1999 жылғы 17 тамызда Түрiк Республикасында болған жер сiлкiнiсiнен зардап шеккендерге қосымша iзгiлiк көмек көрсету мақсатында Қазақстан Республикасының Үкiметi қаулы етеді:
1. Қазақстан Республикасы Сыртқы iстер министрлiгінiң жер сiлкiнiсiнiң нәтижесінде зардап шеккен Түрiк Республикасының халқына 200 шатыр, дәрi-дәрмектер, медициналық құралдар және гемотрансфузиондық көмек түрiнде, 1000 зардап шегушiге жалпы сомасы 13 660 342 (он үш миллион алты жүз алпыс мың үш жүз қырық екi) теңге көмек көрсету туралы ұсынысы қабылдансын.
2. Қазақстан Республикасы Энергетика, индустрия және сауда министрлiгiнiң Мемлекеттiк материалдық резервтер жөнiндегі комитетi Қазақстан Республикасының мемлекеттiк материалдық резервiнен Қазақстан Республикасының Төтенше жағдайлар жөнiндегі агенттiгiне 4 000 000 (төрт миллион) теңге сомаға 200 (екi жүз) шатыр босатуды жүзеге асырсын.
3. Қазақстан Республикасының Денсаулық сақтау, бiлiм және спорт министрлiгi 1, 2-қосымшаларға (құпия) сәйкес Республикалық арнаулы медициналық қамтамасыз ету орталығының жұмылдырушылық резервiнен жалпы сомасы 6 592 342 (алты миллион бес жүз тоқсан екi мың үш жүз қырық екi) теңге дәрi-дәрмектер мен медициналық құралдар және Республикалық апаттар медицинасы орталығының ағымдағы үлесiнен жалпы сомасы 3 068 000 (үш миллион алпыс сегiз мың) теңге гемотрансфузиондық көмек босатуды жүзеге асырсын.
4. Қазақстан Республикасының Төтенше жағдайлар жөнiндегі агенттiгi қосымша iзгiлiк көмек жүгiн Алматы қаласынан арналған жерiне жедел жеткiзудi қамтамасыз етсiн.
5. Қазақстан Республикасының Сыртқы iстер министрлiгi қосымша iзгiлiк көмектi Түрiк Республикасының аумағында қарсы алуды және оны арналған жерiне берудi ұйымдастырсын.
6. Қазақстан Республикасының Қаржы министрлiгi 1999 жылға арналған республикалық бюджетте кезек күттiрмейтiн мемлекеттiк мұқтаждарға көзделген қаражаттан iс жүзiнде ұсынылған құжаттар бойынша мынадай шығындарды:
1) Қазақстан Республикасы Энергетика, индустрия және сауда министрлiгiнiң Мемлекеттiк материалдық резервтер жөнiндегi комитетi мемлекеттiк материалдық резервтен шатырлардың запасын қалпына келтiруге байланысты шығыстарды өтеуге 4 000 000 теңге;
2) Қазақстан Республикасының Денсаулық сақтау, бiлiм және спорт министрлiгi Республикалық арнаулы медициналық қамтамасыз ету орталығының жұмылдырушылық резервiне 6 592 342 теңге сомасына дәрi-дәрмектердi, медициналық құралдарды және Республикалық апаттар медицинасы орталығына 3 068 000 теңге сомасына гемотрансфузиондық көмектің ағымдағы үлесiн
қалпына келтiруге байланысты шығыстарды өтеуге;
3) Қазақстан Республикасының Төтенше жағдайлар жөнiндегi агенттiгі
40 000 теңге сомасына Түрiк Республикасына жүктердi тасымалдауға
байланысты көлiктiк шығындарды өтеуге қаржыландырсын.
7. Осы қаулы қол қойылған күнiнен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.
Омарбекова А.
