1. Қостанай облысындағы Лисаков қаласының әкiмшiлiк-аумақтық
шекарасы шегiнде 2010 жылға дейiнгi кезеңде Лисаков арнайы
экономикалық аймағы құрылсын.
Лисаков арнайы экономикалық аймағының әкiмшiлiк кеңесi Лисаков
еркiн экономикалық аймағы әкiмшiлiк кеңесiнiң құқығын иеленушi болып
табылады деп белгiленсiн.
2. Лисаков арнайы экономикалық аймағы туралы Ереже (қоса берiлiп
отыр) бекiтiлсiн.
3. Осы Жарлық жарияланған күнiнен бастап күшiне енедi.
Қазақстан Республикасының
Президентi
Қазақстан Республикасы
Президентiнiң
1996 жылғы 23 тамыздағы
N 3094 Жарлығымен
бекiтiлген
Лисаков арнайы экономикалық аймағы туралы
ЕРЕЖЕ
Осы Ереже "Қазақстан Республикасындағы арнайы экономикалық аймақтар туралы" Қазақстан Республикасы Президентiнiң 1996 жылғы 26 қаңтардағы N 2823 Заң күшi бар Жарлығы талаптарының негiзiнде әзiрлендi және Лисаков арнайы экономикалық аймағы аумағында шаруашылық қызметтi жүзеге асырудың құқықтық және экономикалық негiздерiн, Лисаков арнайы экономикалық аймағының Әкiмшiлiк кеңесiнiң өкiлеттiгiн айқындайды, оның аумағында тiркелген меншiктiң барлық нысанындағы ұйымдарға қолданылады.
I. Жалпы ережелер
1. Лисаков арнайы экономикалық аймағы (Бұдан былай - Лисаков АЭА) Қостанай облысындағы Лисаков қаласының әкiмшiлiк -аумақтық шекарасының шегiнде орналасқан. Лисаков АЭА-ның жалпы көлемi 26152 га. Лисаков АЭА-ның аумағы Қазақстан Республикасы аумағының бөлiгi болып табылады.
2. Лисаков АЭА:
аймақтың өндiрiстiк күштерiн интенсивтi дамыту, кәсiпкерлiк қызметтi жандандыру арқылы ғылым мен техниканың осы заманғы жетiстiктерiн меңгеру және өндiрiске енгiзу, отандық және шетелдiк капиталды, технологиялар мен басқару тәжiрибесiн тарту, шет елдермен ғылыми-техникалық және сауда-экономикалық ынтымақтастықты үдете түсу;
табиғи ресурстарды тиiмдiлiкпен кешендi игеру, аймақтың және республиканың экспорттық мүмкiндiктерiн арттыру, импортты алмастыратын өнiмдер өндiрудi дамыту;
осы заманғы өндiрiстiк және әлеуметтiк инфрақұрылым жасау;
халықтың ал-ауқаты мен тұрмыс сапасын көтеру негiзiнде қала мен аймақты әлеуметтiк-экономикалық дамыту мiндеттерiн шешу мақсатында құрылды.
II. Лисаков АЭА-ның басқару органдары
3. Лисаков АЭА-ның аумағындағы басқару органы Әкiмшiлiк кеңес болып табылады, оны Кеңестiң Төрағасы республикалық және жергiлiктi мемлекеттiк органдар, АЭА аумағында тiркелген заңды тұлғалар өкiлдерiнен құрады.
4. АЭА-ның Әкiмшiлiк кеңесi заңды тұлға болып табылады, оқшау мүлiктi иемденедi, өз атынан мүлiктiк және жеке мүлiктiк емес құқықтарды ала алады, өзiне жауапкершiлiк алады, сотта қуынушы және жауапкер болады, сондай-ақ өзiнiң атауы жазылған елтаңбалы мөрi мен басқа да қажеттi деректемелерi болады.
5. Әкiмшiлiк кеңестi осымен бiр мезетте Лисаков қаласының әкiмi болып отырған төраға басқарады.
6. Әкiмшiлiк кеңесiнiң отырысын кемiнде айына бiр рет оның төрағасы өткiзедi.
Әкiмшiлiк кеңесiнiң қаулылары оның мүшелерiнiң көпшiлiгiнiң ашық дауыс беруi арқылы қабылданады және оны АЭА аумағында орналасқан (тұратын) және жұмыс iстейтiн барлық заңды және жеке тұлғалар орындауға мiндеттi.
7. Әкiмшiлiк кеңестiң төрағасы сенiмхатсыз-ақ Әкiмшiлiк Кеңес атынан өкiлдiк етедi, мемлекеттiк органдарда, отандық және шетелдiк кәсiпорындарда, фирмалар мен ұйымдарда оның мүддесiн бiлдiредi. Әкiмшiлiк кеңестiң мүлкi мен ақшалай қаражатына иелiк етедi, шарттар, соның iшiнде еңбек шарттарын жасасады, банктерде есеп айырысу, валюталық және басқа шоттар ашады, өз құзыретi шегiнде сенiмхаттар бередi, өкiмдер шығарады.
8. Әкiмшiлiк кеңестiң орналасқан жерi Қостанай облысының Лисаков қаласы, Қазақстан Республикасы.
III. Әкiмшiлiк кеңестiң өкiлеттiктерi
9. Лисаков АЭА-ның Әкiмшiлiк кеңесi:
АЭА-ның даму бағдарламасын әзiрлеп, iске асырады;
АЭА-ның бюджетiн қалыптастырады, бюджет қаражатын пайдалану бағытын айқындайды;
АЭА-ны дамыту үшiн және оны құру мақсатына қол жеткiзу үшiн отандық және шетелдiк инвестициялар мен кредит қаражатын тартуды жүзеге асырады;
АЭА-ның аумағында қызметiн жүзеге асыратын шаруашылық жүргiзушi субъектiлердiң мемлекеттiк органдармен өзара қарым-қатынасын реттеуге жәрдемдеседi;
АЭА-ден сырт жерлерде оның Әкiмшiлiк кеңесiнiң өкiлдiктерiн ашу туралы шешiмдер қабылдайды;
жердi пайдалану, АЭА-ның аумағында орналасқан үйлер мен
ғимараттарды жалдау, сондай-ақ инфрақұрылым объектiлерiн жеңiлдiкпен
пайдалану мәселелерi жөнiнде шешiмдер қабылдайды;
заңды тұлғаларды мемлекеттiк тiркеудi жүзеге асыратын әрi
АЭА-ның аумағынан келу және АЭА-ның аумағынан кету жөнiнде рұқсат беру
функцияларын атқаратын органдардың қызметi үшiн қажеттi жағдай
туғызады;
Қазақстан Республикасының заңдарында көзделген өзге де
өкiлеттiктердi жүзеге асырады.
IV. Қаржы
10. Лисаков АЭА-ның бюджетi сонымен бiрге Лисаков қаласының
бюджетi болып табылады.
АЭА-ның бюджетiн оның Әкiмшiлiк кеңесi қалыптастырады. АЭА-ның бюджетi кiрiсiне АЭА-ның аумағында салық төлеушiлер ретiнде тiркелген заңды және жеке тұлғалар төлейтiн жалпымемлекеттiк және жергiлiктi салықтар мен алымдар есептеледi.
АЭА-ның Әкiмшiлiк кеңесi бюджеттiк теңгермелi атқарылуына жауап бередi және түскен кiрiстер шегiнде республикалық бюджетте бекiтiлетiн нормалар бойынша шығыстарды жүзеге асырады.
Лисаков АЭА-ның бюджетiнiң облыстық бюджетпен өзара қарым-қатынасы оның 2010 жылға дейiнгi кезеңге арналған даму бағдарламасының орындалуын қамтамасыз ететiн АЭА-ның бюджетiне келiп түскен қаражаттан жасалатын аударымдардың ұзақ мерзiмдi тұрақты нормативтерi арқылы белгiленедi. 1996 жылға - 20%, 1997 жылға - 25%, 1998 жылдың бiрiншi жарты жылдығына - 30%, екiншi жарты жылдығына - 50%, 1999-2000 жылдарға - 50% мөлшерiнде аударымдар жасау нормативтерi белгiленедi. <*>
1996 жылға арналған аударым нормативi Лисаков АЭА туралы Ереже бекiтiлген сәттен енгiзiледi.
