Қазақстан Республикасы Президентінің "Мемлекеттік кәсіпорын туралы" 1995 жылғы 19 маусымдағы N 2335 U952335_ заң күші бар Жарлығына сәйкес Қазақстан Республикасының Үкіметі қаулы етеді:
1. Шаруашылық жүргізу құқығындағы "Халықаралық көрмелер дирекциясы" республикалық мемлекеттік кәсіпорны (бұдан әрі - Кәсіпорын) құрылсын.
2. Қазақстан Республикасының Энергетика, индустрия және сауда министрлігі Кәсіпорынға қатысты мемлекеттік басқару органы, сондай-ақ мемлекеттік меншік құқығы субъектісінің функцияларын жүзеге асыратын орган (бұдан әрі - Уәкілетті орган) болып белгіленсін.
2-1. Қазақстан Республикасының Қаржы министрлігі Уәкілетті органға Қазақстан Республикасының Үкіметі резервінің табиғи және техногендік сипаттағы төтенше жағдайларды жою жөніндегі іс-шараларға және 2000 жылға арналған республикалық бюджетте көлденең шығындарға арналған қаражатының есебінен Кәсіпорынның жарғылық қорын қалыптастыруға 7250 (жеті мың екі жүз елу) мың теңге бөлсін.
ЕСКЕРТУ. Жаңа 2-1-тармақпен толықтырылды - ҚР Үкіметінің 2000.02.05.
N 172 қаулысымен.
3. Уәкілетті орган заңдарда белгіленген тәртіппен осы қаулыны іске
асыру жөнінде шаралар қабылдасын.
4. "Республикалық мемлекеттік кәсіпорындардың тізбесі туралы"
Қазақстан Республикасы Үкіметінің 1996 жылғы 25 мамырдағы N 790
қаулысына (Қазақстан Республикасының ПҮАЖ-ы, 1996 ж., N 29, 256-құжат)
мынадай толықтыру енгізілсін:
көрсетілген қаулымен бекітілген Республикалық мемлекеттік
кәсіпорындарының тізбесі мынадай мазмұндағы реттік нөмірі 106-а-1-жолмен
толықтырылсын:
"106-а-1."Халықаралық көрмелер дирекциясы"
республикалық мемлекеттік
кәсіпорны (шаруашылық жүргізу
құқығында) Астана қаласы".
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.М.
Орынбекова Д.К.
