Республикада Азаматтық қорғанысты жетiлдiру мақсатында Қазақстан Республикасының Министрлер Кабинетi қаулы етедi:
1. Мыналар бекiтiлсiн:
Қазақстан Республикасының Азаматтық қорғанысы туралы ереже;
<*>
Ескерту. 1-тармақтың үшiншi абзацы күшiн жойды - ҚРМК-нiң
1995.12.19. N 1820 қаулысымен.
2. Облыстарда, қалалар мен аудандарда, министрлiктер мен ведомстволарда, мекемелер мен ұйымдарда және меншiк нысандарына қарамастан кәсiпорындарда Азаматтық қорғанысқа басшылық жасау, тиiстi атқару органдарының, министрлiктер мен ведомстволардың, мекемелер мен ұйымдардың және кәсiпорындардың басшыларына жүктелсiн.
Осы аталған басшылар лауазымы жөнiнен тиiстi облыстардағы, қалалар мен аудандардағы, министрлiктердегi, ведомстволардағы, мекемелер мен ұйымдардағы және кәсiпорындардағы азаматтық қорғаныстың бастығы болып белгiленсiн.
3. Атқарушы органдардың, министрлiктердiң, ведомстволардың, мекемелердiң, ұйымдар мен кәсiпорындардың басшылары азаматтық қорғанысты ұйымдастыру және оның шараларын жүзеге асыру үшiн, азаматтық қорғаныстың жеке қорғаныс құралдары мен ұжымдық қорғаныс құралдарының қорларын құрау, жинақталған қорлары мен мүлкiнiң сақталуын қамтамасыз ету үшiн, сондай-ақ төтенше жағдайларда ведомстволарға қарасты аумақтар мен объектiлерде халықты iс-қимыл жасай бiлуге даярлау мен оқытуға жеке-дара жауап бередi деп белгiленсiн.
Бұл жұмысты жүргiзу үшiн өз құрылымдарында арнайы дербес бөлiмшелер құрсын, ал азаматтық қорғаныс жөнiндегi жұмыс көлемi шағын жерлерде арнайы қызметкер тағайындалатын болсын.
4. Қазақстан Республикасы азаматтық қорғаныс штабының бастығы мүдделi министрлiктермен, ведомстволармен бiрлесе отырып, 2 ай мерзiм iшiнде Қазақстан Республикасы азаматтық қорғанысының әскери емес құрылымдары туралы ереженiң жобасын әзiрлеп, бекiтсiн.
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1994 жылғы 16 наурыздағы
N 275 қаулысымен
Бекiтiлген
Қазақстан Республикасының азаматтық қорғанысы
туралы
ЕРЕЖЕ
1. Осы Ереже Қазақстан Республикасы азаматтық қорғанысының негiзгi мақсаты мен мiндеттерiн, ұйымдастырылуы мен жұмыс iстеу тәртiбiн, жергiлiктi атқару органдарының, министрлiктердiң, ведомстволардың, кәсiпорындар мен ұйымдардың, сондай-ақ лауазымды адамдар мен азаматтардың азаматтық қорғаныстың мiндеттерiн шешу жөнiндегi өкiлеттiгi мен мiндеттерiн белгiлейдi.
2. Қазақстан Республикасының азаматтық қорғанысы бейбiт кезең мен соғыс уақытында республиканың халқы мен экономикасын стихиялық зiлзалалар, iрi авариялар, апаттар зардаптары мен дұшпанның қазiргi заманғы зақымдау құралдарын ықтимал қолдануының зардаптарынан қорғау шараларын жүзеге асыру үшiн, сондай-ақ зақымдалу ошақтары мен төтенше жағдайлар туған аудандарда құтқару iсi мен басқа да шұғыл жұмыстарды жүргiзу үшiн тағайындалады.
Қазақстан Республикасының азаматтық қорғанысы Төтенше жағдайларда сақтандырудың және iс-әрекет жасаудың республикалық жүйесiнiң құрамына енедi және жүйе туралы Ережеге сәйкес мiндеттердi орындайды.
3. Азаматтық қорғаныстың негiзгi мiндеттерi:
бейбiт кезең мен соғыс уақытындағы төтенше жағдайлар зардаптарынан халықты қорғау және олардан келетiн залалды азайту жөнiнде шаралар кешенiн даярлап, күнiлгерi жүзеге асыру;
бейбiт кезең мен соғыс уақытында құтқару iсi мен басқа да шұғыл жұмыстарды және зардап шеккен халыққа көмек көрсетудi ұйымдастырып, өткiзу;
құтқару жұмыстарын жүргiзуге қажеттi күштер мен құрал-жабдықтарды әзiрлеп, даярлықта ұстау;
азаматтық қорғаныстың басшы құрамын, басқару органдары мен күштерiн даярлау, бейбiт кезең мен соғыс уақытындағы төтенше жағдайларда қорғану тәсiлдерi мен iс-қимыл жасауға халықты жаппай оқытып-үйрету;
азаматтық қорғанысты басқару жүйесiн, стихиялық зiлзалалар, iрi авариялар, апаттар қаупi төнгендiгi және туғандығы, дұшпанның қазiргi заманғы қару-жарақты қолдану қатерi төнгендiгi жайында халықты құлақтандыру мен хабар беру жүйесiн құрып, оны жоғары әзiрлiк деңгейiнде ұстау, радиоактивтiк, химиялық және бактериологиялық ластануға тұрақты байқау мен бақылауды ұйымдастыру;
бейбiт кезең мен соғыс уақытында экономика және тiршiлiктi қамтамасыз ету салалары мен объектiлерiнiң тұрақты жұмыс iстеуiн арттыру жөнiндегi шараларды жүзеге асыру болып табылады.