<*>
Жоғары тұрған бюджетке аударым ай сайын, келесi есеп беру кезеңiнен кейiнгi айдың 10-нан кешiктiрiлмей жүргiзiледi.
Қолданылып жүрген заңдарда көзделген арнаулы қорларға төлемдер АЭА-ның бюджетiн қалыптастырудың көзi болып табылмайды.
1999 жылдың 1 шiлдесiнен бастап облыстық бюджетке ақша аударымдары күн сайын жасалады. <*>
ЕСКЕРТУ. 10-тармақ өзгертiлдi және толықтырылды - ҚР
Президентiнiң 1998.06.30. N 3989 жарлығымен. U983989_
11. Лисаков АЭА-ның Әкiмшiлiк кеңесi Лисаков АЭА-ның Экономикалық және әлеуметтiк даму қорын құрады.
Лисаков АЭА-ның экономикалық және әлеуметтiк даму қоры еркiн бюджеттiк қаражаты, салықтық емес сипаттағы аударымдар мен алымдар, саудаластық, аймақтық лотереялар, заемдар өткiзуден түскен кiрiстер, заңды және жеке тұлғалардың ерiктi жарналары мен қайырымдылық пұлы есебiнен құралады. Бұған қоса экономикалық және әлеуметтiк даму қорына жаңа өндiрiс орындарын дайындау және жұмыс iстеп тұрған өндiрiс орындарын кеңейту жөнiндегi шығындарды қаржыландыруға арнап, Қазақстан Республикасының Үкiметi берген жеңiлдiктi кредит енгiзiлуi мүмкiн.
АЭА-ның экономикалық және әлеуметтiк даму қорының қаражаты Лисаков АЭА-ның дамыту бағдарламасында көзделген iс-шараларды қаржыландыруға, қызметi аймақтың әлеуметтiк экономикалық дамуына бағытталған шаруашылық жүргiзушi субъектiлерге ұзақ мерзiмдi және қысқа мерзiмдi жеңiлдiктi кредиттер беруге; халық тұтынатын тауарларды өндiру жөнiндегi қуаттарды құру мен кеңейту және халыққа қызмет көрсетуге, кадрлар даярлауға және АЭА-ның қызмет iстеуi мен дамуына қатысты басқа да мақсаттарға бағытталады.
Экономикалық және әлеуметтiк даму қорының iс-шараларды жеңiлдiкпен кредиттеуге арналған қаражаты Лисаков АЭА-ның даму бағдарламасына сәйкес Қазақстан Республикасы Ұлттық Банкi Лисаков бөлiмшесiнiң депозиттiк есеп-шотына салынады, ол бұларды АЭА-ның Әкiмшiлiк кеңесi белгiлеген шартпен шаруашылық жүргiзушi субъектiлердi кредиттеу үшiн кредиттiк ресурстар ретiнде екiншi деңгейдегi банктерге бередi.
Жеңiлдiктi кредиттердiң уақтылы әрi нысаналы пайдаланылуы мен
қайтарылуын бақылауды Қазақстан Республикасының Ұлттық Банкiнiң
Лисаков бөлiмшесi мен екiншi деңгейдегi банктер жүзеге асырады.
Экономикалық және әлеуметтiк даму қоры мемлекеттiк кәсiпорын
нысанында құрылған заңды тұлға болып табылады.
Қорға иелiк етушi Лисаков АЭА-ның Әкiмшiлiк кеңесiнiң төрағасы
болып табылады.
V. Кредит жүйесi
12. Лисаков АЭА-ның аумағында банк-кредит жүйесiн өз қызметiн
Қазақстан Республикасының қолданылып жүрген заңдарына сәйкес жүзеге
асыратын Қазақстан Республикасы Ұлттық Банкiнiң бөлiмшесi мен екiншi
деңгейдегi банктер мен олардың бөлiмшелерi құрайды.
