Қазақстан Республикасының мемлекеттік басқару жүйесін одан әрі жетілдіру туралы

Күшін жойған

Қазақстан Республикасы Президентінің 2003 жылғы 13 қыркүйектегі N 1189 Жарлығы. Күші жойылды - ҚР Президентінің 2006.01.09. N 1696 жарлығымен.

"Актілер жинағында" және  
республикалық баспасөзде  
жариялануға тиіс      

      Қазақстан Республикасының Конституциясы  44-бабының 3) тармақшасына сәйкес ҚАУЛЫ ЕТЕМІН:

      1. Қазақстан Республикасының Мәдениет, ақпарат және қоғамдық келісім министрлігі оны Қазақстан Республикасының Мәдениет министрлігіне және Қазақстан Республикасының Ақпарат министрлігіне бөлу жолымен қайта ұйымдастырылсын.

      2. Қазақстан Республикасының Үкіметі:
      1) қайта ұйымдастырылатын мемлекеттік органның штат санын қайта бөлуді қамтамасыз етсін;
      2) осы Жарлықты іске асыру жөнінде өзге де қажетті шаралар қолдансын.

      3. Қазақстан Республикасы Президентінің "Қазақстан Республикасы Үкіметінің құрылымы туралы" 1999 жылғы 22 қаңтардағы N 6  Жарлығының 1-тармағына мынадай өзгеріс пен толықтыру енгізілсін:
      мынадай мазмұндағы абзац алынып тасталсын:
      "Қазақстан Республикасының Мәдениет, ақпарат және қоғамдық келісім министрлігі";
      мынадай мазмұндағы жаңа абзацтармен толықтырылсын:
      "Қазақстан Республикасының Мәдениет министрлігі;
      Қазақстан Республикасының Ақпарат министрлігі".

      4. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

      5. Осы Жарлық қол қойылған күнінен бастап күшіне енеді.

       Қазақстан Республикасының
      Президенті

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады