1. Қазақстан Республикасының аумағында 1999-2000 жылдары киікті аулаудың барлық түріне тыйым салынсын.
2. Қазақстан Республикасының Ауыл шаруашылығы министрлігі мүдделі министрліктермен және ведомстволармен бірлесіп 1999-2000 жылдардың есебі деректерінің негізінде белгіленген тәртіппен Қазақстан Республикасының Үкіметіне киікті аулауға тыйым салу мерзімін ұзарту туралы немесе оларды алдағы жылдары үшін мүмкін шектеулі пайдалану туралы ұсыныс жасасын.
3. Қазақстан Республикасы Мемлекеттік кіріс министрлігі Ішкі істер министрлігімен және Ауыл шаруашылығы министрлігімен бірлесіп бір ай мерзімде ауланған киік өнімін республикадан тысқары заңсыз әкетудің жолын кесу жөнінде шаралар қолдансын.
4. Ақтөбе, Атырау, Жамбыл, Батыс Қазақстан, Қарағанды, Қызылорда, Маңғыстау және Оңтүстік Қазақстан облыстарының әкімдері бір ай мерзімде Қазақстан Республикасы Табиғат ресурстары және қоршаған ортаны қорғау министрлігінің, Ішкі істер министрлігінің және Ауыл шаруашылығы министрлігі Орман, балық және аңшылық шаруашылығы комитетінің аумақтық органдарымен бірлесіп киікті заңсыз аулауға қарсы күрес, сондай-ақ экобиологиялық тепе-теңдікті сақтау мақсатында қасқырларды ату жөніндегі іс-шараларды әзірлеп, оның орындалуын ұйымдастырсын.
5. Қазақстан Республикасының Қаржы министрлігі 2000 жылға
арналған республикалық бюджетті жасау кезінде киікті қорғау және оның
есебін жүргізуге қажетті қаражат көздесін.
6. Осы қаулының орындалуын бақылау Қазақстан Республикасының Ауыл
шаруашылығы министрлігіне жүктелсін.
7. Осы қаулы қол қойылған күнінен бастап күшіне енеді және жариялауға
жатады.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
