"Қазақстан темір жолы" республикалық мемлекеттік кәсіпорнының республикалық бюджеттің алдындағы герман несие желісі бойынша берешектері мәселелерін реттеу мақсатында Қазақстан Республикасының Үкіметі қаулы етеді:
1. Қазақстан Республикасының Қаржы министрлігі "Қазақстан Эксимбанкі" жабық акционерлік қоғамымен, "Қазақстан темір жолы" республикалық мемлекеттік кәсіпорнымен бірлесіп:
1) 1998 жылғы 21 тамыздағы N 16-18/003-006 несиелік шартты мынадай талаптар бойынша қайта жасасын:
Қазақстан Республикасының Қаржы министрлігін герман несие желісі бойынша кредитор деп белгілеу;
сыйақының (мүдденің) жылдық 10 процент ставкасымен;
2001 жылдың 31 желтоқсанына дейін несиені өтеу мерзімімен;
6,8 миллион неміс маркасы мөлшерінде өтеуді 2000 жылдың 31 наурызына дейін жүзеге асыру;
18 миллион неміс маркасы мөлшеріндегі қалдықтың сомасын өтеуді, қоса беріліп отырған, қайта жасалған Несиелік шарттың кестесіне сәйкес 2001 жылдың 31 желтоқсанына дейін жүзеге асыру;
2) "HERMES" герман экспорттық-несиелік агенттігімен
Ausfuhrkredit-Gesellschaft MBH және Kreditanastalt fur Wiederauhaft
банктермен жолаушылар вагондарын сатып алу жөніндегі герман несиесін қайта
құрылымдау жөнінде келіссөздер жүргізсін.
2. Осы қаулының орындалуын бақылау Қазақстан Республикасы
Премьер-Министрінің орынбасары Д.К.Ахметовке жүктелсін.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.М.
Орынбекова Д.К.
