"Қазақстан Республикасының орталық атқарушы органдарының құрылымын жетiлдiру туралы" Қазақстан Республикасы Президентiнiң 1995 жылғы 19 қазандағы N 2541 U952541_ Жарлығын орындау үшiн, Қазақстан Республикасы Үкiметiнiң "Қазақстан Республикасының орталық атқарушы органдары аппаратының санын және оны ұстауға жұмсалатын шығындарды қысқарту туралы" 1995 жылғы 2 қарашадағы N 1442 P951442_ және "Облыстар мен Алматы қаласы әкiмдерi аппаратының үлгiлiк құрылымы, олардың дербес атқарушы органдарының тiзбесi, қызметкерлерiнiң жалпы санының лимиттерi, қызметтiк жеңiл автомобильдерiнiң саны, еңбекақы қоры және қызметтiк iссапарларға арналған шығындар туралы" 1995 жылғы 30 желтоқсандағы N 1901 P951901_ қаулыларына сәйкес және бiрыңғай ұлт пен тiл саясатын жүргiзудi күшейту мақсатында Қазақстан Республикасының Үкiметi қаулы етедi:
Қазақстан Республикасы Үкiметiнiң кейбiр шешiмдерiне мынадай өзгертулер мен толықтырулар енгiзiлсiн:
1. "Қазақстан Республикасының Ұлт саясат жөнiндегi мемлекеттiк комитетi туралы" Қазақстан Республикасы Министрлер Кабинетiнiң 1995 жылғы 14 қыркүйектегi N 1263 қаулысына (Қазақстан Республикасының ПҮАЖ-ы, 1995 ж., N 30, 379-бап):
1-тармақтың екiншi абзацындағы "және оның жергiлiктi жерлердегi құрылымдарына" деген сөздер алынып тасталсын;
2-тармақ мынадай редакцияда жазылсын:
"2. Қазақстан Республикасының Мемұлткомына мемлекеттiң ұлт саясатын жүзеге асыру және өзiне жүктелген құзыреттер шегiнде шешiмдер қабылдау және оларды барлық министрлiктердiң, мемлекеттiк комитеттердiң, облыстардың, қалалардың, аудандардың, ауылдардың, поселкелердiң әкiмдерiнiң, ұйымдардың, мекемелер мен кәсiпорындардың орындауын бақылау құқығы берiлсiн";
8-тармақ мынадай редакцияда жазылсын:
"8. Қазақстан Республикасының Мемұлткомының орталық аппаратын ұстауға жұмсалатын шығындары қаржыландыру республикалық бюджетте мемлекеттi басқару органдарын ұстауға қаралған қаржы есебiнен жүзеге асырылсын";
10-тармақ алынып тасталсын;
15-тармақтың бiрiншi абзацы мынадай редакцияда жазылсын:
"Бiрыңғай ұлт және тiл саясатын, Қазақстан халықтарының мәдениетiн, дәстүрi мен әдет-ғұрпын түсiндiру мен жүргiзу мақсатында Қазақстан Республикасының Баспасөз және бұқаралық ақпарат iстерi жөнiндегi ұлттық агенттiгi Қазақстан Республикасының Үкiметiне Қазақстан Республикасы Мемұлткомының қазақ және орыс тiлдерiндегi баспа органын құру туралы ұсыныс енгiзсiн";
11, 12, 13, 14, 15, 16, 17, 18-тармақтар тиiсiнше 10, 11, 12, 13, 14, 15, 16, 17-тармақтар болып саналсын.
Аталған қаулымен бекiтiлген Қазақстан Республикасының Ұлт саясаты жөнiндегi мемлекеттiк комитетi туралы Ережедегi:
3, 13, 16-тармақтар алынып тасталсын;
6-тармақтың жетiншi абзацы мынадай редакцияда жазылсын:
"министрлiктердiң, мемлекеттiк комитеттердiң, облыстардың, қалалардың, аудандардың, ауылдардың, поселкелердiң әкiмдерiнiң, ұйымдардың, мекемелер мен кәсiпорындардың орындалуын бiрыңғай ұлт және тiл саясатын жүргiзудегi қызметiн үйлестiру және бақылау";
8-тармақтың екiншi, үшiншi және бесiншi абзацтары тиiсiнше мынадай редакцияда жазылсын:
"мемлекеттiң ұлт саясатын жүзеге асыру тұрғысында және өзiне жүктелген қызмет шегiнде министрлiктер, мемлекеттiк комитеттер, облыстардың, қалалардың, аудандардың, ауылдардың, поселкелердiң әкiмдерi, ұйымдар, мекемелер мен кәсiпорындар, сондай-ақ барлық мемлекеттiк емес құрылымдар орындауға мiндеттi шешiмдер қабылдау";
"Қазақстан Республикасы Президентiнiң, парламентiнiң, Үкiметiнiң ұлт және тiл саясаты жөнiндегi нормативтiк актiлерiнiң орындалуы жөнiнде министрлiктерден, мемлекеттiк комитеттерден, облыстардың, қалалардың, аудандардың, ауылдардың, поселкелердiң әкiмдерiнен, ұйымдардан, мекемелер мен кәсiпорындардан, лауазымды адамдардан мәлiметтер мен құжаттар алу";
"өз құзыретiне кiретiн мәселелер бойынша министрлiктердi, мемлекеттiк комитеттердi, облыстардың, қалалар мен аудандардың әкiмдерiн, алқа мәжiлiстерiнде тыңдау, Қазақстан Республикасы Мемұлткомының шешiмдерi мен ұсынымдарын орындамаған жағдайда осы органдардың басшыларына шаралар қолдану туралы Қазақстан Республикасының Үкiметiне ұсыныс енгiзу".
2.<*>
ЕСКЕРТУ. 2-тармақтың күшi жойылды - ҚРҮ-нiң 1996.12.27.
N 1655 қаулысымен. P961655_
Қазақтан Республикасының
Премьер-Министрi
