Қазақстан Республикасы халқының мемлекеттiк меншiктi жекешелендiру, басқаруға және концессияға беру мәселелерi жөнiнде хабардар болуын арттыру туралы

Қазақстан Республикасы Премьер-Министрiнiң Өкiмi 1997 жылғы 2 сәуiр N 85-ө

Қазақстан Республикасы халқының мемлекеттiк меншiктi жекешелендiру, басқаруға және концессияға беру мәселелерi жөнiнде хабардар болуын арттыру мақсатында:
1. Қазақстан Республикасы Қаржы министрлiгiнiң Мемлекеттiк мүлiк пен активтердi басқару департаментi және Жекешелендiру жөнiндегi департаментi:
Қазақстан Республикасының мемлекеттiк меншiгiн басқаруға, концессияға беру және сату жөнiнде жасалатын контрактiлердiң негiзгi шарттары жариялау үшiн бұқаралық ақпарат құралдарына берсiн;
жариялау кезiнде қолданылып жүрген заңдарға сәйкес инвестор үшiн коммерциялық құпияны құрайтын тармақтар мен баптар алынып тасталсын.
2. Осы өкiмнiң орындалуына бақылау жасау Қазақстан Республикасы Премьер-Министрiнiң орынбасары - Қазақстан Республикасының Қаржы министрi А.С. Павловқа жүктелсiн.

Премьер-Министр