Электр энергетикасының объектiлерi акцияларының мемлекеттiк пакеттерiн сату және мүлiктi жалға беру жөнiндегi тендерлердi дайындау және өткiзу туралы

Күшін жойған

Қазақстан Республикасы Премьер-Министрiнiң өкiмi 1997 жылғы 19 маусымдағы N 185. Күші жойылды - Қазақстан Республикасы Үкіметінің 1997.07.28. N 247 өкімімен. ~R970247

Қазақстан Республикасының Энергетика және табиғи ресурстар министрлiгi Д.Т.Дүйсеновке республика бойынша мынадай шараларды жүргiзу тапсырылсын:
1. Облыстардың әкiмдерiмен, Мемлекеттiк мүлiк пен активтердi басқару және Жекешелендiру жөнiндегi департаменттермен бiрлесiп электр энергетикасының объектiлерi акцияларының мемлекеттiк пакеттерiн сату және мүлiктi жалға беру жөнiндегi, сондай-ақ аймақтың электр желiлерiн тарату компаниялары мен электр станцияларының берешектерiн қайта құрылымдауға әзiрлiк және оны жүргiзу.
2. Қазақстан Республикасы экономикасының қысқы-күзгi кезеңдегi жұмысына әзiрлiктi жедел ұйымдастыру және бақылау.
3. Республиканың отын-энергетика кешенiндегi Үкiмет шешiмдерiнiң орындалу барысының жүзеге асырылу мәселелерi бойынша республикалық селекторлық кеңестер өткiзу.

Премьер-Министр