Ескерту. Қаулының күші жойылды - ҚР Үкіметінің 2007 жылғы 14 қыркүйектегі N 806 Қаулысымен.
Қазақстан Республикасының Үкiметi қаулы етедi:
1. Қоса берiлiп отырған:
Әдебиет, өнер және сәулет саласындағы Қазақстан Республикасының Мемлекеттiк сыйлығы туралы Ереже;
Әдебиет, өнер және сәулет саласындағы Қазақстан Республикасының Мемлекеттiк сыйлықтары жөнiндегi комиссия туралы Ереже бекiтiлсiн;
2. Қазақстан Республикасы Үкiметiнiң жанындағы Әдебиет, өнер және сәулет саласындағы Қазақстан Республикасының Мемлекеттiк сыйлықтары жөнiндегi комиссия 1-қосымшаға сәйкес құрамда құрылсын.
3. Қазақстан Республикасы Үкiметiнiң қоса берiлiп отырған тiзбеге сәйкес (2-қосымша) кейбiр шешiмдерiнiң күшi жойылған деп танылсын.
Қазақстан Республикасының
Премьер-Министрi
Қазақстан Республикасы
Үкiметiнiң
1996 жылғы 30 шiлдедегi
N 949 қаулысымен
бекiтiлген
Әдебиет, өнер және сәулет саласындағы Қазақстан
Республикасының Мемлекеттiк сыйлығы туралы
ЕРЕЖЕ
1. Әдебиет, өнер және сәулет саласындағы Қазақстан Республикасының Мемлекеттiк сыйлығы (бұдан әрi - Мемлекеттiк сыйлық) әдебиет, өнер және сәулет саласындағы отандық мәдениеттi дамытудағы құнды үлес деп танылған шығармалар үшiн мемлекеттiк көтермелеу нысаны болып табылады.
2. Мемлекеттiк сыйлық беру дегенiмiз оған тағайындалған адамдарға ғұмыр бойына "Қазақстан Республикасы Мемлекеттiк сыйлығының лауреаты" атағын берудi, диплом, құрмет белгiсiн, белгiленген нысандағы куәлiктi тапсыруды және бiр жолғы атауды ақшалай сыйақы төлеудi бiлдiредi.
3. Мемлекеттiк сыйлықты тапсыру салтанатты жағдайда өтедi. Мемлекеттiк сыйлықты тапсыру салтанаты Қазақстан Республикасының Тәуелсiздiк Күнiне орайластырылады.
4. Мемлекеттiк сыйлықтың ақшалай сыйақысының мөлшерiн Мемлекеттiк сыйлық берiлетiн жылы Қазақстан Республикасының Үкiметi белгiлейдi.
5. Мемлекеттiк сыйлық екi жылда бiр рет 10 атауда берiледi.
Ескерту. 5-тармақ жаңа редакцияда - ҚРҮ-нiң 1996.12.24.
N 1599 қаулысымен .
6. Мемлекеттiк сыйлық алуға жұмыстарды қабылдау аяқталғанға дейiн бес жылдан аспайтын уақыт бұрын және кемiнде бiр жыл бұрын ашық жарияланымға арналып орындалған жеке және ұжымдық авторлардың дайын интеллектуалдық өнiм бiрлiгi түрiндегi шығармалары ұсыныла алады.
7. Мемлекеттiк сыйлық алуға бiр жұмыс қайтадан ұсынылмайды. Бiр кандидатура Мемлекеттiк сыйлыққа бiр саладан артық, сондай-ақ жұмыстар жиынтығы бойынша ұсынылмайды. Авторлар ұжымы құрамына кiретiндердi қоспағанда, авторлар қайтыс болғаннан кейiн Мемлекеттiк сыйлыққа ұсынылмайды.
Ескерту. 7-тармаққа өзгерту енгізілді - ҚР Үкіметінiң 2002.11.08. N 1599 қаулысымен .
8. Мемлекеттiк сыйлық алуға ұсынылатын жұмыстардың авторлары ұжым болса, ұсынылатын адамдардың құрамына тек негiзгi және шын мәнiндегi авторлар енгiзiледi және олардың саны 5-тен аспауға тиiс.