4. Қазақстан Республикасының азаматтық қорғанысы аумақтық-өндiрiстiк негiзде республика аумағында ұйымдастырылады және оның құрамына мынадай органдар енедi:
а) азаматтық қорғаныстың басқару органдары;
Қазақстан Республикасының азаматтық қорғаныс Штабы;
ведомстволық қарасты бөлiмшелерi мен мекемелерiн қоса азаматтық қорғаныстың облыстық, аудандық, қалалық, қалалардағы аудандық штабтары;
жергiлiктi атқару органдарының, министрлiктердiң, мемлекеттiк комитеттердiң, ведомстволардың, кәсiпорындардың, ұйымдар мен мекемелердiң бөлiмдерi, секторлары, топтары;
жергiлiктi атқару органдарының, министрлiктердiң, мемлекеттiк комитеттердiң, ведомстволардың, кәсiпорындардың, ұйымдар мен мекемелердiң (штаттан тыс) штабтары, қызметтерi, көшi-қон органдары;
азаматтық қорғаныс органдарының кезекшi қызметтерi, хабар беру мен байланыс бөлiмшелерi, басқару пункттерi;
ә) азаматтық қорғаныс күштерi:
азаматтық қорғаныстың аумақтық және ведомстволық әскерилендiрiлмеген құрылымдары;
министрлiктердiң, ведомстволар мен кәсiпорындардың апаттан құтқару жөнiндегi мамандандырылған құрылымдары;
азаматтық қорғаныстың аталған басқару органдары мен күштерiнiң құрылымы, құрамы, мiндеттерi мен қызметi тиiстi ережелермен белгiленедi.
5. Қазақстан Республикасының азаматтық қорғанысына жалпы басшылықты Қазақстан Республикасының Премьер-министрi жүзеге асырады. Ол лауазымы бойынша Қазақстан Республикасы азаматтық қорғанысының бастығы болып табылады.
Қазақстан Республикасы азаматтық қорғаныс Штабының бастығы Қазақстан Республикасы азаматтық қорғаныс бастығының орынбасары болып табылады.
Министрлiктерде, ведомстволарда, облыстарда, қалаларда, қалалық және селолық аудандарда, мекемелерде, ұйымдар мен меншiктiң барлық нысанындағы кәсiпорындарда азаматтық қорғанысқа басшылықты олардың бiрiншi басшылары жүзеге асырады, олар лауазымдары бойынша азаматтық қорғаныс бастықтары болып табылады.
6. Азаматтық қорғаныс жөнiндегi әзiрлiк ықтимал төтенше жағдайларды, сондай-ақ жаудың шабуылдық қару-жарағының дамуын ескере отырып күнiлгерi жүргiзiледi.
Азаматтық қорғаныс мiндеттерiн орындауды қамтамасыз ететiн шаралар сипатын, көлемi мен мерзiмiн қалалардың, басқа да елдi мекендер мен экономикалық объектiлердiң саяси, экономикалық және қорғаныстық маңызын ескере отырып, Қазақстан Республикасының Министрлер Кабинетi белгiлейдi.
Осы мақсатпен iрi әкiмшiлiк орталықтары мен өнеркәсiптiк қалалар азаматтық қорғаныс жөнiнде айрықша, бiрiншi, екiншi және үшiншi топтағы қалалар болып, ал аса маңызды экономикалық объектiлер азаматтық қорғаныс жөнiнде аса маңызды, бiрiншi, екiншi дәрежелi объектiлер болып бөлiнедi.
Қалаларды азаматтық қорғаныс жөнiнде аталған топтарға жатқызуды жергiлiктi атқару органдарының Қазақстан Республикасы азаматтық қорғаныс Штабымен келiсiлген ұсыныстары бойынша Қазақстан Республикасының Министрлер Кабинетi жүргiзедi.
Экономикалық объектiлердi азаматтық қорғаныс жөнiнде категорияларға жатқызуды олардың бағыныстылығына қарай тиiстi жергiлiктi атқару органдары, республика министрлiктерi мен ведомстволары азаматтық қорғаныстың аумақтық штабтарымен келiсе отырып жүзеге асырады.
Азаматтық қорғанысты белгiленген даярлық дәрежесiне жеткiзу, оны бейбiт жағдайдан соғыс жағдайына көшiру және оған жүктелген мiндеттердi орындау жөнiндегi шараларды жүзеге асыру үшiн Қазақстан Республикасы Үкiметiнiң шешiмiне сәйкес азаматтық қорғаныс жоспары жасалынады.
7. Жергiлiктi атқару органдары азаматтық қорғанысқа тиiстi аумақта басшылық етiп, мынадай қызметтердi жүзеге асырады:
азаматтық қорғаныс жөнiндегi шаралар мен тапсырмаларды орындауды қамтамасыз етедi, осы мақсатта ведомстволық қарасты аумақта орналасқан меншiктiң барлық түрiндегi объектiлер, лауазымды адамдар мен азаматтар орындауға мiндеттi шешiмдер қабылдайды;
стихиялық зiлзалалардың, авариялар мен апаттардың, дұшпанның қазiргi заманғы қару-жарақ қолдануының зардаптарын жою жөнiндегi құтқару iсi мен басқа да шұғыл жұмыстарды ұйымдастырып, жүргiзудi қамтамасыз етедi;
азаматтық қорғаныс басқару пункттерiнiң, құлақтандыру жүйесiнiң, қорғаныс құрылыстарының, қажеттi күштерi мен құралдарының жасалып-құрылып, даярлықта ұсталуын, халықты оқытып-үйретудi, басқару органдарының бейбiт кезең мен соғыс уақытындағы төтенше жағдайлардың алдын алу мен iс-қимыл жасау жөнiндегi оқу-жаттығуларын өткiзудi қамтамасыз етедi;
азаматтық қорғаныс жөнiндегi топтарға жатқызылған қалалар мен төтенше жағдай аудандарынан халықты көшiрудi жоспарлап, қажеттi жағдайда оны жүзеге асырады, қала сыртында көшiрiлгендердi қабылдау және олардың тiршiлiгiн қамтамасыз ету жөнiнде жағдайлар туғызу үшiн орналастыратын аудандарды даярлайды;
жұмылдыру даярлығы жөнiндегi шаралар жүйесiнде азаматтық қорғаныс iс-шараларын жоспарлап, өткiзудi ұйымдастырады;
азаматтық қорғаныс шараларын қаржыландыруды және материалдық-техникалық жағынан қамтамасыз етудi, соның iшiнде оқу-материалдық базасын құрып, жетiлдiру iсiн жүзеге асырады.
8. Министрлiктердiң, ведомстволардың, ұйымдардың, мекемелер мен кәсiпорындардың басшылары азаматтық қорғаныстың мiндеттерi мен шараларының орындалуына, бейбiт кезең мен соғыс уақытындағы төтенше жағдайларда басқару органдарының, құрал-жабдықтардың iс-қимыл жасауға даяр тұруына, төтенше жағдайлардың және дұшпан шабуылының зардаптарынан өндiрiстiк персонал мен объектiлердi қорғау жөнiндегi шараларды жүзеге асыруға жауап бередi.
Министрлiктер мен ведомстволарға мынадай мiндеттер жүктеледi:
саланың орталық басқару аппаратында және ведомстволық қарасты құрылымдарында азаматтық қорғаныстың күнделiктi ахуалдағы және бейбiт кезең мен соғыс уақытындағы төтенше жағдайлардағы мiндеттерi мен шараларының орындалуын қамтамасыз ету;
саланың азаматтық қорғанысының бейбiт кезең мен соғыс уақытына және есептi жылға арналған жоспарларын әзiрлеу, ведомстволық қарасты бөлiмшелердiң азаматтық қорғанысын жоспарлауға әдiстемелiк басшылық ету;
ведомстволық қарасты объектiлердегi жұмысшылар мен қызметкерлердi стихиялық авариялар, апаттар, стихиялық зiлзалалар мен қазiргi заманғы шабуыл құралдарының зардаптарынан қорғау жөнiндегi шаралар кешенiн жүзеге асыруға әдiстемелiк басшылық ету;
басқару аппаратын бейбiт кезең мен соғыс уақытындағы төтенше жағдайларда өз қызметiн жалғастыруды қамтамасыз ететiн пункттерге көшiру жөнiндегi шараларды жоспарлап, жүзеге асыру, қала сыртындағы орналастыру аудандарын күнiлгерi даярлау жөнiнде шаралар қолдану;
басшы құрам мен командалық басқарушы құрамды, жұмысшылар мен қызметкерлердi оқытып-үйретудi жоспарлап, ұйымдастыру, төтенше жағдайлар мен дұшпан шабуылы кезiнде iс-қимыл жасауға әзiрлеу мақсатында басқару органдары мен құрылымдарының оқу-жаттығуларын өткiзу;
апатты жағдайлардың туу қаупiн азайту, саланың, бiрлестiктер мен кәсiпорындардың бейбiт кезең мен соғыс уақытындағы төтенше жағдайларда тұрақты жұмыс iстеуiн арттыру жөнiндегi шараларды әзiрлеп, жүзеге асыруға басшылық ету;
басқару пункттерi мен олардың бөлiмшелерiн құру, сондай-ақ олардың және бағынысты күштер мен құрал-жабдықтардың төтенше жағдай туған кезде iс-қимыл жасауға ұдайы даяр тұруын қамтамасыз ету;
азаматтық қорғаныс шараларын белгiленген тәртiппен қаржыландыруды және материалдық-техникалық жабдықтауды қамтамасыз ету;
төтенше жағдайлардың алдын алу, құтқару жұмыстарын қамтамасыз ету және зардап шеккендерге көмек беру жөнiнде шараларды жүргiзудiң жедел қажеттiгi жағдайына арнап қаржылық және материалдық-техникалық резервтердi жасау.
9. Меншiктiң барлық нысанындағы өнеркәсiп объектiлерi мен шаруашылық жүргiзушi субъектiлер басшыларының негiзгi мiндеттерi:
объектiде бүкiл азаматтық қорғаныс шараларының кешенiне тiкелей басшылық етудi жүзеге асыру;
объектiде және авариялар мен апаттар зардаптарының халықтың өмiрi мен денсаулығына әсер ету аймағында сенiмдi құлақтандыру және хабар беру жүйесiн ұйымдастырып, оның даяр тұруын қамтамасыз ету;
объект жұмысшыларының стихиялық зiлзалалар, авариялар, апаттар мен дұшпанның шабуыл құралдарын қолдануының зардаптарынан бой тасалауы үшiн қорғаныс құрылыстары қорын құру;
азаматтық қорғаныстың әскерилендiрiлмеген құрылымдарын құрып, оларды қажеттi техникамен және мүлiкпен жарақтандыру, оқытып-үйретiп, даярлықта ұстау;
объект персоналын бейбiт кезең мен соғыс уақытындағы төтенше жағдайлар туу қаупi төнген және туған кезде қорғану тәсiлдерi мен iс-қимыл жасауға оқытып-үйретудi ұйымдастыру, басқару органдарының оқу-жаттығуларын әзiрлеп, өткiзу;
объектiде ықтимал авариялар мен апаттар болу мүмкiндiгiн саралап, тиiстi алдын алу шараларын ұйымдастыру, азаматтық қорғаныстың аумақтың органдарына халықты құлақтандыру мен хабардар ету, оны қорғау, авариялар мен апаттар зардаптарын жою барысында құтқару iсi мен басқа да шұғыл жұмыстарды жүргiзу жөнiндегi шараларды дер кезiнде қолдану мақсатында қажеттi мәлiметтердi берiп отыру;
бейбiт кезең мен соғыс уақытына арналған азаматтық қорғаныс жоспарларын, бейбiт кезең мен соғыс уақытындағы төтенше жағдайларда объект қызметiнiң тұрақтылығын арттыру мүдделерiне орай өндiрiстiк қорларды, тiршiлiктi қамтамасыз ету жүйелерi мен материалдық жабдықтарды қорғау жөнiндегi ұйымдастыру, инженерлiк-техникалық және арнаулы шараларын әзiрлеп, жүзеге асыру;
қызметкерлер мен олардың отбасыларының мүшелерiн көшiру үшiн қала сыртындағы аймақты дайындап, көшiрiлетiндердiң тiршiлiгiн қамтамасыз ету үшiн жағдайлар жасау;
стихиялық зiлзалалар, авариялар, апаттар мен дұшпанның атыс құралдарын қолдануының зардаптарын жою барысында құтқару iсi мен басқа да шұғыл жұмыстарға тiкелей басшылық ету;
азаматтық қорғаныс шараларын, соның iшiнде оқу-материалдық базасын құру және нығайту жөнiндегi шараларды қаржыландыру мен материалдық-техникалық қамтамасыз етудi ұйымдастыру.
10. Азаматтық қорғаныстың негiзгi мiндеттерiн шешудi қамтамасыз ету мүддесiне орай азаматтық қорғаныс штабтары мынадай қызметтердi жүзеге асырады:
азаматтық қорғаныс шараларының бүкiл кешенiн орындауды ұйымдастырып, күштер мен құрал-жабдықтардың төтенше жағдайларда және дұшпанның жаппай қырып-жою қаруы мен басқа да шабуыл құралдарын қолданған жағдайында iс-қимылға даяр тұруына бақылау жасауды жүзеге асырады;
құтқару жұмыстарын жүргiзу кезiнде азаматтық қорғаныс күштерiн басқаруды қамтамасыз етедi;
азаматтық қорғаныстың бейбiт кезең мен соғыс уақытына арналған жоспарларын әзiрлеп, олардың жүзеге асырылуына бақылау жүргiзедi;
аумақтық және салалық басқару органдарының, кәсiпорындардың, ұйымдар мен мекемелердiң азаматтық қорғаныс жоспарларын әзiрлеуге әдiстемелiк басшылықты жүзеге асырып, олардың толық та сапалы болуына бақылау жасайды;
қорғаныс құрылыстарының, басқару пункттерiнiң, құлақтандыру және байланыс жүйелерiнiң құрылысына және оларды даярлықта ұстауға бақылауды жүзеге асырады;
басшы құрамның азаматтық қорғаныс жөнiндегi даярлығын жоспарлап, жүзеге асырады, сондай-ақ халықтың азаматтық қорғаныс жөнiндегi оқып-үйренуiне бақылау жасайды;
бейбiт кезең мен соғыс уақытындағы төтенше жағдайларда азаматтық қорғаныстың басқару органдары мен республика халқын құлақтандыру жүйесiнiң құрылып, даяр тұруын қамтамасыз етедi;
азаматтық қорғаныс штабтары мен әскери бөлiмдерiнде, мекемелерi мен бөлiмшелерiнде жедел, әскери және жұмылдыру даярлығы шараларын жоспарлауды жүзеге асырып, олардың орындалуын қамтамасыз етедi.
11. Қазақстан Республикасының еңбек етуге жарамды азаматтары жеке, қоғам және мемлекет мүдделерiн қамтамасыз ету мақсатымен азаматтық қорғаныс жөнiндегi шараларға қатысады және оларға мынадай мiндеттер жүктеледi:
стихиялық зiлзалалар, авариялар мен апаттар зардаптарынан қорғанудың негiзгi әдiстерi мен құралдарын бiлу, бейбiт кезең мен соғыс уақытындағы төтенше жағдайларда дұрыс iс-қимыл жасай бiлу және зардап шеккендерге көмек көрсете бiлу;
төтенше жағдайлардың зардаптарын жою кезiнде құтқару iсi мен басқа да шұғыл шараларға қатысу;
азаматтық қорғаныстың материалдық-техникалық базасы мен мүлкiне ұқыпты қарау.
12. Қазақстан Республикасы азаматтарының азаматтық қорғаныс жөнiндегi құқықтары Қазақстан Республикасының Конституциясы мен заңдарына сәйкес қамтамасыз етiледi.
13. Қазақстан Республикасының барлық азаматтары стихиялық зiлзалалар, авариялар мен апаттар зардаптарынан қорғану әдiстерi мен тәсiлдерiне, сондай-ақ төтенше жағдайлар туу қаупi төнген және туған кезде iс-қимыл жасауға оқытып-үйретiледi.
Халықты азаматтық қорғаныс жөнiнде оқытып-үйрету тәртiбiн, мөлшерiн және кезеңдерiн Қазақстан Республикасының Министрлер Кабинетi белгiлейдi.
Тиiмдi оқытып-үйретудi ұйымдастыру үшiн азаматтық қорғаныстың оқу-материалдық базасы туралы Ережеге сәйкес құрылып, ұсталатын оқу-материалдық базасы пайдаланылады.
Басшы құрамды, басқару органдарын, өндiрiстiк және меншiктiң барлық нысанындағы басқа да объектiлердi және әскерилендiрiлмеген құрылымдары азаматтық қорғаныс жөнiнде даярлау Төтенше жағдайлар мен азаматтық қорғанысқа әзiрлеудiң республикалық және жергiлiктi орталықтарында, бiлiктiлiгiн көтеру жөнiндегi оқу орындарында, сондай-ақ еңбек ету орындарында оқу топтарының құрамында жүзеге асырылады. Оқытып-үйрету даярлау орталықтары туралы Ережеге сәйкес, өндiрiстен қол үзе отырып ұйымдастырылады.
Азаматтық қорғаныстың әскерилендiрiлмеген құрылымдарының жеке құрамын даярлау жұмыс уақытында тiкелей объектiлерде жергiлiктi бюджеттердiң және кәсiпорындар мен ұйымдардың қаражаттары есебiнен жүргiзiледi. Өндiрiс саласында қамтылмаған халықты оқытып-үйрету, тұрғылықты жерлерiнде бұқаралық ақпарат құралдары арқылы, азаматтық қорғаныс бойынша практикалық дәрiстер мен жаттығуларға тарту арқылы дербес даярлық жолмен жүргiзiледi.
Баспасөз және бұқаралық ақпарат органдары халықты төтенше жағдайларда қорғану әдiстерi мен iс-қимыл жасауға үйрету мақсатында азаматтық қорғаныс материалдарын насихаттауға мiндеттi.
Жоғары, орташа арнаулы, кәсiптiк-техникалық және басқа да оқу орындарының студенттерiн азаматтық қорғаныс бойынша оқытып-үйрету оқу мерзiмiнде, Бiлiм министрлiгiнiң Қазақстан Республикасының азаматтық қорғаныс Штабымен бiрлесiп әзiрлеген бағдарламалары бойынша, жүргiзiледi.
14. Мемлекеттiк басқару органдарын, халықты төтенше жағдайлар туу қаупi төнген және туған кезде құлақтандыру және тұрақты хабар берiп отыру жүйесi Қазақстан Республикасының Үкiметi белгiлеген тәртiппен iске енгiзiледi.
Азаматтық қорғаныс штабтары төтенше жағдайлар жөнiндегi аумақтық комиссиялардың, министрлiктердiң, ведомстволар мен кәсiпорындардың кезекшi-диспетчерлiк қызметтерiмен бiрлесе отырып, республика аумағындағы жағдайда тұрақты жедел бақылау жасауды ұйымдастырып, жүзеге асырады және төтенше жағдайлар туу қаупi кенеттен төнген және туған жағдайларда шұғыл шешiмдер қабылдайды, бұл жайында төтенше жағдайлар жөнiндегi тиiстi комиссияларға баяндап отырады.
Жергiлiктi атқару органдарының, министрлiктердiң, ведомстволар мен кәсiпорындардың басшылары азаматтық қорғаныс штабтарын төтенше жағдайлардың туу қаупi мен туғандығы жөнiнде және оперативтiк жағдайдың өзгеруi туралы дер кезiнде және толық хабардар етiп отыруды қамтамасыз етуге мiндеттi.
15. Азаматтық қорғаныс шараларын қаржыландыру республикалық және жергiлiктi бюджеттердiң, сондай-ақ министрлiктердiң, ведомстволардың, кәсiпорындардың, ұйымдар мен меншiктiң барлық нысанындағы кәсiпорындардың қаражаттары есебiнен жүзеге асырылады.
Халықты қорғау шараларын өткiзумен байланысты, төтенше жағдайлар зардаптарын жою барысында құтқару және авариялық жөндеу жұмыстарын жүргiзумен байланысты шығындарды өтеу төтенше жағдайлардың зардаптарын жоюға арналған қаржыландыру көздерiнiң есебiнен жүзеге асырылады.
