1. Қазақстан Республикасы Президентінің "Мемлекеттік аппаратта тәртіпті күшейту жөніндегі шаралар туралы" 1999 жылғы 3 мамырдағы N 45 N990045_ өкімін басшылыққа және мүлтіксіз атқаруға қабылдасын:
2. Министрліктер мен агенттіктердің басшылары:
- кінәлі адамдарға атқаратын қызметінен босатуға дейін қатаң шаралар қолдана отырып, Мемлекет басшысының актілері мен тапсырмаларын уақтылы орындамаудың әрбір фактісі бойынша қызметтік тексерістер жүргізуді қамтамасыз етсін;
- алқаларда бақылау және атқарушылық тәртіп мәселелерін қарасын;
- тәртіптің жоқтығы мен формализмді жою, аппараттардың жұмысында тәртіп орнату, ұйымдастырушылық-бақылау және құжаттамалық бөлімшелерді кадрлық және техникалық жағынан нығайту, лауазымды тұлғалардың дербес жауаптылығын арттыру жөнінде нақты және сындарлы шаралар қабылдасын;
- бір апта мерзімде Қазақстан Республикасы Премьер-Министрінің Кеңсесіне қабылданған шаралар туралы ақпарат ұсынсын.
3. Қазақстан Республикасының Премьер-Министрі Кеңсесінің Басшысы А.А.Тілеубердин Қазақстан Республикасы Премьер-Министрінің Кеңсесі бөлімшелерінің Мемлекет басшысының актілері мен тапсырмаларын, Үкіметтің шешімдерін, Премьер-Министрдің, оның орынбасарларының және Қазақстан Республикасы Премьер-Министрінің Кеңсесі басшылығының тапсырмаларын уақытылы және түпкілікті атқаруын тиісті бақылауды қамтамасыз ететін, сондай-ақ Қазақстан Республикасының Премьер-Министрі Кеңсесінің осы мәселелер бойынша министрліктермен, агенттіктермен және ведомстволармен өзара іс-қимылын жақсартуға мүмкіндік беретін ұйымдастырушылық және техникалық шаралардың кешенін белгілесін.
4. Қазақстан Республикасы Премьер-Министрінің Кеңсесі:
- министрліктер, агенттіктер, ведомстволар және жергілікті атқарушы органдар аппараттарының Мемлекет басшысының, Қазақстан Республикасының Үкіметі мен Премьер-Министрінің актілері мен тапсырмаларын атқаруды ұйымдастыру жөніндегі жұмыстарына ұдайы тексерістер жүргізу практикасын енгізсін;
- лауазымды тұлғаларды жазалау туралы қабылданған шешімдердің
олардың кінәсі дәрежесіне сәйкестігін тексерсін;
- 1999 жылдың мамыр-маусымында министрліктер мен агенттіктер
басшыларының, қызметтің осы учаскесі үшін жауапты адамдардың
қатысуымен бақылау жұмысын ұйымдастыру және іс қағаздарын жүргізу
жөнінде семинар-кеңес өткізсін;
- орталық атқарушы органдар жүргізген жұмыстардың қорытындыланған
нәтижелері бойынша Қазақстан Республикасының Үкіметі мәжілісінің
қарауына атқарушылық тәртіп туралы мәселе енгізсін.
Премьер-Министрдің
міндетін атқарушы
Оқығандар:
Қобдалиева Н.
Омарбекова А.
