Қытай Халық Республикасында (бұдан әрі - ҚХР) типтік емес өкпе қабынуының эпидемиологиялық ахуалының тұрақтануына байланысты:
1. Қазақстан Республикасының Ұлттық қауіпсіздік комитеті (келісім бойынша) 2003 жылдың 1 шілдесінен бастап ҚХР-мен мемлекеттік шекараны ашу жөнінде шаралар қабылдасын.
2. Қазақстан Республикасының Көлік және коммуникациялар министрлігі 2003 жылдың 1 шілдесінен бастап ҚХР-мен әуе, темір жол және автомобиль қатынастарын қалпына келтірсін.
3. Қазақстан Республикасының Туризм және спорт жөніндегі агенттігі 2003 жылдың 1 шілдесінен бастап ҚХР-ға және басқа да елдерге туристік сапарларын қалпына келтірсін.
4. Осы өкімнің орындалуын бақылау Қазақстан Республикасы Премьер-Министрінің бірінші орынбасары А.С. Павловқа жүктелсін.
Премьер-Министр