Азаматтық қорғаныстың әскерилендiрiлмеген құрылымдарын, жұмысшылар мен қызметкерлердi арнаулы мүлiкпен қамтамасыз ету үшiн министрлiктерде, ведомстволар мен кәсiпорындарда жұмылдыру резервi құрылады. Жұмылдыру резервiндегi азаматтық қорғаныстың арнаулы мүлкiнiң номенклатурасын, көлемi мен жинақталу мерзiмiн жергiлiктi атқару органдары, министрлiктер, ведомстволар мен кәсiпорындар Қазақстан Республикасының Экономика министрлiгiмен, Қазақстан Республикасының Министрлер Кабинетi жанындағы Мемлекеттiк материалдық резервтер жөнiндегi комитетпен келiсе отырып әзiрлеп, Қазақстан Республикасының Министрлер Кабинетi бекiтедi.
Жергiлiктi атқару органдары жұмылдыру резервi мүлкiнiң жинақталуы, сақталуы және дер кезiнде жаңартылып отыруына жауап бередi.
Азаматтық қорғаныстың жұмылдыру резервiнде арнаулы мүлiктiң жинақталуы мен сақталуына бақылауды Қазақстан Республикасының Министрлер Кабинетi жанындағы Мемлекеттiк материалдық резервтер жөнiндегi комитет пен азаматтық қорғаныс штабтары жүзеге асырады.
16. Азаматтық қорғаныс штабтарының, бөлiмдерiнiң, мекемелерi мен бөлiмшелерiнiң әскери қызметшiлерi республикалық бюджеттiң қаражаты есебiнен ұсталынып, мiндеттi әскери қызмет өткередi және Қазақстан Республикасының заң актiлерiне сәйкес Қазақстан Республикасының Қарулы Күштер, басқа әскерлерi мен әскери құрылымдары, қызметшiлерi үшiн көзделген барлық құқықтар мен жеңiлдiктердi пайдаланады.<*>
<*>
Азаматтық қорғаныс штабтарын, бөлiмдерi мен бөлiмшелерiн материалдық-техникалық қамтамасыз ету Қазақстан Республикасының мемлекеттiк органдары арқылы, сондай-ақ кәсiпорындармен, мекемелермен және ұйымдармен, соның iшiнде шетелдiк ұйымдармен тiкелей шарттар бойынша жүзеге асырылады.
Материалдық-техникалық қамтамасыз ету тәртiбi мен нормаларын Қазақстан Республикасының Министрлер Кабинетi белгiлейдi.
Жергiлiктi атқару органдары азаматтық қорғаныс штабтарына, бөлiмдерi мен бөлiмшелерiне қызмет және қойма үй-жайларын, штаттық автокөлiктi, әскери қалашықтар, оқу орталықтары, қосалқы шаруашылықтар мен басқа да объектiлер үшiн Қазақстан Республикасының заңдарына сәйкес жер пайдалану құқығын бекiте отырып, жер учаскелерiн бөледi.
Жергiлiктi қорлардан берiлген үйлер, жайлар, автокөлiк, мүкәммал және жабдық үшiн ақы алынбайды.
Штабтар, бөлiмдер мен бөлiмшелердiң әскери қызметшiлерi мен қызметкерлерiн тұрғын үймен қамтамасыз етудi жергiлiктi атқару органдары мен Қазақстан Республикасының Қорғаныс министрлiгi олардың орналасқан жерi бойынша қамтамасыз етедi.
Ескерту. 16-тармаққа өзгерiс енгiзiлдi - ҚРҮ-нiң 1996.04.29.
N 523 қаулысымен, 1996.12.25. N 1620 қаулысымен.
17. Азаматтық қорғаныс штабтарының бөлiмдерi мен бөлiмшелерiнiң қызметiнде заңдардың дәл және бiркелкi орындалуына бақылауды Қазақстан Республикасының Бас прокуроры мен ол өкiлеттiк берген прокурорлар жүзеге асырады.
Қаржы-шаруашылық қызметiне Қазақстан Республикасының Министрлер Кабинетi жанындағы Мемлекеттiк қаржы бақылау комитетi мен Қазақстан Республикасы Қаржы министрлiгiнiң Бас салық инспекциясы бақылау жүргiзедi.
Қазақстан Республикасы
Министрлер Кабинетiнiң
1994 жылғы 16 наурыздағы
N 275 қаулысымен
Бекiтiлген
Қазақстан Республикасының азаматтық
қорғаныс Штабы туралы
ЕРЕЖЕ
1. Қазақстан Республикасының азаматтық қорғаныс Штабы Қазақстан Республикасының азаматтық қорғанысына тiкелей басшылықты жүзеге асырып, Қазақстан Республикасы азаматтық қорғаныс бастығының жұмыс органы болып табылады.
Қазақстан Республикасының азаматтық қорғаныс Штабы өзiне бағынысты облыстық, қалалық азаматтық қорғаныс штабтарын, әскери бөлiмдердi, мекемелер мен бөлiмшелердi басқарып, олардың қызметiне бағыт-бағдар берiп, үйлестiредi және бақылау жасап отырады.
Қазақстан Республикасының азаматтық қорғаныс Штабы өз құзырының шегiнде азаматтық қорғаныс мәселелерi бойынша министрлiктердiң, ведомстволардың, меншiк нысанына қарамастан кәсiпорындардың, ұйымдар мен мекемелердiң, Үкiметтiң заң, нормативтiк актiлерi мен шешiмдерiн орындау мәселелерi жөнiндегi қызметiне, азаматтық қорғанысқа бөлiнген қаржының жұмсалуына бақылауды жүзеге асырып, Қазақстан Республикасы азаматтық қорғаныс жүйесiнiң оған күнделiктi ахуалда, төтенше жағдайларда және соғыс уақытында жүктелген мiндеттердi орындауға даярлығын қамтамасыз етуi үшiн жауап бередi.
