"1996-1998 жылдарға арналған реформаларды тереңдету жөнiндегi Қазақстан Республикасы Үкiметiнiң Iс-қимыл бағдарламасы туралы" Қазақстан Республикасы Президентiнiң 1995 жылғы 13 желтоқсандағы
N 2680
Жарлығының 4-тармағын жүзеге асыру мақсатында Қазақстан Республикасының Үкiметi қаулы етедi:
1. Облыстар және Алматы қаласының әкiмдерi ұсынған 1996-1998 жылдарға арналған реформаларды тереңдету жөнiндегi iс-қимыл бағдарламасы және 1996 жылға арналған аймақтарда реформаларды тереңдету жөнiндегi iс-қимыл жоспары /қоса берiлiп отыр/ бекiтiлсiн.
2. Облыстар және Алматы қаласының әкiмдерi:
өздерiнiң күнделiктi қызметiнде реформаларды тереңдету жөнiндегi аймақтық бағдарламалар мен iс-қимыл жоспарларының негiзгi ережелерiн қатаң ұстансын және олардың сөзсiз орындалуын қамтамасыз етсiн;
реформаларды тереңдету жөнiндегi аудандар мен қалалар әкiмдерiнiң осы секiлдi бағдарламалары мен iс-қимыл жоспарларын бiр ай мерзiмде қарасын және бекiтiлсiн;
реформаларды тереңдету жөнiндегi аймақтық бағдарламалар мен iс-қимыл жоспарларының негiзгi ережелерiн және олардың жүзеге асырылуын тереңдету бойынша жариялылықты қамтамасыз етсiн.
3. Осы қаулының орындалуына бақылау жасау Қазақстан Республикасының Экономика министрлiгi мен Үкiмет Аппаратының Аумақтық даму бөлiмiне жүктелсiн.
Қазақстан Республикасының
Премьер-Министрi