9. Қазақстан Республикасының орталық атқарушы органдары шығармашылық одақтар, ұйымдар Мемлекеттiк сыйлықты алуға ұсыну құқығына ие.
10. Шығармалар мен жұмыстарды ұсыну тәртiбi, оларды қабылдау, сараптамадан өткiзу мен iрiктеу, талқылау мен Мемлекеттiк сыйлыққа ұсыну туралы шешiм қабылдауы Қазақстан Республикасы Үкiметiнiң жанындағы Қазақстан Республикасының Әдебиет, өнер және сәулет саласындағы Мемлекеттiк сыйлықтар жөнiндегi комиссия жүзеге асырады.
11. Мемлекеттiк сыйлық алу конкурсына қатысатын жұмыстар бұқаралық ақпарат құралдарында көрсетiлуге және талқылануға жатады. Талқылау материалдары Қазақстан Республикасы Үкіметiнiң жанындағы Қазақстан Республикасының Әдебиет, өнер және сәулет саласындағы Мемлекеттiк сыйлықтар жөнiндегi комиссиясына жiберiледi және конкурстық iрiктеу кезiнде ескерiледi.
Қазақстан Республикасы
Үкiметiнiң
1996 жылғы 30 шiлдедегi
N 949 қаулысымен
бекiтiлген
Әдебиет, өнер және сәулет саласындағы Қазақстан
Республикасының Мемлекеттiк сыйлықтары
жөнiндегi комиссиясы туралы
ЕРЕЖЕ
1. Қазақстан Республикасы Үкiметiнiң жанындағы Әдебиет, өнер және сәулет саласындағы Қазақстан Республикасының Мемлекеттiк сыйлықтары жөнiндегi комиссия (бұдан әрi - Комиссия) сарапшы-кеңесшi орган болып табылады және әдебиеттiң, өнер мен сәулеттiң беделдi қайраткерлерiнiң арасынан құрылып, өз қызметiн қоғамдық бастамашылық негiзiнде жүзеге асырады. Комиссияның жеке құрамын Қазақстан Республикасының Үкiметi Мемлекеттiк сыйлық берiлетiн жылы бекiтедi.
Комиссияның құрамы 60 адамнан аспауға тиiс.
2. Комиссияның жұмысын оның төрағасы басқарады.
3. Комиссия өзiне жүктелген мiндеттерге сәйкес:
Мемлекеттiк сыйлық алуға ұсынылған жұмыстардың алдын ала қаралуын, оларды ұсыну тәртiбiнiң сақталуын қамтамасыз етедi;
жұмыстарды iрiктейдi және оларды конкурсқа қатысуға жiберу туралы ұсыныстар енгiзедi, баспасөзде авторлары мен ұсынған ұйымдарын көрсете отырып, конкурсқа жiберiлген еңбектердiң тiзiмiн жариялайды, жұмыстардың кең және ашық талқылануын ұйымдастырады;
конкурсқа жiберiлген жұмыстарды қарайды, Комиссияға түскен материалдар мен құжаттарды зерделейдi, сыйлықтарды тағайындау туралы шешiм қабылдайды;
Мемлекеттiк сыйлық лауреаттарының дипломдарын, куәлiктерi мен құрмет белгiлерiн ресiмдейдi.
4. Комиссияға:
Мемлекеттiк сыйлық беруге ұсынылған жұмыстарды алдын ала қарау, олар бойынша қорытындылар мен ұсынымдар әзiрлеу үшiн әдебиет, өнердiң, көркем шығармашылықтың тарихы мен теориясының жекелеген салалары бойынша секциялар мен сараптау комиссияларын құруға;
жұмыстарды рецензиялауға әдебиет пен өнер, көркем шығармашылықтың тарихы мен теориясы саласынан мамандар тарту;
Комиссия мүшелерiн, сарапшылар мен сараптау комиссияларын сахна қойылымдарымен, монументальдық өнер, сәулет туындыларымен және басқа да жұмыстармен орналасқан жерiнде танысу үшiн жiберу құқықтары берiледi.
5. Мемлекеттiк сыйлық алуға ұсынылған жұмыстарды Комиссия екi кезеңде қарайды. Бiрiншi кезеңде сыйлықтар алу конкурсына қатысатын жұмыстар iрiктеледi, екiншi кезеңде - Төралқа үш секцияның бiрлескен мәжiлiсiнде әрқайсысымен сыйлық беру туралы шешiм қабылдайды.
