жылға арналған республикалық бюджет өзгерiстерiмен және толықтыруларымен осы қаулының N 1 қосымшасына сәйкес кiрiс бойынша 1990704829 мың сом мөлшерiнде және шығысы бойынша 2420332074 мың сом мөлшерiнде, тапшылықтың шектi мөлшерi 42962724 мың сом болып атқаруға қабылдансын.
2. Қазақстан Республикасы Жоғарғы Кеңесi Төралқасының аталған қаулысымен:
- облыстар мен Алматы және Ленинск қалаларының бюджеттерiнде жалпыреспубликалық мемлекеттiк салықтар мен табыстардан түсетiн аударымдар 1993 жылға мынадай мөлшерде бекiтiлгенi ескерiлсiн:
а) қосылған құнға салынатын салық бойынша:
Алматы, Қызылорда, Семей, Талдықорған, Оңтүстiк Қазақстан, Көкшетау, Жамбыл облыстары мен Ленинск қаласы 100 проценттен, Батыс Қазақстан облысы - 89,9 процент, Солтүстiк Қазақстан облысы - 87,9 процент, Торғай облысы - 91,4 процент, Шығыс Қазақстан облысы - 74 процент, Қостанай облысы - 25 процент, Ақтөбе облысы - 72,3 процент, Ақмола облысы - 34,7 процент, Атырау облысы - 28,6 процент, Жезқазған облысы - 35,5 процент, Қарағанды облысы - 10,3 процент және Маңғыстау облысы - 17,9 процент;
б) акциз бойынша:
Алматы, Батыс Қазақстан, Қызылорда, Көкшетау, Семей, Талдықорған, Торғай, Оңтүстiк Қазақстан, Ақтөбе, Шығыс Қазақстан, Жезқазған, Қостанай, Солтүстiк Қазақстан, Атырау, Ақмола, Жамбыл, Қарағанды, Маңғыстау облыстары және Ленинск қаласы - 100 проценттен және Алматы қаласы - 29,4 процент;
в) тiркелген (ренталық) төлемдер бойынша:
Маңғыстау облысы - 9,4 процент және Атырау облысы - 25,6 процент;
г) кәсiпорындарға, бiрлестiктер мен ұйымдарға тиесiлi акциялардан, облигациялардан және басқа да бағалы қағаздардан және бiрлескен кәсiпорындарға үлестiк қатысудан, оның iшiнде шетелдiк қатысушыдан алынған табыстарға салынатын салықтан - 50 процент;
Балаларға берiлетiн бiрыңғай жәрдемақыларды төлеу Қазақстан Республикасының Министрлер Кабинетi белгiлеген тәртiппен отбасылардың материалдық жағынан қамтамасыз етiлуiне қарай жүзеге асырылуы тиiс.
- Қазақстан Республикасы Жинақ банкiсiнiң мекемелерiнде сақтаулы халықтың ақша қаражатының құнсыздануынан болған залалды өтеудi төлеуге арнап 29066000 мың сом қарастырылды.
Қазақстан Республикасы Жоғарғы Кеңесiнiң "Халықтың Қазжинақбанк мекемелерiнде сақтаулы жинақ ақшаларын индекстеу туралы" 1993 жылғы 15 сәуiрдегi қаулысына сәйкес аталған өтемақыны Қазақстан Республикасы Министрлер Кабинетiнiң "Қазақстан Республикасы Жинақ банкiсiнiң салымдарында жатқан халықтың ақшалай қаражатын қорғау туралы" 1992 жылғы 3 тамыздағы N 647 қаулысына сай есептелген сомаларды ескере отырып, 1993 жылғы 1 сәуiрдегi қолданылып жүрген шоттары бойынша 1992 жылғы 1 тамыздағы мерзiмдi салымдардың қалдығын 50 процентке, талап етiлiп алынатын салымдардың қалдығын 100 процентке көбейту арқылы жүзеге асырылады.
- 1990-1991 жылдардағы Қазақ КСР ақшалай-заттай лотереясының ұтыстары бойынша халықпен есеп айырысу үшiн 50 млн. сом мөлшерде қаржы бөлу қарастырылды;
- Үкiметаралық келiсiмдерге сәйкес Қазақстан Республикасының Аралды құтқару жөнiндегi Халықаралық қорға 4500000 мың сом және Мемлекетаралық экологиялық қорға 490 000 мың сом мөлшерде жарна төлеу қарастырылды.
Ескерту. 2-тармағының "г" тармақшасының 2, 3, 4, 5, 6, 7, 8, 9,
10, 11, 12, 14, 15, 16, 17, 20, 21 абзацтарының күшi
жойылды - ҚРМК-нiң 12.11.1993 ж. N 1113 қаулысымен.
