Тоталитаризм құрбандарына ескерткiш тұрғызу туралы

Қазақстан Республикасы Премьер-Министрiнiң өкiмi 1997 жылғы 4 мамырдағы N 126

"1997 жылды жалпы ұлттық татулық пен саяси қуғын-сүргiндер құрбандарын еске алу жылы деп жариялау туралы" Қазақстан Республикасы Президентiнiң 1996 жылғы 30 желтоқсандағы N 3299 U963299_ Жарлығын және "1997 жылды Жалпы ұлттық татулық пен саяси қуғын-сүргiндер құрбандарын еске алу жылу деп жариялау туралы" Қазақстан Республикасы Президентiнiң Жарлығын жүзеге асыру жөнiндегi шаралар туралы" Қазақстан Республикасы Үкiметiнiң 1997 жылғы 20 қаңтардағы N 86 P970086_ қаулысын жүзеге асыру үшiн:
1. Т.Б.Сүлейменовтың, К.Ж.Монтахаевтың, А.А.Кенжетаевтың, А.Б.Ордабаевтың құрамында авторлар тобы дайындаған Ақмола қаласына орнатылатын тоталитаризм құрбандарына ескерткiштiң жобасы бекiтiлсiн.
2. Ақмола қаласының әкiмi тоталитаризм құрбандарына ескерткiш тұрғызу жөнiндегi бас тапсырысшы болып айқындалсын.
3. Ақмола қаласының әкiмi:
1997 жылдың 20 мамырына ескерткiш тұрғызу үшiн бөлiнген учаскенiң құрылыстың басталуына әзiрлiгiн қамтамасыз етсiн;
тендерлiк негiзде бас мердiгердi айқындасын;
1997 жылдың 24 қазанына Ақмола қаласында тоталитаризм құрбандарына ескерткiш тұрғызу жөнiндегi жұмыстарды аяқтасын және оның маңайындағы аумақтардың көрiктендiрiлуiн қамтамасыз етсiн
4. Қазақстан Республикасының Бiлiм және мәдениет министрлiгi Ақмола қаласының әкiмiмен және "Қаздизайн" акционерлiк қоғамымен бiрлесiп бiр ай мерзiм iшiнде Қазақстан Республикасы Қаржы министрлiгiнiң келiсiмi бойынша тоталитаризм құрбандарына ескерткiш тұрғызуға арналған шығыстардың сметасын жасасын және оны бекiтсiн.
5. Қазақстан Республикасының Қаржы министрлiгi 1997 жылға мәдениетке арналып көзделген жалпы қаражаттың есебiнен, бекiтiлген сметаға сәйкес тоталитаризм құрбандарына ескерткiштiң жобалау жұмыстары мен құрылысын қаржыландыруды қамтамасыз етсiн.
6. Жобалау құжаттамалары бекiтiлгенге дейiн жекелеген сызбалар мен құжаттар бойынша құрылыс-монтаж жұмыстарын қаржыландыру мен орындауды шешсiн.
7. Ескерткiш тұрғызу жөнiндегi жұмыстарды үйлестiру және осы өкiмнiң орындалуына бақылау жасау Ақмола қаласының әкiмi мен Қазақстан Республикасының Бiлiм және мәдениет министрлiгiне жүктелсiн.

Премьер-Министр