Жұмыстарды алдын ала iрiктеу туралы шешiмдi Комиссия жай көпшiлiк ашық дауыс беру арқылы қабылдайды.
Мемлекеттiк сыйлық беру туралы шешiм жасырын дауыс беру арқылы қабылданады. Мемлекеттiк сыйлық беру үшiн мәжiлiске қатысушылардың кемiнде 3/4-i жұмысты жақтап дауыс беруге тиiс. Комиссия мен оның секцияларының мәжiлiстерi олардың құрамының кемiнде 2/3-i оған қатысқанда заңды болып табылады.
Ескерту. 5-тармаққа өзгерту енгізілді - ҚР Үкіметінiң 1996.12.24. N 1599 қаулысымен.
6. Комиссия мүшесiнiң жұмысы Мемлекеттiк сыйлық алуға ұсынылған жағдайда, оның авторы секциялар мен Комиссияның мәжiлiстерiнiң жұмысына қатыспайды.
7. Комиссия бұқаралық ақпарат құралдарында Мемлекеттiк сыйлық алуға жұмыстарды ұсыну тәртiбi мен мерзiмдерi туралы хабарландыруларды, авторлары мен ұсынған ұйымдарды көрсете отырып, конкурсқа қабылданған жұмыстардың тiзiмiн жүйелi түрде жариялайды, сондай-ақ өзiнiң ағымдағы жұмысы туралы хабарлап отырады.
8. Мемлекеттiк сыйлық беру туралы шешiмдi Комиссия жасырын дауыс беру нәтижелерi бойынша қабылдайды және ол Қазақстан Республикасының Үкiметi бекiткен соң күшiне енедi. Мемлекеттiк сыйлық беру туралы Қазақстан Республикасы Үкiметiнiң қаулысы баспасөзде Қазақстан Республикасының Тәуелсiз Күнiне қарай жарияланады.
Қазақстан Республикасы
Үкiметiнiң
1996 жылғы 30 шiлдедегi
N 949 қаулысына
1-қосымша
Ескерту. 1-қосымша жаңа редакцияда - ҚР Үкіметінің 1998.10.27. N 1085 , 2000.10.16. N 1529 , 2002.10.09. N 1099 , 2004.10.28. N 1110 , 2004.12.08. N 1283 , 2006.06.27. N 588 , 2006.10.31. N 1030 қаулыларымен.
Қазақстан Республикасы Yкiметiнiң жанындағы Әдебиет,
өнер және сәулет саласындағы Қазақстан Республикасының
Мемлекеттiк сыйлықтары жөнiндегi комиссияның құрамы
Төралқа:
Ертiсбаев - Қазақстан Республикасының Мәдениет
Ермұхамет Қабиденұлы және ақпарат министрi, төраға
Әлиев - Қазақстан Республикасының Мәдениет
Арыстанбек Мұхамедиұлы және ақпарат вице-министрi, төрағаның
орынбасары
Шаймерден - Қазақстан Республикасы Мәдениет
Ербол Шаймерденұлы және ақпарат министрлiгi Тарихи-
мәдени мұра департаментiнiң
директоры, хатшы
Вовнянко - "Қазақстан Республикасының
Игорь Александрович кинематографистер одағы" қоғамдық
бiрлестiгiнiң төрағасы,
Қазақстан Республикасының еңбек
сiңiрген қайраткерi,
Қазақстан Республикасы Мемлекеттiк
сыйлығының лауреаты
Ерғалиева - Қазақстан Республикасы Бiлiм және
Райхан Әбдешқызы ғылым министрлiгi "М. Әуезов атындағы
әдебиет және өнер институты"
республикалық мемлекеттiк қазыналық
кәсiпорны бейнелеу өнерi бөлiмiнiң
меңгерушiсi, өнертану докторы,
ЮНЕСКО жанындағы Халықаралық көркемдiк
сыншылар қауымдастығының мүшесi
Кекiлбаев - Қазақстан Республикасының халық
Әбiш жазушысы, Қазақстан Республикасы
Мемлекеттiк сыйлығының лауреаты
Қирабаев - Қазақстан Республикасы Ұлттық ғылым
Серiк Смайылұлы академиясының академигi, Қазақстан
