Аграрлық ғылымды одан әрi дамыту, агроөнеркәсiп кешенi салаларының ғылыми-техникалық әлеуетiн шоғырландыру және азық-түлiк пен ауыл шаруашылығы шикiзатына деген республика қажеттiлiгiн қамтамасыз ету мiндеттерiн шешуде аграрлық ғылымның үлесiн күшейту мақсатында ҚАУЛЫ ЕТЕМIН:
1. Қазақстан Республикасы Ғылым министрлiгi - Ғылым академиясының ауыл шаруашылығы бейiнiндегi ғылым-зерттеу мекемелерiнiң, тәжiрибе шаруашылықтары мен тәжiрибе эксперименттiк кәсiпорындарының базасында Қазақстан Республикасының Ұлттық академиялық аграрлық зерттеулер орталығы құрылсын.
2. Қазақстан Республикасының Ұлттық академиялық аграрлық зерттеулер орталығы Қазақстан Республикасының Ғылым министрлiгi - Ғылым академиясына ведомстволық қарасты дербес кешендi ғылыми-техникалық бiрлестiк болып табылады, ол елдiң агроөнеркәсiп кешенiн ғылыми қамтамасыз ету үшiн жауап бередi.
3. Қазақстан Республикасының Үкiметi осы Жарлықты жүзеге асыру жөнiнде қажеттi шаралар қолдансын.
Қазақстан Республикасының
Президентi
