"Маңғыстаумұнайгаз" акционерлiк қоғамына тоқсан сайынғы транзит квоталарын бөлу туралы

Қазақстан Республикасы Премьер-Министрiнiң өкiмi 1997 жылғы 19 қарашадағы N 353

1. Қазақстан Республикасының Энергетика, индустрия және сауда министрлiгi "Қазақойл" ұлттық мұнай-газ компаниясының қатысуымен Атырау-Самара мұнай құбырына түсетiн мұнайдың сапасын және Қазақстан Республикасының мемлекеттiк мұқтаж қажеттiлiктерiн ескере отырып, "Маңғыстаумұнайгаз" акционерлiк қоғамы үшiн мұнай өндiрудiң жалпы көлемiне бара-бар тоқсан сайынғы транзит квоталарын бөлудi қамтамасыз етсiн.
2. Қазақстан Республикасының Инвестициялар жөнiндегi мемлекеттiк комитетi бiр ай мерзiм iшiнде жұмыс тобының мұнай пайдалану келiсiм-шарттарын әзiрлеуге байланысты мәселелердi қарауды қамтамасыз етсiн және "Маңғыстаумұнайгаз" акционерлiк қоғамының кен орындары бойынша кен пайдалану келiсiм-шарттарын заңдарда белгiленген тәртiппен ресiмдесiн.

Премьер-Министр