"Бюджет қаражатын тиімді пайдалану жөнінде комиссия құру туралы" Қазақстан Республикасы Премьер-Министрінің 2017 жылғы 1 наурыздағы № 28-ө өкіміне мынадай өзгерістер енгізілсін:
"Қазақстан Республикасы Премьер-Министрінің орынбасары, басшы" деген жол мынадай редакцияда жазылсын:
"Қазақстан Республикасы Премьер-Министрінің бірінші орынбасары - Қазақстан Республикасының Қаржы министрі, басшы";
"Қазақстан Республикасының Қаржы министрі, басшының орынбасары" деген жол алып тасталсын;
"Қазақстан Республикасының Қаржы вице-министрі, хатшы" деген жол мынадай редакцияда жазылсын:
"Қазақстан Республикасының Қаржы вице-министрі, басшының орынбасары";
"Қазақстан Республикасының Қаржы министрлігі Ішкі мемлекеттік аудит комитетінің төрағасы" деген жол мынадай редакцияда жазылсын:
"Қазақстан Республикасының Қаржы министрлігі Ішкі мемлекеттік аудит комитетінің төрағасы, хатшы";
"Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Сыбайлас жемқорлыққа қарсы Ұлттық бюросы (Сыбайлас жемқорлыққа қарсы кызмет) басшысының орынбасары (келісім бойынша)" деген жол мынадай редакцияда жазылсын:
"Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) төрағасының орынбасары (келісім бойынша)";
3-тармақ мынадай редакцияда жазылсын:
"3. Комиссия 2020 жылғы 1 желтоқсанға дейін қажет болған жағдайда бюджет қаражатының пайдаланылуы бойынша бұзушылықтар фактілерін қарасын және қарау қорытындылары бойынша әзірленген ұсыныстарды Қазақстан Республикасының Үкіметіне енгізсін";
4-тармақ мынадай редакцияда жазылсын:
"4. Осы өкімнің орындалуын бақылау Қазақстан Республикасы Премьер-Министрінің бірінші орынбасары - Қазақстан Республикасының Қаржы министрі Ә.А. Смайыловқа жүктелсін.".
| Премьер-Министр | А. Мамин |
