1. Қоса беріліп отырған "Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу туралы" 2017 жылғы 11 мамырдағы Қазақстан Республикасының Заңын іске асыру мақсатында қабылдануы қажет нормативтік құқықтық актілердің тізбесі (бұдан әрі - тізбе) бекітілсін.
2. Қазақстан Республикасының мемлекеттік органдары тізбеге сәйкес белгіленген мерзімде:
1) нормативтік құқықтық актінің жобасын әзірлесін және заңнамада белгіленген тәртіппен Қазақстан Республикасының Үкіметіне бекітуге енгізсін;
2) тиісті нормативтік құқықтық актілерді қабылдасын және қабылданған шаралар туралы Қазақстан Республикасының Үкіметін хабардар етсін.
| Премьер-Министр | Б. Сағынтаев |
| Қазақстан Республикасы Премьер-Министрінің 2017 жылғы 22 маусымдағы № 81-ө өкімімен бекітілген |
"Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу туралы" 2017 жылғы 11 мамырдағы Қазақстан Республикасының Заңын іске асыру мақсатында қабылдануы қажет нормативтік құқықтық актілердің тізбесі
Р/с № | Нормативтік құқықтық актінің атауы | Актінің нысаны | Орындауға жауапты мемлекеттік органдар | Орындалу мерзімі | Нормативтік құқықтық актілердің сапасына, әзірлеу уақтылығы мен енгізілуіне жауапты тұлға |
1 | 2 | 3 | 4 | 5 | 6 |
1. | "Қазақстан Республикасы Мәдениет және спорт министрлігінің мәселелері" туралы Қазақстан Республикасы Үкіметінің 2014 жылғы 23 қыркүйектегі № 1003 қаулысына өзгерістер енгізу туралы | Қазақстан Республикасы Үкіметінің қаулысы | МСМ | 2017 жылғы шілде | С.Ж. Мұсайбеков |
2. | Қазақстан Республикасында спорт түрлерін саралау қағидаларын бекіту туралы | Қазақстан Республикасы Мәдениет және спорт министрінің бұйрығы | МСМ | 2017 жылғы шілде | С.Ж. Мұсайбеков |
3. | Дене шынықтыру және спорт саласындағы кадрларды даярлау, қайта даярлау мен олардың біліктілігін арттыру қағидаларын бекіту туралы | Қазақстан Республикасы Мәдениет және спорт министрінің бұйрығы | МСМ | 2017 жылғы шілде | С.Ж. Мұсайбеков |
4. | Дене шынықтыру және спорт саласындағы уәкілетті орган мен жергілікті атқарушы органдар өткізетін спорттық жарыстардың чемпиондары мен жүлдегерлері үшін жүлделер құнының мөлшерін бекіту туралы | Қазақстан Республикасы Мәдениет және спорт министрінің бұйрығы | МСМ | 2017 жылғы шілде | С.Ж. Мұсайбеков |
5. | "Қазақстан Республикасының аумағында және одан тыс жерлерде өткізілетін спорттық іс-шараларға даярлық және оған қатысу кезеңінде спортшыларды, жаттықтырушыларды және дене шынықтыру мен спорт саласындағы мамандарды, барлық санаттағы әскери қызметшілер мен құқық қорғау және арнаулы мемлекеттік органдардың қызметкерлерін қамтамасыз етудің заттай нормаларын бекіту туралы" Қазақстан Республикасы Мәдениет және спорт министрінің міндетін атқарушының 2014 жылғы 21 қарашадағы № 105 бұйрығына өзгерістер енгізу туралы | Қазақстан Республикасы Мәдениет және спорт министрінің бұйрығы | МСМ | 2017 жылғы шілде | С.Ж. Мұсайбеков |
6. | Спорттың басым түрлерінің республикалық тізбесін бекіту туралы | Қазақстан Республикасы Мәдениет және спорт министрінің бұйрығы | МСМ | 2017 жылғы қазан | С.Ж. Мұсайбеков |
7. | "Мемлекеттік тапсырманы әзірлеу және орындау қағидаларын бекіту туралы" Қазақстан Республикасы Қаржы министрінің 2015 жылғы 30 наурыздағы № 236 бұйрығына өзгерістер енгізу туралы |
Қазақстан Республикасы Қаржы министрінің | Қаржымині | 2017 жылғы шілде | Б.Ш. Шолпанқұлов |
8. | Қазақстан Республикасының Үкіметі мен Халықаралық көрмелер бюросы арасындағы Астана қаласында ЭКСПО-2017 халықаралық мамандандырылған көрмесін өткізуге байланысты ресми қатысушыларға арналған жеңілдіктер мен преференциялар туралы келісімге сәйкес жеңілдіктер мен преференцияларға құқығы бар тұлғалардың салық міндеттемелерін орындауы қағидаларын бекіту туралы | Қазақстан Республикасы Қаржы министрінің бұйрығы | Қаржымині | 2017 жылғы шілде | Қ.Е. Байеділов |
9. | Спорт түрлері бойынша Қазақстан Республикасы кұрама командаларының (спорт түрлері бойынша ұлттық құрама командалардың) құрамына кіретін спортшыларға, олардың жаттықтырушыларына, сондай-ақ спорттың ойналатын түрлері бойынша Қазақстан Республикасы құрама командаларының (ұлттық құрама командалардың) құрамдарында қатысатын спортшыларға, олардың жаттықтырушыларына және клубтық командалардың жетекшілеріне ай сайынғы ақшалай жабдықталым төлемдерінің мөлшерін бекіту туралы | қаулы | облыстардың, Астана және Алматы қалаларының әкімдіктері | 2017 жылғы шілде | облыстардың, Астана және Алматы қалаларының әкімдері аппараттарының басшылары |
10. | Спорттың басым түрлерінің өңірлік тізбесін дене шынықтыру және спорт саласындағы уәкілетті органның келісуімен бекіту туралы | қаулы | облыстардың, Астана және Алматы қалаларының әкімдіктері | 2017 жылғы қараша | облыстардың, Астана және Алматы қалаларының әкімдері аппараттарының басшылары |
Ескертпе: аббревиатуралардың толық жазылуы:
МСМ - Қазақстан Республикасының Мәдениет және спорт министрлігі
Қаржымині - Қазақстан Республикасының Қаржы министрлігі
