Жапонияның "Чори Ко, ЛТД" фирмасынан кредит алу туралы

Қазақстан Республикасы Премьер-министрiнiң Өкiмi 5 қыркүйек 1994 ж. N 354-ө

Өскемен титан-магний комбинатында титан қорын өндiру жөнiндегi цехтың құрылысын аяқтау және пайдалануға беру мақсатында:
1. Жапонияның "Чори Ко, ЛТД" фирмасынан 3,2 миллион АҚШ доллар сомасында кредит тарту мақұлдансын.
2. Қазақстан Республикасының Мемлекеттiк экспорт-импорт банкi осы кредиттi пайдалану жөнiндегi өкiл болып белгiленсiн.
3. Қазақстан Республикасының Қаржы министрлiгi шет ел фирмасына Қазақстан Республикасы Үкiметiнiң 3,2 миллион АҚШ доллары сомасына кепiлдiгiн берсiн.
4. Қазақстан Республикасының Өнеркәсiп және сауда министрлiгi осы өкiмнiң орындалу барысын және берiлген кредиттiң уақтылы қайтарылуын бақылауды қамтамасыз етсiн, ал комбинат iлеспе шығындарды ескере отырып, өз қаржысы есебiнен оны өтесiн.

Премьер-министр