Республикасы Мемлекеттiк
сыйлығының лауреаты
Молдағалиев - Қазақстан Республикасының халық
Тұманбай жазушысы, Қазақстан Республикасы
Мемлекеттiк сыйлығының лауреаты
Мұсаходжаева - Қазақстан Республикасы Бiлiм және
Айман Қожабекқызы ғылым министрлiгi "Қазақ ұлттық музыка
академиясы" мемлекеттiк мекемесiнiң
ректоры, әлем әртiсi, Қазақстан
Республикасының халық әртiсi,
Қазақстан Республикасы
Мемлекеттiк сыйлығының лауреаты
Оразбаев - Қазақстан Республикасының халық
Сәбит Қоңырбайұлы әртiсi, Қазақстан Республикасы
Мемлекеттiк сыйлығының лауреаты
Оразалин - "Қазақстан Республикасының
Нұрлан Мырқасымұлы Жазушылар одағы" қоғамдық бiрлестiгi
басқармасының төрағасы,
Қазақстан Республикасы Мемлекеттiк
сыйлығының лауреаты
Рүстембеков - "Қазақстан Республикасының
Ақмырза Исаұлы Сәулетшiлер одағы" қоғамдық
бiрлестiгiнiң президентi,
Қазақстан Республикасының еңбек
сiңiрген сәулетшiсi
Щеголихин - Қазақстан Республикасының халық
Иван Павлович жазушысы, Қазақстан Республикасы
Мемлекеттiк сыйлығының лауреаты
Әдебиет секциясы
Қасқабасов - Қазақстан Республикасы Бiлiм және
Сейiт Асқарұлы ғылым министрлiгi "М. Әуезов атындағы
әдебиет және өнер институты"
республикалық мемлекеттiк қазыналық
кәсiпорнының директоры, әдебиеттанушы,
Қазақстан Республикасы Ұлттық ғылым
академиясының академигi, Қазақстан
Республикасы Мемлекеттiк
сыйлығының лауреаты, секция төрағасы
Әбдiков - жазушы, Қазақстан Республикасы
Төлен Мемлекеттiк сыйлығының лауреаты
Айтқожина - ақын, Қазақстан Республикасы
Марфуға Мемлекеттiк сыйлығының лауреаты
Әуезов - Қазақстан Республикасы Мәдениет
Мұрат Мұхтарұлы және ақпарат министрлiгi "Қазақстан
Республикасының Ұлттық кiтапханасы"
мемлекеттiк мекемесiнiң директоры,
әдебиет сыншысы, филология
ғылымдарының кандидаты
Бельгер - жазушы, Президенттiк бейбiтшiлiк және
Герольд Карлович рухани келiсiм сыйлығының лауреаты
Есдәулетов - ақын, "Қазақ әдебиетi" газетiнiң бас
Ұлықбек Оразбайұлы редакторы, Қазақстан Республикасы
Мемлекеттiк сыйлығының лауреаты
Жұмадiлов - Қазақстан Республикасының халық
Қабдеш жазушысы, Қазақстан Республикасы
Мемлекеттiк сыйлығының лауреаты
Кәкiшев - профессор, филология ғылымдарының
Тұрсынбек докторы
Күлкенов - жазушы, "Қазақ газеттерi"
Мереке Әбдешұлы жауапкершiлiгi шектеулi
серiктестiгiнiң директоры
Мағауин - Қазақстан Республикасының халық
Мұхтар жазушысы, "Жұлдыз" журналының бас
редакторы, Қазақстан Республикасы
Мемлекеттiк сыйлығының лауреаты
Михайлов - ақын, "Простор" журналының бас
Валерий Федорович редакторы
Мұқай - жазушы-драматург, Қазақстан
Баққожа Республикасы Мемлекеттiк сыйлығының
лауреаты
Мұртаза - Қазақстан Республикасының халық
Шерхан жазушысы, Қазақстан Республикасы
Мемлекеттiк сыйлығының лауреаты
Мырза-Әли - Қазақстан Республикасының халық
Қадыр Ғинаятұлы жазушысы, ақын, Қазақстан Республикасы
Мемлекеттiк сыйлығының лауреаты
