ЕСКЕРТУ. Қаулы күшін жойды - ҚР Үкіметінің 1999.07.08. N 939
қаулысымен. P990939_
"Лицензиялау туралы" Қазақстан Республикасы Президентiнiң 1995
жылғы 17 сәуiрдегi N 2200
Заң күшi бар Жарлығын орындау үшiн
Қазақстан Республикасының Үкiметi қаулы етедi:
1. Қазақстан Республикасының аумағында лотереяларды
(мемлекеттiктен басқа) ұйымдастыру мен өткiзу жөнiндегi қызметтi
лицензиялауға қойылатын бiлiктiлiк талаптары бекiтiлсiн.
2. Лицензиялық қызмет субъектiлерiне берiлетiн лицензия түрлерiн
лицензиялық қызметтiң көлемiне, оның iс-қимыл жасау уақыты мен
аумағына қарай лицензиар айқындайды деп белгiленсiн.
Қазақстан Республикасы
Премьер-Министрiнiң
бiрiншi орынбасары
Қазақстан Республикасы
Үкiметiнiң
1996 жылғы 31 қазандағы
N 1325 қаулысымен
Бекiтiлген
Қазақстан Республикасының аумағында лотереяларды
(мемлекеттiк емес) ұйымдастыру мен өткiзу жөнiндегi қызметтi
лицензиялауға қойылатын бiлiктiлiк талаптары
Лицензиялық қызмет субъектiлерiне қойылатын бiлiктiлiк талаптары:
1. Лотереяны ұйымдастырушының соңғы жылдағы қаржылық жай-күйiн
растайтын аудиторлық қорытындының болуы.
2. Лотереяны ұйымдастыру мен өткiзу жөнiндегi шарттардың болуы.
3. Лотереяны ұйымдастыру мен өткiзу жөнiндегi нұсқаулық және
әдiстемелiк материалдардың болуы.
4. Таралымды өткiзу жөнiндегi шарттардың (таралымдық және бiр
сәттiк лотереялар үшiн) болуы.
5. Лотереяны ұйымдастыру мен өткiзу үшiн қажеттi өзiнiң немесе
жалға алған материалдық-техникалық базаның болуы:
лотереяны өткiзетiн заңды тұлғаның офисiне арналған үй-жай;
лотерея билеттерiн сақтауға арналған үй-жай;
лотерея билеттерiн сатуға арналған мамандандырылған үй-жай;
ұтыс заттарын сақтауға арналған үй-жай;
6. Заңды тұлғаның құрылтай құжаттарында мiндеттi түрде лицензияланатын қызметтiң түрi - Лотереяны ұйымдастыру мен өткiзу туралы жазба болуға тиiс.
7. Заңды тұлғаның лауазым иелерi сотталмаған болуға тиiс.
