Қазақстан Республикасының Үкiметi қаулы етедi:
1. Бес күндiк және алты күндiк жұмыс аптасы жағдайында демалысқа ақы төлеу, сондай-ақ пайдаланылмаған демалысқа өтем төлеу үшiн 12 күнтiзбелiк айдың орташа жалақысы есебiнен, осы кезеңдегi белгiленген үстемеақылар мен қосымша ақыларды және сыйлықтың орташа мөлшерiн ескере отырып есептеледi деп белгiленсiн.
Сыйлықтың орташа мөлшерi демалысқа шығатын айдың алдындағы 12 күнтiзбелiк ай үшiн сыйлықтың орташа айлық процентiн (сыйлықсыз) соңғы 12 күнтiзбелiк айдың орташа жалақысына көбейту арқылы айқындалады.
2. Қазақстан Республикасының Еңбек және халықты әлеуметтiк қорғау министрлiгi Қаржы министрлiгiмен бiрлесiп және Әдiлет министрлiгiнiң келiсуiмен екi апта мерзiм iшiнде осы қаулыны қолдану жөнiнде түсiндiрме әзiрлеп, бұқаралық ақпарат құралдарында
жарияласын.
3. "Демалысқа ақы төлеу немесе пайдаланылмаған демалысқа
өтем төлеу үшiн орташа жалақыны есептеу тәртiбi туралы" Қазақстан
Республикасы Министрлер Кабинетiнiң 1994 жылғы 13 мамырдағы N 513
қаулысының (Қазақстан Республикасының ПҮАЖ-ы, 1994 ж., N 22,
226-құжат) күшi жойылған деп танылсын.
Қазақстан Республикасы
Премьер-Министрiнiң
бiрiншi орынбасары