Негiмов - сыншы, филология ғылымдарының
Серiк докторы
Нұрпейiсов - Қазақстан Республикасының халық
Әбдiжәмiл жазушысы, қазақстандық пен-клубтың
президентi, Қазақстан Республикасы
Мемлекеттiк сыйлығының лауреаты
Сейдiмбек - жазушы, Қазақстан Республикасы
Ақселеу Сланұлы Мемлекеттiк сыйлығының лауреаты
Музыка, театр және кино секциясы
Рахмадиев - КСРО халық әртici, Қазақстан
Еркеғали Рахмадиұлы Республикасы Мемлекеттiк сыйлығының
лауреаты, секция төрағасы
Әбдiрашев - Қазақстан Республикасы Мәдениет
Төлепберген және ақпарат министрлiгi "Жамбыл
атындағы Қазақ мемлекеттiк
филармониясы" республикалық
мемлекеттiк қазыналық кәсiпорны
Мемлекеттiк академиялық симфониялық
оркестрiнiң көркемдiк жетекшiсi және
бас дирижерi, Қазақстан
Республикасының халық әртici,
Қазақстан Республикасы Мемлекеттiк
сыйлығының лауреаты
Әлпиев - Қазақстан Республикасы Мәдениет
Төлеубек Нығметұлы және ақпарат министрлiгi
"К. Байсейiтова атындағы ұлттық
опера және балет театры" республикалық
мемлекеттiк қазыналық кәсiпорнының
директоры, Қазақстан Республикасының
еңбек сiңiрген қайраткерi
Андриасян - Қазақстан Республикасы Мәдениет
Рубен Суренович және ақпарат министрлiгi "M. Лермонтов
атындағы Мемлекеттiк орыс академиялық
драма театры" республикалық мемлекеттiк
қазыналық кәсiпорнының көркемдiк
жетекшiсi, Қазақстан Республикасының
халық әртici, Қазақстан Республикасы
Мемлекеттiк сыйлығының лауреаты
Әубәкiрова - Қазақстан Республикасы Бiлiм және
Жәния Яхияқызы ғылым министрлiгi "Құрманғазы атындағы
Қазақ ұлттық консерваториясы"
мемлекеттiк мекемесiнiң ректоры,
Қазақстан Республикасының халық
әртiсi, профессор, Қазақстан
Республикасы Мемлекеттiк сыйлығының
лауреаты
Әшiмов - Қазақстан Республикасының халық
Асанәлi әртiсi, Қазақстан Республикасы
Мемлекеттiк сыйлығының лауреаты
Капустин - Қазақстан Республикасының еңбек
Юрий Николаевич сiңiрген әртiсi
Клушкин - Қазақстан Республикасының халық
Юрий Степанович әртici
Нарымбетов - кинорежиссер, Қазақстан Республикасы
Сатыбалды Мемлекеттiк сыйлығының лауреаты
Обаев - Қазақстан Республикасы Мәдениет
Есмұқан Несiпбайұлы және ақпарат министрлiгi "М. Әуезов
атындағы Қазақ мемлекеттiк академиялық
драма театры" республикалық
мемлекеттiк қазыналық кәсiпорнының
директоры-көркемдiк жетекшiсi,
Қазақстан Республикасының халық
әртiсi, профессор
Тарази - жазушы-драматург, Қазақстан
Әкiм Үртайұлы Республикасы Мемлекеттiк сыйлығының
лауреаты
Тiлеухан - Қазақстан Республикасының еңбек
Бекболат Қанайұлы сiңiрген әртiсi, Қазақстан
Республикасы Мемлекеттiк
сыйлығының лауреаты
Үсенбаева - Қазақстан Республикасының халық
Нұржамал әртici, Қазақстан Республикасы
Мемлекеттiк сыйлығының лауреаты
Бейнелеу өнерi және сәулет секциясы
Төлепбай - Қазақстан Республикасының еңбек
Ерболат Тоғысбайұлы сiңiрген қайраткерi, Ресей суретшiлер
академиясының академигi, Сальвадор