VI. Салық салу
13. Лисаков АЭА-ның аумағында салық салу Қазақстан
Республикасының салық заңдарына сәйкес жүзеге асырылады.
14. АЭА-ның аумағында тiркелген шаруашылық жүргiзушi
субъектiлерге Қазақстан Республикасының заңдарына сәйкес жеңiлдiктi
салық салу режимi қолданылады.
VII. Кедендiк реттеу
15. Лисаков АЭА-ның аумағы Қазақстан Республикасының кедендiк
аумағынан тыс тұрған аумақ ретiнде қарастырылады, онда еркiн кедендiк
аймақ режимi қолданылады. Қазақстан Республикасының кеден органдары
Лисаков АЭА-ның аумағындағы тауарларға кедендiк бақылауды жүзеге
асырады.
16. Шетелдiк және қазақстандық тауарларды Лисаковск АЭА-ның аумағына әкелгенде кеден бажы мен салық алынбайды және экономикалық саясат шаралары қолданылмайды. <*>
ЕСКЕРТУ. 16-тармақ жаңа редакцияда - ҚР Президентiнiң
1997.02.24. N 3360 жарлығымен. U973360_
17. Лисаков АЭА аумағында толығымен өндiрiлген немесе кеден заңдарымен белгiленген өлшемдерге сәйкес қажеттi түрде қайта ұқсатуға түскен тауарларды Қазақстан Республикасынан тыс жерлерге экспорттаған кезде бұлар кеден бажын алу мен экономикалық саясат шаралары қолданудан босатылады.
18. Тауарларды Лисаков АЭА-ның аумағынан Қазақстан Республикасының кеден аумағының қалған бөлiгiне және Лисаков АЭА-ның аумағынан Қазақстан Республикасынан тыс жерлерге тасымалдау кезiнде тауарлардың шығу негiзiне қарай кедендiк баж салығы мен салықтар алынады және экономикалық саясат шаралары қолданылады.
Тауарларды Лисаков АЭА-ның аумағынан Қазақстан Республикасының кеден аумағының қалған бөлiгiне әкелген кезде Ресейде, Беларусьта және Қырғызстанда шығарылған тауарларын, тауардың СТ-1 нысан бойынша шығарылғаны туралы сертификаттары болса, сондай-ақ толығымен Лисаков АЭА аумағында өндiрiлген немесе Қазақстан Республикасының кеден заңдарымен белгiленген өлшемдерге сәйкес қажеттi түрде қайта ұқсатуға түскен тауарлармен кедендiк бажы алынбайды.
19. Лисаков АЭА аумағына әкелiнетiн және Қазақстан Республикасынан тыс жерлерге экспорттауға арналған тауарларды кедендiк ресiмдеу экспорттау режимiне сәйкес кеден iсi жөнiндегi нормативтiк актiлерде белгiленген тәртiппен кеден бажы мен салық алынбай және экономикалық саясат шаралары қолданылмай жүзеге асырылады.
20. Лисаков АЭА-ның аумағынан Қазақстан Республикасынан тыс жерлерге экспорттауға жататын тауарлар Қазақстан Республикасының кедендiк аумағының қалған бөлiгiне қайтарылған кезде немесе белгiленген мерзiм iшiнде iс жүзiнде экспорттау жасалынбаған жағдайда кеден бажы мен салық, сондай-ақ олардан қайта қаржыландырудың Қазақстан Республикасының Ұлттық Банкi белгiлейтiн ресми проценттiк ставкасы бойынша проценттер төленедi.
21. Лисаков АЭА аумағынан тауарларды әкелу мен әкету Лисаков АЭА-ның Әкiмшiлiк-аумақтық шекарасында орналасқан арнаулы кеден бекеттерi арқылы жүргiзiледi.
22. Қазақстан Республикасының кеден заңдарымен, сондай-ақ осы Ережемен белгiленген тәртiптi бұзғаны үшiн Қазақстан Республикасының кеден заңдарында көзделген жауапкершiлiк шаралары қолданылады.
