Қазақстан Республикасы Парламентiнiң инженерлiк орталығын Сенат пен Мәжiлiстiң мәжiлiс залдарын жарақтандыру үшiн әкелiнетiн жабдықтарға қосылған құнға салық төлеуден босату туралы

Қазақстан Республикасы Үкiметiнiң Қаулысы 1996 жылғы 9 сәуiр N 413

"Салық және бюджетке төленетiн басқа да мiндеттi төлемдер туралы" Қазақстан Республикасы Президентiнiң 1995 жылғы 24 сәуiрдегi N 2235 Z952235_ Заң күшi бар Жарлығының 61-бабының 1-тармағына сәйкес, сондай-ақ Парламенттiң инженерлiк орталығы Сенат пен Мәжiлiс залдарын жарақтандыру үшiн жабдықтарды республикалық бюджет есебiнен сатып алатынын ескерiп, Қазақстан Республикасының Үкiметi Қаулы Етедi:
1. Қазақстан Республикасы Парламентiнiң инженерлiк орталығы Сенат пен Мәжiлiстiң мәжiлiс залдарын жарақтандыру үшiн PHILIPS COMMUNICATION & SEKURITY N 557.95.014.501 фирмасымен 1995 жылғы 11 қарашадағы контракт бойынша әкелiнетiн жабдықтарға және олардың босалқы бөлшектерiне қосылған құнға салық төлеуден босатылсын.
2. Осы қаулы аталған контракт бойынша жабдықтарды жөнелткеннен бастап күшiне енгiзiлсiн.

     Қазақстан Республикасының
        Премьер-Министрi