Қазақстанның Акционерлiк Халық Жинақ Банкiн басқаруға арналған контрактiнi бекiту туралы

Қазақстан Республикасы Үкiметiнiң Қаулысы 1996 жылғы 14 мамырдағы N 598

1996-1998 жылдарға арналған Қазақстан Республикасы Үкiметiнiң реформаларды тереңдету жөнiндегi iс-қимыл бағдарламасын орындау үшiн, сондай-ақ Қазақстанның Халық Банкiн дағдарыс жағдайынан шығару жөнiндегi Қазақстанның Акционерлiк Халық Жинақ Банкiнiң жаңа басшылығы жұмысының оң нәтижелерiн назарға ала отырып, Қазақстан Республикасының Үкiметi қаулы етедi:
Қазақстан Республикасының Мемлекеттiк мүлiктi басқару жөнiндегi мемлекеттiк комитетiнiң төрағасы С.С. Қалмұрзаевтың Қазақстанның Акционерлiк Халық Жинақ Банкi басқармасының төрағасы З.Х.Кәкiмжановпен қол қойған Қазақстанның Акционерлiк Халық Банкiн басқаруға арналған контракт бекiтiлсiн.

     Қазақстан Республикасының
        Премьер-Министрi