Қазақстан Республикасы азаматтық қорғаныс Штабының бастығы Қазақстан Республикасы азаматтық қорғанысы бастығының орынбасары болып табылады. Оны Қазақстан Республикасының Министрлер Кабинетi қызметке тағайындап, қызметтен босатады.
Қазақстан Республикасы азаматтық қорғаныс Штабының, азаматтық қорғаныс штабтарының, әскери бөлiмдерiнiң және мекемелерiнiң құрылымы мен штаттарын белгiленген саны мен еңбекке ақы төлеу қоры және олардың қызметi туралы ереже шегiнде Штаб бастығы бекiтедi.
Республиканың азаматтық қорғаныс Штабы Қазақстан Республикасының Қорғаныс министрлiгiмен мынадай мәселелер бойынша бiрлесiп iс-қимыл жасайды:
азаматтық қорғаныстың әскери бөлiмдерiн, штабтары мен мекемелерiн бейбiт кезең мен соғыс уақытында жаппай жұмылдыру және даярлыққа келтiру;
бейбiт кезеңдегi iрi ауқымды төтенше жағдайларда және соғыс уақытында зақымдалу ошақтарында құтқару iсi мен басқа да шұғыл жұмыстарды жүргiзу үшiн бiрлесiп қимыл жасау және әскери бөлiмдердi тарту жоспарын әзiрлеу;
азаматтық қорғаныс күштерiн, басқару органдары мен мекемелерiн әскери, арнаулы техникамен және материалдық-техникалық мүлiкпен жарақтандыру;
азаматтық қорғаныс жоспарын әзiрлеуге қажеттi әскери сипаттағы негiзгi мәлiметтермен азаматтық қорғаныс органдарын қамтамасыз ету.
Төтенше жағдайлар туған кезде, құтқару iсi мен басқа да шұғыл жұмыстарды жүргiзу үстiнде Қазақстан Республикасының азаматтық қорғаныс Штабы Қазақстан Республикасының Төтенше жағдайлар жөнiндегi мемлекеттiк комиссиясы жүргiзетiн шараларға қатысады.
Қазақстан Республикасының азаматтық қорғаныс Штабы заңды тұлға болып табылады. Оның Қазақстан Республикасының Мемлекеттiк Елтаңбасы белгiленген, қазақ, орыс тiлдерiнде атауы жазылған мөрi болады.
Министрлiктердiң, ведомстволардың, облыстардың, қалалардың, қалалық және селолық аудандардың, мекемелердiң, ұйымдар мен меншiктiң барлық нысанындағы кәсiпорындардың азаматтық қорғаныс штабтары азаматтық қорғаныстың тиістi бастықтарының жұмыс органдары болып, ал штабтардың бастықтары олардың азаматтық қорғаныс мәселелерi жөнiндегi орынбасарлары болып табылады.
2. Қазақстан Республикасы азаматтық қорғаныс Штабының негiзгi мiндеттерiне мыналар жатады:
күштер мен құралдарды төтенше жағдайлар мен дұшпанның қарулы шабуылы кезiнде iс-қимыл жасауға әзiрлеу жөнiндегi азаматтық қорғаныстың бүкiл шаралар кешенiн орындауды ұйымдастыру;
апат аймақтары мен зақымдалу ошақтарында олардың зардаптарын жою кезiнде құтқару iсi мен басқа да шұғыл жұмыстарды ұйымдастыру;
Қазақстан Республикасының бейбiт кезең мен соғыс уақытына арналған азаматтық қорғаныс жоспарларын әзiрлеп, оның жүзеге асырылуына бақылау жасау, сондай-ақ аумақтық және салалық басқару органдарының бейбiт кезең мен соғыс уақытына арналған азаматтық қорғаныс жоспарларын әзiрлеуге әдiстемелiк басшылықты, олардың толықтығы мен сапасына бақылауды жүзеге асыру;
қорғаныс құрылыстарын, басқару пункттерiн салуға, құлақтандыру мен байланыс жүйелерiн, азаматтық қорғаныстың басқа да объектiлерiн құруға, азаматтық қорғаныстың инженерлiк-техникалық шараларын жобалау нормаларының сақталуына бақылауды жүзеге асыру;
азаматтық қорғаныс басшы құрамының, басқару органдары мен күштерiнiң даярлығын, сондай-ақ халықты бейбiт кезең мен соғыс уақытында төтенше жағдайлар туу қаупi төнген және туған кезде iс-қимыл жасауға үйретудi ұйымдастыру және бақылау жасау;
азаматтық қорғаныс басқару органдары мен республика халқын бейбiт кезең мен соғыс уақытындағы төтенше жағдайларда құлақтандыру жүйелерiн құру және олардың ұдайы даяр тұруын қамтамасыз ету;
азаматтық қорғаныс штабтарында, әскери бөлiмдерi мен бөлiмшелерiнде оперативтiк, әскери және жұмылдыру даярлығы шараларын жоспарлауды жүзеге асырып, олардың орындалуын қамтамасыз ету;
азаматтық қорғаныс күштерiнiң бейбiт кезең мен соғыс уақытындағы төтенше жағдайларда мiндеттерiн орындау барысындағы iс-қимылы мен олардың өзара iс-әрекетiн басқару;
әскери басқару органдарымен және әскермен бейбiт кезең мен соғыс уақытында мiндеттердi бiрлесе орындау үстiнде өзара iс-қимыл жасасу;
азаматтық қорғаныс шараларын орындау жөнiндегi министрлiктер мен ведомстволардың, аумақтық азаматтық қорғаныс органдарының жұмысын үйлестiру;
аумақтық және салалық басқару органдарымен бiрлесе отырып азаматтық қорғаныс басқару органдарының, қызметтерi мен күштерiнiң тексерулерiн, штабтық-командалық, арнаулы оқулары мен жаттығуларын жоспарлап, өткiзу;
республика аумағындағы жағдайға ұдайы оперативтiк бақылау жасауды ұйымдастырып, жүзеге асыру және төтенше жағдайлар қаупi кенеттен төнген және туған кезде шұғыл шешiмдер қабылдау.
