Қазақстан Республикасы Үкіметінің 1998 жылғы 4 қыркүйектегі N 840 қаулысына өзгерістер енгізу туралы

Күшін жойған

Қазақстан Республикасы Үкіметінің қаулысы 1999 жылғы 22 сәуір N 457. Күші жойылды - Қазақстан Республикасы Үкіметінің 2001.12.20. N 1665 қаулысымен. ~P011665

Қазақстан Республикасының Үкіметі қаулы етеді:
1. "Қазақстан Республикасының базарларында тауарларды (жұмыстарды, қызмет көрсетулерді) сату құқығы үшін ақы төлеудің тәртібі мен алымдардың ставкалары туралы ережені бекіту туралы" Қазақстан Республикасы Үкіметінің 1998 жылғы 4 қыркүйектегі N 840 қаулысына P980840_ (Қазақстан Республикасының ПҮАЖ-ы, 1998 ж., N 30, 266-құжат) мынадай өзгерістер енгізілсін:
1) атауындағы және мәтініндегі "(жұмыстарды, қызмет көрсетулерді)" деген сөздер алынып тасталсын;
2) 5-тармақ мынадай редакцияда жазылсын:
"5. Осы қаулының орындалуын бақылау Қазақстан Республикасының Мемлекеттік Кіріс министрлігіне жүктелсін";
3) көрсетілген қаулымен бекітілетін Қазақстан Республикасының базарларында тауарларды сату құқығы үшін ақы төлеудің тәртібі мен алымдардың ставкалары туралы ережеде:
4-тармақтың екінші абзацы мынадай редакцияда жазылсын:
"Қазақстан Республикасының базарларында тауарлар сату құқығы үшін алым, базарда орналастырылған сауда нүктелерінің санына қарамастан, ондағы орналасқан алаңның әр шаршы метрі (бұдан әрі - базар алаңы) үшін күн сайын төленеді. Алымның ставкасы базар алаңының бір шаршы метрі есебімен белгіленеді. Төлеушінің қалауы бойынша алымақы 1 күннен 30 күнге дейінгі мерзімге төленуі мүмкін. Бұл орайда алымның сомасы күндердің санына бара-бар ұлғайтылады.";
6 және 7-тармақтар алынып тасталсын;
4) көрсетілген қаулымен бекітілген Қазақстан Республикасының базарларында тауарларды сату құқығы үшін алымның ставкалары мынадай редакцияда жазылсын:

Қазақстан Республикасының базарларында тауарларды
сату құқығы үшін алымның ставкалары

                                   әр күн үшін базар алаңының



                                    бір шаршы метрі есебімен
                                           теңгемен

  ____________________________________________________________________
 |Базардың           |         Базардың санаты                        |
 |мамандануы         |                                                |
 |___________________|________________________________________________|
 |                   |      I           |      II      |     III      |
 |___________________|__________________|______________|______________|
 |Азық-түлік         |      24          |      20      |     16       |
 |___________________|__________________|______________|______________|
 |Заттар             |      20          |      18      |     14       |
 |___________________|__________________|______________|______________|
 |Автомобиль         |      16          |      14      |     12       |
 |___________________|__________________|______________|______________|
 |Мал және жем-шөп   |      14          |      12      |     10       |
 |___________________|__________________|______________|______________|
     
     2. Осы қаулы жарияланған күнінен бастап 10 күннен кейін күшіне енеді.
     

     Қазақстан Республикасының
         Премьер-Министрі
     
     
   Оқығандар:      
   Қобдалиева Н.
   Омарбекова А.