1. "Қазақстан Республикасының Мемлекеттiк әлеуметтiк сақтандыру қорын құру туралы" Қазақстан Республикасы Президентiнiң 1992 жылғы 18 наурыздағы N 688 Жарлығына (Қазақстан Республикасының ПҮАЖ-ы, 1992 ж., N 7, 118-құжат) мынадай өзгертулер енгiзiлсiн:
1-тармақ мынадай редакцияда жазылсын:
"1. 1996 жылдың 1 қаңтарынан бастап облыстарда және Алматы қаласында бөлiмшелерi болатын Қазақстан Республикасының Мемлекеттiк әлеуметтiк сақтандыру қоры құрылсын.
Қазақстан Республикасының Мемлекеттiк әлеуметтiк сақтандыру қорын басқару функциялары Қазақстан Республикасының Халықты әлеуметтiк қорғау министрлiгiне жүктелсiн";
2-тармақ мынадай редакцияда жазылсын:
"2. Қазақстан Республикасының Мемлекеттiк сақтандыру қорына аударымдар тиiстi жылға арналған республикалық бюджет туралы Қазақстан Республикасының Заңында бекiтiлген нормалар бойынша жүргiзiледi деп белгiленсiн";
4-тармақ мынадай редакцияда жазылсын:
"4. Қазақстан Республикасының Үкiметi:
Қазақстан Республикасының Мемлекеттiк әлеуметтiк сақтандыру қоры туралы Ереженi бекiтсiн және осы Жарлықты жүзеге асыру жөнiнде барлық қажеттi ұйымдастыру шараларын қабылдасын;
Қазақстан Республикасы Үкiметiнiң мемлекеттiк әлеуметтiк сақтандыруды реттейтiн нормативтiк құқықтық актiлерiн осы Жарлыққа сәйкес келтiрсiн;
Қазақстан Республикасы мемлекеттiк органдарының осы Жарлыққа қайшы келетiн нормативтiк құқықтық актiлерiн қайта қарауын және күшiн жоюын қамтамасыз етсiн".
2. Осы Жарлық жарияланған күнiнен бастап күшiне енедi.
Қазақстан Республикасының
Президентi
