Қазақстан Республикасы көлiк-коммуникация кешенiнiң Ақпараттық-презентация орталығы туралы

Күшін жойған

Қазақстан Республикасы Үкiметiнiң қаулысы 1997 жылғы 26 маусым N 1019. Күші жойылды - ҚРҮ-нің 1999.03.12. N 234 қаулысымен. ~P990234

Көлiк, жол шаруашылығы және байланыс саласындағы ақпараттық-консультативтiк қызметтi жүзеге асыру, сондай-ақ Қазақстан Республикасы көлiк-коммуникация кешенiне инвестициялар тартуды кеңейту мен ынталандыру мақсатында Қазақстан Республикасының Үкiметi қаулы етедi:
1. Қазақстан Республикасы Көлiк және коммуникациялар министрлiгiнiң Алматы қаласында мемлекеттiк мекеменiң ұйымдастыру-құқықтық нысанында Қазақстан Республикасы көлiк-коммуникация кешенiнiң Ақпараттық-презентация орталығын құру туралы ұсынысы қабылдансын. <*>
ЕСКЕРТУ. 1-тармақ өзгердi - ҚРҮ-нiң 1998.07.09. N 651 қаулысымен.
P980651_
2. Қазақстан Республикасы Көлiк және коммуникациялар министрлiгiне он күн мерзiмде мемлекеттiк мекеме - Қазақстан Республикасы көлiк-коммуникация кешенiнiң Ақпараттың-презентация орталығы туралы ереженi бекiту және оны құру жөнiндегi басқа да ұйымдастыру шараларын жүзеге асыру тапсырылсын.
3. Қазақстан Республикасы Көлiк-коммуникация кешенiнiң Ақпараттық-презентация орталығы Алматы қаласы Сейфуллин даңғылы бойындағы 458-үйде орналастырылсын. Қазақстан Республикасы Көлiк және коммуникациялар министрлiгi Қазақстан Республикасы Көлiк және коммуникация кешенiнiң Ақпараттық-презентация орталығының қызметi үшiн қажеттi мүлiк беретiн болсын.

     Қазақстан Республикасының
          Премьер-Министрi