1. Облыстардың, Астана және Алматы қалаларының әкімдеріне, қоса беріліп отырған Әлеуметтік қорғауға мұқтаж адамдарды жұмысқа қабылдау үшін ұйымдарға ең аз жұмыс орындарын (квота) белгілеудің тәртібі туралы үлгі ереже бойынша әлеуметтік қорғауға мұқтаж азаматтарды жұмысқа қабылдау үшін ұйымдарға ең аз жұмыс орындарын (квота) белгілеудің тәртібін айқындау ұсынылсын.
2. Қазақ КСР Министрлер Кабинетінің "Әлеуметтік қорғауға аса
мұқтаж және жұмысқа орналасуда қиындықтарға кезігіп жүрген адамдарды
жұмысқа қабылдауды квоталаудың тәртібі туралы ережені бекіту туралы"
1991 жылғы 4 қарашадағы N 664 қаулысының күші жойылды деп танылсын.
3. Осы қаулы жарияланған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкіметінің
1999 жылғы 25 маусымдағы
N 855 қаулысына
қосымша
Әлеуметтiк қорғауға мұқтаж адамдарды жұмысқа
қабылдау үшiн ұйымдарға ең аз жұмыс орындарын (квота)
белгiлеудiң тәртiбi туралы үлгi ереже
(бұдан әрi - Ереже)
Осы Ереже Қазақстан Республикасының "Халықтың жұмыспен қамтылуы туралы", "Қазақстан Республикасында мүгедектердiң әлеуметтiк қорғалуы туралы" Заңдарына, Қазақстан Республикасы Президентiнiң "Салықтар және бюджетке төленетiн басқа да мiндеттi төлемдер туралы" заң күшi бар Жарлығына, Қазақ КСР-iнiң Әкiмшiлiк құқық бұзушылықтар туралы кодексiне сәйкес әзiрлендi.
1. Жалпы ережелер
1. Әлеуметтiк қорғауға аса мұқтаж адамдарды жұмыспен қамтуға және оларды жұмысқа қабылдауға жәрдем көрсету мақсатында меншiк нысанына қарамастан ұйымдарға жұмыс орындарының ең аз саны (бұдан әрi - квота) (квота) белгiленедi.
Жұмыс орындары (квота) - ұйымдардағы жұмыс орындарының әлеуметтiк қорғауға мұқтаж адамдарды жұмысқа қабылдауға арналған бөлшегi (бөлiгi).
2. Әлеуметтiк қорғауға аса мұқтаж адамдарға азаматтардың мынадай санаттары: 20 жасқа дейiнгi жастар; жасы кәмелетке толмаған балаларды тәрбиелеушi жалғызбасты және көп балалы ата-аналар; 16 жасқа дейiнгi мүгедек балаларды тәрбиелеушi ата-аналар; мүгедектер соңғы жұмыс орнынан шығу негiзiне қарамастан ұзақ (бiр жылдан астам) уақыттан берi жұмысы жоқ адамдар; зейнеткер жасына таяп қалған (зейнеткерлiкке шығуына 2 жыл қалған) адамдар; бас бостандығынан айыру орындарынан босаған, соттың шешiмi бойынша мәжбүрлеп емдеуден өткен адамдар; құқыққа қарсы әрекет жасағаны үшiн босатылған жағдайларды қоспағанда, әскери қызметтен зейнетақы алу құқығынсыз босатылған әскери қызметшiлер; босқындар, мигранттар (оралмандар), әйелдер; ауыл тұрғындары; экологиялық зiлзала аймақтарында тұратын адамдар, жетiм балалар және ата-анасының қамқорлығынсыз қалған балалар қатарынан бiлiм беру ұйымдарын бiтiрушiлер жатады. <*>
Ескерту. 2-тармақ өзгерді - ҚР Үкіметінің 2000.12.22. N 1882
қаулысымен. P001882_
2. Квоталарды белгілеудiң шарттары мен тәртiбi
3. Квота туралы нақты ұсыныстарды әлеуметтiк қорғауға аса мұқтаж адамдар топтарының мүдделерiн қорғайтын қоғамдық ұйымдардың қатысуымен аймақтағы жұмыс күшiне сұранымды және ұсынымды талдаудың, болжаудың негiзiнде жұмыспен қамту мәселелерi жөнiндегi уәкiлеттi органдар әзiрлейдi.
