Қазақстан Республикасы Iшкi iстер министрлiгiнiң ведомстволық бiлiм беру жүйелерiн оңтайландыру мақсатында Қазақстан Республикасының Үкiметi қаулы етедi:
1. Заңдарда белгiленген тәртiппен:
1) Қазақстан Республикасы Iшкi iстер министрлiгiнiң Алматы жоғары мектебi Қазақстан Республикасы Iшкi iстер министрлiгiнiң Алматы заң институты;
2) Қазақстан Республикасы Iшкi iстер министрлiгiнiң Қостанай жоғары мектебi Қазақстан Республикасы Iшкi iстер министрлiгiнiң Қостанай заң институты;
3) Қазақстан Республикасы Iшкi iстер министрлiгiнiң Алматы жоғары техникалық училищесi Қазақстан Республикасы Iшкi iстер министрлiгiнiң Алматы техникалық институты;
4) Қазақстан Республикасы Iшкi iстер министрлiгiнiң Қылмыстық атқару жүйесі комитетінің Павлодар техникалық колледжi Қазақстан Республикасы Iшкi iстер министрлiгiнiң Павлодар заң колледжi болып қайта аталсын.
Ескерту. 1-тармақ өзгерді - ҚР үкіметінің 2001.01.24. N 119
қаулысымен. P010119_
2. Заңдарда белгiленген тәртiппен штат саны мен 1998 жылға арналып Қазақстан Республикасы Iшкi iстер министрлiгiнiң оқу орындарын ұстауға бөлiнген бюджеттiк қаржының шегiнде:
Қазақстан Республикасы Iшкi iстер министрлiгiнің Қостанай жоғары мектебi Ақмола филиалының базасында Қазақстан Республикасы Iшкi iстер министрлiгiнiң Ақмола заң колледжi;
Қазақстан Республикасы Iшкi iстер министрлiгiнiң Қостанай жоғары мектебi Ақтөбе филиалының базасында Қазақстан Республикасы Iшкi iстер министрлiгiнiң Ақтөбе заң колледжi құрылсын.
3. Қазақстан Республикасы Iшкi iстер министрлiгi:
Қазақстан Республикасы Қаржы министрлiгiмен келiсiм бойынша оқу орындарының ерекшелiктерi мен толықтырылуын ескере отырып тұрақты және ауыспалы құрамдардың қолда бар штат санын қайта бөлсiн;
оқу орындарын басшы және профессорлық-оқытушылық құрамның бiлiктi кадрларымен жасақтасын, ауыспалы құраммен саналы және уақытылы жасақтауды қамтамасыз етсiн.
4. Ақмола қаласының, Ақмола және Ақтөбе облыстарының әкiмдерi тиiсiнше Қазақстан Республикасы Iшкi iстер министрлiгiнiң Ақмола және Ақтөбе заң колледждерiне олардың қалыптасуына, оқу-материалдық базаларының нығаюына және колледждердiң профессорлық-оқытушылық құрамы үшiн тұрғын үй бөлуге жәрдем көрсетсiн.
5. Құпия.
6. Мыналардың:
"Қазақстан Республикасы Iшкi iстер министрлiгiнiң оқу орындары туралы" Қазақстан Республикасы Министрлер Кабинетiнiң 1993 жылғы 15 ақпандағы N 106 қаулысының (Қазақстан Республикасының ПҮАЖ-ы, 1993 ж., N 3, 40-құжат);
"Қазақстан Республикасы Iшкi iстер министрлiгiнiң оқу орындарын қайта құру туралы" Қазақстан Республикасы Министрлер Кабинетiнiң 1995 жылғы 19 мамырдағы N 721 P950721_ қаулысының (Қазақстан Республикасының ПҮАЖ-ы, 1995 ж., N 18, 206-құжат) 1-тармағының;
"Қазақстан Республикасы Iшкi iстер министрлiгiнiң Қостанай заң колледжiн Қазақстан Республикасы Iшкi iстер министрлiгiнiң Қостанай жоғары мектебi етiп қайта құру туралы" Қазақстан Республикасы Үкiметiнiң 1996 жылғы 8 сәуiрдегi N 396 қаулысының (Қазақстан Республикасының ПҮАЖ-ы, 1996 ж., N 16, 119-құжат) күшi жойылған деп танылсын.
Қазақстан Республикасының
Премьер-Министрi