3. Қазақстан Республикасының азаматтық қорғаныс Штабының:
Қазақстан Республикасының Министрлер Кабинетiне ұсыныстар енгiзуге және Штаб құзырына қатысты мәселелер бойынша заң және үкiмет актiлерiн әзiрлеуге қатысуға;
меншiк нысаны мен ведомстволық бағыныстылығына қарамастан, белгiленген тәртiппен министрлiктерден, ведомстволардан, кәсiпорындардан, ұйымдар мен мекемелерден азаматтық қорғаныс мiндеттерiн шешуге қажеттi мәлiметтердi сұрау салып, алуға;
азаматтық қорғаныс мәселелерi бойынша министрлiктердiң, ведомстволардың, меншiктiң барлық нысанындағы кәсiпорындар, ұйымдар мен мекемелердiң орындауы үшiн мiндеттi болып табылатын әдiстемелiк ұсыныстар, тәлiмдемелер, ережелер мен нұсқаулықтарды басып шығаруға;
азаматтық қорғаныс мәселелерi жөнiнде халықаралық ынтымақтастық туралы келiсiмдердi әзiрлеуге қатысуға;
азаматтық қорғаныс штабтары, бөлiмдерi мен бөлiмшелерiн қаруландыруға (жабдықтауға) әскери және басқа да техника мен мүлiктi қабылдауға, Қазақстан Республикасының Министрлер Кабинетi белгiлеген тәртiппен материалдық құндылықтар мен ақша қаражатын есептен шығаруға;
республикалық және жергiлiктi өкiмет пен басқару органдары алдында азаматтық қорғаныс жөнiндегi тапсырмалар мен шараларды үздiк орындағаны үшiн лауазымды адамдар мен азаматтарды ынталандыру туралы, сондай-ақ азаматтық қорғаныс жөнiнде жүктелген мiндеттердiң орындалуын қамтамасыз етпеген лауазымды адамдарға жазалау шараларын қолдану туралы өтiнiш жасауға құқығы бар.
4. Азаматтық қорғаныс штабтарын, бөлiмдерi мен бөлiмшелерiн жауынгерлермен, запастағы әскери мiндеттi адамдармен толықтырып отыру Қазақстан Республикасының "Жалпыға бiрдей әскери мiндеттiлiк және әскери қызмет туралы" Заңына сәйкес жүргiзiледi.
Азаматтық қорғаныс штабтары, әскери бөлiмдерi мен бөлiмшелерi офицерлiк құрамының тұлғаларына, прапорщиктер мен мерзiмнен тыс әскери қызмет өтеушiлерге подполковник атағына дейiнгi, оны қоса алғанда, әскери атақтар берудi, оларды лауазымдарға тағайындауды, қызмет бабында өсiрудi, прапорщиктер мен мерзiмнен тыс әскери қызмет өтеушiлердi әскери қызметтен босатуды Қазақстан Республикасы азаматтық қорғаныс Штабының бастығы жүзеге асырады.
Азаматтық қорғаныс штабтары, әскери бөлiмдерi мен бөлiмшелерi офицерлiк құрамының тұлғаларына полковник әскери атағын берудi, оларды әскери қызметтен босатуды Қазақстан Республикасы азаматтық қорғаныс Штабы бастығының ұсынысы бойынша Қазақстан Республиканың Қорғаныс министрi жүзеге асырады.
Азаматтық қорғаныс органдары үшiн офицерлер даярлау Қазақстан Республикасы мен басқа да мемлекеттердiң жоғары оқу, әскери-оқу орындарында жүзеге асырылады.
Прапорщиктердi, сержанттар (старшиналар) мен солдат-мамандарды даярлау Қазақстан Республикасы Қарулы Күштерiнiң оқу бөлiмдерiнде жүзеге асырылады.
Офицерлiк құрамның кәсiби деңгейiн көтеру әскери-оқу орындарының факультеттерi, кафедралары мен курстарында және Төтенше жағдайлардағы iс-қимылға және азаматтық қорғанысқа даярлау жөнiндегi республикалық орталықта жүзеге асырылады.
5. Қазақстан Республикасы азаматтық қорғаныс Штабын, оған бағынысты штабтарды, әскери бөлiмдердi, мекемелер мен бөлiмшелердi қаржыландыру, материалдық-техникалық және әлеуметтiк-тұрмыстық қамтамасыз ету республикалық бюджет есебiнен жүзеге асырылады.