VIII. Лисаков АЭА-ның аумағында шаруашылық жүргiзушi
субъектiлердi тiркеу
23. Лисаков АЭА аумағында құрылатын заңды тұлғаларды мемлекеттiк тiркеу, сондай-ақ олардың филиалдары мен өкiлдiктерiн есептiк тiркеу Қазақстан Республикасының заң актiлерiнде белгiленген тәртiппен жүзеге асырылады.
Тiркейтiн органды қаржыландыру тәртiбiн Әкiмшiлiк кеңесi белгiлейдi.
24. АЭА аумағында орналасқан барлық заңды тұлғалар олардың меншiк нысандарына қарамастан мемлекеттiк тiркеуге жатады.
Заңды тұлғалардың филиалдары мен өкiлдiктерi, оларға заңды тұлға құқығы берiлмей-ақ, есептiк тiркеуге жатады.
25. Шаруашылық жүргiзушi субъектiлердi мемлекеттiк тiркеу Қазақстан Республикасының Азаматтық Кодексiнiң (жалпы бөлiм) "Заңды тұлғаларды мемлекеттiк тiркеу туралы" Қазақстан Республикасы Президентiнiң Заң күшi бар Жарлығының және Шаруашылық жүргiзушi субъектiлердi мемлекеттiк тiркеу мәселелерiн реттейтiн басқа да нормативтiк актiлердiң нормаларына сәйкес жүргiзiледi.
IХ. Шетел азаматтарының Лисаков АЭА-да болу тәртiбi
26. Шетел азаматтары мен азаматтығы жоқ адамдардың, сондай-ақ олардың көлiк құралдарының келуiн, кетуiн, транзитiн және болуын ресiмдеу жөнiндегi қызметтi орындау мақсатымен орталық атқарушы органдар АЭА-ның аумағында тиiстi мемлекеттiк органдардың жекелеген бөлiмшелерiн құрады. Аталған бөлiмшелердi қаржыландыру тәртiбiн Әкiмшiлiк кеңесi белгiлейдi.
Х. Қорытынды ережелер
27. Лисаков қаласына 2010 жылға дейiнгi кезеңге АЭА мәртебесi берiлген.
28. Лисаков АЭА-ы құрылған мерзiмi бiткеннен кейiн таратылады.
Лисаков АЭА-ы таратылатын кезде, оның Әкiмшiлiк кеңесi Қазақстан Республикасының Президентiне және Үкiметiне өзiнiң қызметi туралы есебiн, ал тиiмдi деп тапса - қосымша мерзiмге АЭА-ның мәртебесiн ұзарту туралы негiздi өтiнiш жолдайды.
29. Лисаков АЭА-ның қызмет ету мерзiмi бiткеннен кейiн Әкiмшiлiк кеңесiнiң төрағасы заңды тұлғалардың мемлекеттiк тiзiлiмiне Лисаков АЭА-сы таратылу процесiнде екенi туралы мәлiметтер енгiзу үшiн Әкiмшiлiк кеңестi мемлекеттiк тiркеуден өткiзген әдiлет органына оның таратылатыны туралы жазбаша хабарлайды.
Әкiмшiлiк кеңесiнiң төрағасы сонымен бiрге жергiлiктi және орталық баспасөз органдарында Лисаков АЭА-ның таратылатыны туралы, оның кредиторларының шағымдарын мәлiмдеу тәртiбi мен мерзiмi туралы хабарлама жариялайды.
Заңды тұлғалардың мемлекеттiк тiзiлiмiне бұл туралы жазба енгiзiлгеннен кейiн ғана Лисаков АЭА-сын тарату аяқталған болып есептеледi. АЭА-ны тарату оның жұмыс iстеу мерзiмi бiткен күннен бастап алты айдан кешiктiрiлмей жүргiзiледi.
Қазақстан Республикасының Президентi Лисаков АЭА-ны мерзiмiнен бұрын тарату туралы шешiм қабылдаған жағдайда тарату ретi осы Ереженiң 29-тармағында көзделген тәртiппен жүргiзiледi.
