1. Қазақстан Республикасының Қаржы министрлiгiнiң жанындағы Шетел капиталын пайдалану жөнiндегi комитет пен Қазақстан Республикасының Өнеркәсiп және сауда министрлiгiнiң Қытай Халық Республикасының кредитiн "Қазметаллэкспорт" сыртқы сауда компаниясы арқылы республиканың түстi металлургия кәсiпорындарына қажеттi шикiзат сатып алуды iске асыру туралы ұсынысы мақұлдансын.
2. Қытай Халық Республикасының кредитi желiсiне қызмет көрсету Қазақстан Республикасының мемлекеттiк Экспорт-импорт банкiне тапсырылсын.
3. Қазақстан Республикасының Мемлекеттiк Экспорт-импорт банкi:
Қытай Халық Республикасының өкiлеттi банкiмен кредит келiсiмiн жасасын;
экспорттаушылармен контрактылар жасалуына қарай олардың банк сараптамаларын жүргiзсiн;
негiзгi займшы - "Қазметаллэкспорт" сыртқы сауда компаниясынан қажеттi кепiлдемелiк мiндеттемелерiн алып, сараптама нәтижелерi бойынша iшкi кредит келiсiмiн жасасын.
4. "Қазметаллэкспорт" сыртқы сауда компаниясына кредиттi пайдаланудың тиiмдiлiгiн арттыру мақсатында конкурстық негiзде экспорттаушыны тыңдап, ол бойынша сатып алуды жүзеге асыру ұсынылсын.
5. Қазақстан Республикасының Өнеркәсiп және сауда
министрлiгiне республиканың түстi металлургия кәсiпорындары үшiн
шикiзатты сатып алу жөнiндегi контрактiлерiнiң жүзеге асырылуына
бақылау жасау жүктелсiн.
6. Қазақстан Республикасының Қаржы министрлiгiне кредиттiң
пайдаланылуына бақылау жасау жүктелсiн.
Қазақстан Республикасының
Премьер-министрi
