Жамбыл облысының әлеуметтік-экономикалық жағдайын нығайту және экономикасы тоқыраған аудандарға көмек көрсету мақсатында Қазақстан Республикасының Үкіметі қаулы етеді:
1. Қазақстан Республикасының Қаржы министрлігі заңдарда белгіленген тәртіппен:
1) Жамбыл облысының әкіміне Мойынқұм ауданының Мойынқұм ауылындағы аурухана кешенінің құрылысын аяқтау үшін республикалық бюджетте "Кезек күттірмейтін мемлекеттік мұқтаждар" бағдарламасы бойынша көзделген қаражат есебінен 20 (жиырма) млн. теңге бөлсін;
2) бөлінген қаражаттың мақсатты пайдаланылуын бақылауды жүзеге асырсын.
2. Осы қаулының орындалуын бақылау Қазақстан Республикасы Премьер-Министрінің орынбасары - Қаржы министрі Ораз Әлиұлы Жандосовқа жүктелсін.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
