Күмiс пен алтын туралы

Қазақстан Республикасы Премьер-министрiнiң өкiмi 8 тамыз 1994 ж. N 312-ө

Қазақстан Республикасы мен Өзбекстан Республикасы арасында "берiмдiк" шарты негiзiнде металлургиялық шикiзаттардағы бағалы металдарды ұқсату бойынша өзара есеп айырысуларды және олардың иелерiне қайтарылуын жүзеге асыру мақсатында:
1. "Алтын-алмас" Ұлттық акционерлiк компаниясына Өзбекстан Республикасына (Алмалық тау-кен металлургиялық комбинатына) мыналарды шығаруға рұқсат етiлсiн:
"Шымкент қорғасын зауыты" акционерлiк қоғамынан Доре қорытпасындағы алтын және күмiс тиiсiнше 28,021 кг және 2803,1 кг;
"Өскемен қорғасын мырыш комбинаты" акционерлiк қоғамынан 13170 кг аффинирленген күмiс.
2. Қазақстан Республикасының Өнеркәсiп және сауда министрлiгi "Алтын-алмас" Ұлттық акционерлiк компаниясына көрсетiлген бағалы металдарды шығару үшiн белгiленген тәртiпке сәйкес лицензия берсiн.

Премьер-министр