4. Жергiлiктi атқарушы органдар жұмыспен қамту мәселелерi жөнiндегi уәкiлеттi органдар ұсынған ұсыныстардың негiзiнде тиiстi шешiмдерiмен өз аумағында орналасқан ұйымдарға әлеуметтік қорғауға аса мұқтаж адамдарды қабылдау үшiн жұмыс орындарына квота және оны енгiзу мерзiмiн белгiлейдi.
Квоталарды белгiлеу кезiнде әлеуметтiк қорғауға мұқтаж адамдардың жасы және жыныстық құрамы, мамандығы мен бiлiктiлiк деңгейi, сондай-ақ ұйымдардағы қызмет түрi, режимi, сипаты мен әлеуметтiк-тұрмыстық еңбек жағдайы ескерiледi.
5. Жұмыспен қамту мәселелерi жөнiндегi уәкiлеттi органдар қабылданған шешiм туралы жұмыс берушiлердi квотаны енгiзуден бiр ай бұрын хабардар етедi.
6. Квота мөлшерi (ұйымда жұмыс iстейтiн адамдар санының 5%-iнен аспайтын) жыл сайын кемiнде бiр жыл мерзiмге белгiленедi.
7. Жұмыс берушiлер белгiленген квотаға сәйкес азаматтардың осы Ереженiң 2-тармағында көрсетiлген санаттарын жұмысқа орналастыру үшiн қажеттi жұмыс орындарын құрады немесе бөледi.
8. Квота бойынша жұмыс орындарына еңбекке орналастыру жұмыспен қамту мәселелерi жөнiндегi уәкiлеттi органның (қалалық, қалалардағы аудандық, аудандық деңгейлердегi) жолдамасы бойынша жүргiзiледi.
3. Жұмыс берушiлердiң әлеуметтiк қорғауға аса мұқтаж
адамдардың жұмыспен қамтылуын қамтамасыз етудегi
мiндеттерi және жауапкершiлiгi
9. Жұмыс берушiлер жұмыспен қамту мәселелерi жөнiндегi уәкiлеттi орган жiберген азаматтарды әлеуметтiк қорғауға аса мұқтаж адамдарға арналған квотаға сәйкес жұмысқа қабылдауға мiндеттi.
10. Белгiленген квоталардың шеңберiнде құрылған немесе бөлінген, босаған жұмыс орындары туралы ақпаратты жұмыс берушiлер ұйымдарда белгiленген бiлiктiлiк талаптарына сәйкес, олар пайда болған күннен бастап үш күн мерзiм iшiнде жұмыспен қамту мәселелерi жөніндегi уәкiлеттi органға ұсынуға мiндеттi.
11. Жұмыс берушiлер тоқсан сайын жұмыспен қамту мәселелерi
жөнiндегi уәкiлеттi органға квотаның есебiне бөлiнген жұмыс
орындарының толығуы жөнiнде ақпарат ұсынады.
12. Жергiлiктi органдардың жұмыс орындарын квоталау туралы
шешiмiн орындамаған немесе әлеуметтiк қорғауға мұқтаж азаматтарды
жұмысқа орналастырудан жалтарған жұмыс берушiлер Қазақстан
Республикасының заңдарына сәйкес жауап бередi.
13. Квотаның есебiнен бөлiнген жұмыс орындарының толығуын
бақылауды жергiлiктi атқарушы органдар, жұмыспен қамту мәселелерi
жөніндегi уәкiлеттi органдар және жұмыспен қамту мәселелерi жөнiндегi
уәкiлеттi органдардың инспекциясы жүзеге асырады.
Оқығандар:
Қобдалиева Н.
Орынбекова Д.