Дали сыйлығының лауреаты, Қазақстан
Республикасы Мемлекеттiк сыйлығының
лауреаты, секция төрағасы
Әбiшев - мүсiншi, "Қазақстан Республикасының
Бақыт Суретшiлер одағы" қоғамдық
бiрлестiгiнiң мүшесi
Әлиев - кескiндемешi, Қазақстан Республикасы
Дулат Қапбарұлы Мемлекеттiк сыйлығының лауреаты
Дүзелханов - кескiндемешi, Қазақстан Республикасы
Ағымсалы Мемлекеттiк сыйлығының лауреаты
Зәуiрбекова - қолданбалы өнер суретшiсi, Қазақстан
Фатима Есмұратқызы Республикасы Мемлекеттiк сыйлығының
лауреаты
Құмарова - өнертанушы, Қазақстан Республикасының
Сәбила Бекжанқызы еңбек сiңiрген қайраткерi, "Қазақстан
Республикасының Суретшiлер одағы"
қоғамдық бiрлестiгiнiң мүшесi
Ли - өнертанушы, "Қазақстан Республикасының
Камилла Витальевна Суретшiлер одағы" қоғамдық
бiрлестiгiнiң жауапты хатшысы,
ЮНЕСКО жанындағы көркемдiк сыншылар
қауымдастығының мүшесi,
Халықаралық авторлар қауымдастығының
мүшесi
Петрова - Қазақстан Республикасының еңбек
Альбина Анатольевна сiңiрген сәулетшiсi
Өмiрбеков - Қазақстан Республикасы Мәдениет
Байтұрсын Есжанұлы және ақпарат министрлiгi "Қазақстан
Республикасының Ә.Қастеев атындағы
мемлекеттiк өнер музейi" республикалық
мемлекеттiк қазыналық кәсiпорнының
директоры
Чиканаев - сәулетшi, "Қазақстан Республикасының
Аманжол Шаймерденұлы Сәулетшiлер одағы" қоғамдық
бiрлестiгiнiң мүшесi
Қазақстан Республикасы
Үкiметiнiң
1996 жылғы 30 шiлдедегi
N 949 қаулысына
2-қосымша
Қазақстан Республикасы Үкiметiнiң күшi
жойылған кейбiр шешiмдерiнiң
ТIЗБЕСI
1. "Әдебиет, өнер және сәулет саласындағы Қазақстан Республикасының Мемлекеттiк сыйлығы туралы Ереженi және Қазақстан Республикасының Министрлер Кабинетi жанындағы Әдебиет, өнер және сәулет саласындағы Қазақстан Республикасының Мемлекеттiк сыйлықтары жөнiндегi комитет туралы Ереженi бекiту туралы" Қазақстан Республикасы Министрлер Кабинетiнiң 1992 жылғы 8 қазандағы N 841 қаулысы (Қазақстан Республикасының ПҮАЖ-ы, 1992 ж., N 39, 583-құжат).
2. "Қазақстан Республикасының Министрлер Кабинетi жанындағы Әдебиет, өнер және сәулет саласындағы Қазақстан Республикасының Мемлекеттiк сыйлықтары жөнiндегi комитеттiң құрамы туралы" Қазақстан Республикасы Министрлер Кабинетiнiң 1994 жылғы 20 қыркүйектегi N 1036 қаулысы (Қазақстан Республикасының ПҮАЖ-ы, 1994 ж., N 39, 425-құжат).
3. "Қазақстан Республикасының Министрлер Кабинетiнiң 1994 жылғы 20 қыркүйектегi N 1036 қаулысына өзгерiстер енгiзу туралы" Қазақстан Республикасы Министрлер Кабинетiнiң 1994 жылғы 22 желтоқсандағы N 1446 қаулысы (Қазақстан Республикасының ПҮАЖ-ы, 1994 ж., N 48, 541-құжат).
4. "Қазақстан Республикасының Министрлер Кабинетiнiң 1992 жылғы 8 қазандағы N 841 қаулысына толықтырулар енгiзу туралы" Қазақстан Республикасы Министрлер Кабинетiнiң 1994 жылғы 22 желтоқсандағы N 1448 қаулысы (Қазақстан Республикасының ПҮАЖ-ы, 1994 ж., N 48, 543-құжат).