3. 1990 жылғы КСРО мемлекеттiк мақсатты процентсiз заемның облигацияларын өтеуге байланысты шығындардың орнын толтыруға Қазақстан Республикасы Қазжинақбанкiсiнiң корреспонденттiк шотына 20585730 мың сом мөлшерiнде қаражат аударуды қамтамасыз етсiн. Орнын толтыру КСРО Президентiнiң 1991 жылғы 22 наурыздағы Жарлығына сәйкес есептелген тауарлардың барлық топтары бойынша 80 есе көбейтiлген 40 проценттiк өтем ақыны ескере отырып, облигацияларды өз бағасына сатып алып алған сомаларды кейiннен азаматтардың салымдарына аудару жолымен жүргiзiлсiн.
Ескерту. 3-тармақтың 1 абзацының күшi жойылды - ҚРМК-нiң
12.11.1993 ж. N 1113 қаулысымен.
4. Жамбыл облысының аумағында орналасқан, бұрын республикалық бюджеттен қаржыландырылатын Қазақстан Республикасы Өнеркәсiп министрлiгi мен Қазақстан Республикасы Энергетика және отын ресурстары министрлiгiнiң тұрғын үй-коммуналдық шаруашылық ұстауға байланысты шығындар осы облыстық жергiлiктi бюджетiнен қаржыландыруға көшiрiлсiн.
(5-тармақ)
Ескерту. 5-тармақтың күшi жойылды - ҚРМК-нiң 12.11.1993 ж.
N 1113 қаулысымен.
6. Қазақстан Республикасы Министрлер Кабинетiнiң "Қазақстан Республикасының 1993 жылға арналған республикалық бюджет туралы" Заңын жүзеге асыру туралы" 1993 жылғы 5 наурыздағы N 170 P930170_ қаулысына мынадай өзгерiстер мен толықтырулар енгiзiлсiн:
(2-6 абзацтар)
б) 8-тармақ "Iшкi iстер министрлiгi" деген сөздерден кейiн "Қазақстан Республикасының Сауда министрлiгi" деген сөздермен толықтырылсын, әрi қарай текст бойынша:
в) 14-тармақ мынадай мазмұндағы абзацпен толықтырылсын:
"Қазақстан Республикасының Ауыл шаруашылығы министрлiгi Қазақстан Республикасы Қаржы министрлiгiмен келiсе отырып, онкүндiк мерзiм iшiнде Қазақстан Республикасы Министрлер Кабинетiнiң бекiтуiне оларға құрама жем шектi босату бағасы бойынша жүргiзiлген ауыл шаруашылық кәсiпорындарының тiзбесiн табыс етсiн".
г) 17-тармақ мынадай редакцияда жазылсын.
"17. Республикалық валюта қорына келiп түсетiн, сондай-ақ республикалық бюджеттiң қаржылары есебiнен сатып алынатын валюта қаржылары Қазақстан Республикасының Министрлер Кабинетi айқындайтын шараларды қаржыландыруға жiберiледi.
Ұлттық банкiден шетел валюталарын нарық бағамы бойынша сатып алуды Қаржы министрлiгi жүзеге асырады".
д) 20-тармақтың екiншi абзацындағы "және көшiп-қону" сөздерi алып тасталсын;
е) 22-тармақта екiншi сөйлем алып тасталсын;
(ж, з-тармақшалар)
и) 28-тармақ мынадай редакцияда жазылсын:
"28. Қазақстан Республикасының Қаржы министрлiгi екi апталық мерзiм iшiнде 1993 жылға арналып нақтыланған республикалық бюджетте қарастырылған мемлекеттiк өкiмет пен басқару органдарын ұстауға жұмсалатын қаражатты адрестiк бөлудi Қазақстан Республикасының Министрлер Кабинетiне табыс етсiн".
к) 31-тармақтың 2-абзацындағы "7588493" және "1 000 000" цифрлары тиiсiнше "19733560" және "3 000 000" цифрларымен ауыстырылсын";
л) Қазақстан Республикасы Министрлер Кабинетiнiң Қазақстан Республикасының "1993 жылға арналған республикалық бюджет туралы" Заңын жүзеге асыру туралы" 1993 жылғы 5 наурыздағы N 170 қаулысының I және II, 25 тармақтары, N 1 қосымша және N 2 қосымша күшiн жойды деп танылсын".
Ескерту. 6-тармақтың "ж","з"-тармақшаларының күшi жойылды -
ҚРМК-нiң 12.11.1993 ж. N 1113 қаулысымен.
Ескерту. 6-тармақтан "темекi" деген сөз алынып тасталды -
ҚРМК-нiң 1995.03.31. N 372 қаулысымен.
Ескерту. 6-тармақтың 2-6-абзацтары күшін жойды -
ҚРМК-нiң 1995.05.15. N 678 қаулысымен. P950678_
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1993 жылғы 15 маусымдағы
N 506 қаулысына
N 1 қосымша
Қазақстан Республикасы
Министрлер Кабинетiнiң
1993 жылғы 15 маусымдағы
N 506 қаулысына
N 2 қосымша
Ескерту. Осы қаулының N 1 және N 2 қосымшаларының күшi жойылды
- ҚРМК-нiң 12.11.1993 ж. N 1113 қаулысымен. P931113_
