1. Қоса беріліп отырған "Қазақстан Республикасының кейбір заңнамалық актілеріне Халықаралық теңіз ұйымының аудитінен өту мәселелері бойынша өзгерістер мен толықтырулар енгізу туралы" 2015 жылғы 13 қаңтардағы Қазақстан Республикасының Заңын іске асыру мақсатында қабылдануы қажет нормативтік құқықтық және құқықтық актілердің тізбесі (бұдан әрі – тізбе) бекітілсін.
2. Қазақстан Республикасының мемлекеттік органдары:
1) тізбеге сәйкес нормативтік құқықтық және құқықтық актілердің жобаларын әзірлесін және заңнамада белгіленген тәртіппен Қазақстан Республикасының Үкіметіне бекітуге енгізсін;
2) тиісті ведомстволық нормативтік құқықтық және құқықтық актілерді қабылдасын және қабылданған шаралар туралы Қазақстан Республикасының Үкіметін хабардар етсін.
3. "Қазақстан Республикасының кейбір заңнамалық актілеріне мемлекеттік басқару деңгейлері арасындағы өкілеттіктердің аражігін ажырату мәселелері бойынша өзгерістер мен толықтырулар енгізу туралы"2014 жылғы 29 қыркүйектегі Қазақстан Республикасының Заңын іске асыру жөніндегі шаралар туралы" Қазақстан Республикасы Премьер-Министрінің 2014 жылғы 12 желтоқсандағы № 143-ө өкіміне мынадай өзгеріс енгізілсін:
көрсетілген өкіммен бекітілген "Қазақстан Республикасының кейбір заңнамалық актілеріне мемлекеттік басқару деңгейлері арасындағы өкілеттіктердің аражігін ажырату мәселелері бойынша өзгерістер мен толықтырулар енгізу туралы" 2014 жылғы 29 қыркүйектегі Қазақстан Республикасының Заңын іске асыру мақсатында қабылдануы қажет нормативтік құқықтық актілердің тізбесінде:
реттік нөмірі 1041-жол алып тасталсын.
| Премьер-Министр | К.Мәсімов |
| Қазақстан Республикасы | |
| Премьер-Министрінің | |
| 2015 жылғы 25 сәуірдегі | |
| № 36-ө өкімімен | |
| бекітілген |
"Қазақстан Республикасының кейбір заңнамалық актілеріне Халықаралық теңіз ұйымының аудитінен өту мәселелері бойынша өзгерістер мен толықтырулар енгізу туралы" 2015 жылғы 13 қаңтардағы Қазақстан Республикасының Заңын іске асыру мақсатында қабылдануы қажет нормативтік құқықтық және құқықтық актілердің тізбесі
Р/с № | Нормативтік құқықтық актінің атауы | Актінің нысаны | Орындауға жауапты мемлекеттік органдар | Орын-дау мерзімі |
1 | 2 | 3 | 4 | 5 |
1. | "Қазақстан Республикасының теңiзшiсi жеке куәлiгiнiң үлгiсiн және оны қорғауға қойылатын талаптарды, Қазақстан Республикасы теңiзшiсiнiң жеке куәлiгiн ресiмдеу, беру, мерзiмiн ұзарту, ауыстыру, тапсыру, алып қою және жою қағидаларын бекіту туралы және "Қазақстан Республикасының теңiзшiсi жеке куәлiгiнiң, теңiзде жүзу кiтапшасының, дипломдарды растаудың үлгiсiн, оларды ресiмдеу, беру, мерзiмiн ұзарту, сондай-ақ алып қою қағидасын бекiту туралы" Қазақстан Республикасы Үкiметiнiң 2011 жылғы 14 шілдедегi № 797 қаулысына өзгерiстер енгiзу туралы" Қазақстан Республикасы Үкіметінің 2013 жылғы 27 тамыздағы № 863 қаулысына өзгерістер енгізу туралы | Қазақстан Республикасы Үкіметінің қаулысы | ИДМ | 2015 жылғы мамыр |
2. | Теңiз көлiгi, теңіз оқу-тренажер орталықтары мамандарын даярлауды (қайта даярлауды) және олардың біліктілігін арттыруды жүзеге асыратын білім беру ұйымдарын куәландыру қағидаларын және оларға қойылатын талаптарды бекіту туралы | бұйрық | ИДМ | 2015 жылғы мамыр |
3. | Теңiз көлiгi, теңіз оқу-тренажер орталықтары мамандарын даярлауды (қайта даярлауды) және олардың біліктілігін арттыруды жүзеге асыратын білім беру ұйымдарын куәландыру жөніндегі уәкілетті ұйымды айқындау қағидаларын бекіту туралы | бұйрық | ИДМ | 2015 жылғы мамыр |
4. | Су көлігі саласындағы мамандықтар бойынша үлгілік оқу бағдарламаларын бекіту туралы | бұйрық | ИДМ, БҒМ | 2015 жылғы мамыр |
5. | Навигациялық орталық көрсететін қызметтерді пайдалану үшін тарифтерді бекіту туралы | бұйрық | ИДМ | 2015 жылғы қараша |
Ескертпе: аббревиатуралардың толық жазылуы:
ИДМ – Қазақстан Республикасы Инвестициялар және даму министрлігі;
БҒМ – Казақстан Республикасы Білім және ғылым министрлігі.
