1. Қазақстан Республикасының Мемлекеттiк мүлiк жөнiндегi мемлекеттiк комитетi "Отын" мемлекеттiк акционерлiк компаниясының құрамына кiретiн ұйымдардың, кәсiпорындардың мемлекет мүлкiн иелену, пайдалану және басқару құқын, сондай-ақ акционерлiк қоғамдардың акциялардың мемлекеттiк пакетiн иелену, пайдалану және басқару құқын қайтып алсын.
2. Ұсақ көмiр кен орындарын игерудiң стратегиясын үйлестiру және жасау қызметi Қазақстан Республикасының Энергетика және көмiр өнеркәсiбi министрлiгiне жүктелсiн.
3. Халықтың әлеуметтiк жағынан қорғалатын жiктерінiң, жергiлiктi бюджеттен қаржыландырылатын мекемелер мен ұйымдардың қатты отынға деген сұранысын қамтамасыз ету облыстар мен Алматы қаласының әкiмдерiне жүктелсiн.
4. Қазақстан Республикасының Мемлекеттiк мүлiк жөнiндегi мемлекеттiк комитетi осы қаулы күшiне енген күннен бастап бiр ай iшiнде:
"Отын" мемлекеттiк акционерлiк компаниясының құрамына кiрген ұйымдар мен кәсiпорындардың акцияларының мемлекеттiк пакетiн ұстаушыны белгiлесiн;
Қазақстан Республикасының Қаржы министрлiгiмен бiрлесiп "Отын" мемлекеттiк акционерлiк компаниясының мiндеттемелерi мен мүлiктiк құқықтары бойынша құқықтық мұрагердi айқындасын.
6. Мыналардың күшi жойылған деп танылсын:
"Отын" мемлекеттiк акционерлiк компаниясын құру туралы" Қазақстан Республикасы Министрлер Кабинетiнiң 1993 жылғы 10 қарашадағы N 1108 қаулысы (Қазақстан Республикасының ПҮАЖ-ы, 1993 ж., N 43, 518-бап);
"Отын" мемлекеттiк акционерлiк компаниясының президентi мен Байқаушы кеңесi туралы" Қазақстан Республикасы Министрлер Кабинетiнiң 1993 жылғы 22 қарашадағы N 1164 қаулысы;
"Қазақстан Республикасы Министрлер Кабинетiнiң 1993 жылғы 10 қарашадағы N 1108 қаулысына толықтыру енгiзу туралы" Қазақстан Республикасы Министрлер Кабинетiнiң 1994 жылғы 10 қазандағы N 1132 қаулысы.
7. Осы қаулы 1995 жылдың 15 наурызынан күшiне енедi.
Қазақстан Республикасының
Премьер-министрi
