--------------Қаулыдан үзінді-------------
Қазақстан Республикасының нормативтiк құқықтық актiлерiн Қазақстан Республикасының заңдарымен сәйкестендіру мақсатында Қазақстан Республикасының Қаржы нарығын және қаржы ұйымдарын реттеу мен қадағалау жөнiндегi агенттiгiнiң (бұдан әрi - Агенттiк) Басқармасы ҚАУЛЫ ЕТЕДI:
1. Осы қаулының қосымшасына сәйкес Қазақстан Республикасының кейбір нормативтiк құқықтық актiлерiнiң күшi жойылды деп танылсын.
2. Осы қаулы қабылданған күннен бастап қолданысқа енеді.
Төраға
Қазақстан Республикасының
Қаржы нарығын және қаржы
ұйымдарын реттеу мен қадағалау
жөніндегі агенттігі басқармасының
2005 жылғы 26 наурыздағы
N 117 қаулысына Қосымша
Қазақстан Республикасының күшi жойылды деп танылған
нормативтiк құқықтық актiлерiнiң тiзбесi
8. Қазақстан Республикасының Ұлттық Банкi Басқармасының "Қазақстан Республикасының Ұлттық комиссиясы Директоратының "Қазақстан Республикасының жергiлiктi атқарушы органдары зейнетақы активтерi есебiнен шығарған мемлекеттiк бағалы қағаздарын сатып алуға рұқсат беру тәртiбi туралы" 2000 жылғы 30-маусымдағы N 634 қаулысына өзгерiстер мен толықтырулар енгiзу туралы" 2001 жылғы 20-желтоқсандағы N 537 қаулысы (Қазақстан Республикасының нормативтiк құқықтық актiлерiн мемлекеттiк тiркеу тiзiлiмiнде N 1742 тiркелген, Қазақстан Республикасы Ұлттық Банкiнiң "Қазақстан Ұлттық Банкiнiң Хабаршысы" және "Вестник Национального Банка Казахстана" 1997 жылғы N 4 басылымдарында жарияланған)...
------------------------------------
Қазақстан Республикасы Ұлттық Банкiнiң нормативтiк құқықтық актiлерiн Қазақстан Республикасының заңдарына сәйкес келтiру мақсатында Қазақстан Республикасы Ұлттық Банкiнiң Басқармасы қаулы етеді:
1. Қазақстан Республикасының Бағалы қағаздар жөнiндегi ұлттық комиссиясы Директоратының "Қазақстан Республикасының жергiлiктi атқару органдары шығарған мемлекеттiк бағалы қағаздарды зейнетақы активтерi есебiнен сатып алуға рұқсат беру тәртiбi туралы" 2000 жылғы 30 маусымдағы N 634
V001213_
қаулысына (бұдан әрi - Қаулы) толықтыру мен өзгерiстер енгiзiлсiн:
1) 1-тармақ мынадай мазмұндағы 3-1) тармақшамен толықтырылсын:
"Ұлттық Банк - Қазақстан Республикасының Ұлттық Банкi";
2) Кiрiспенi қоспағанда, қаулының бүкiл мәтiнi бойынша түрлi септiктегi "Ұлттық комиссия" деген сөздер тиiстi септiктегi "Ұлттық Банк" деген сөздермен, "Ұлттық комиссия Директоратының" деген сөздер тиiстi септiктегi "Ұлттық Банктiң Директорлар кеңесi" деген сөздермен ауыстырылсын;
3) 6-тармақтағы "он" деген сөз "жиырма"деген сөзбен ауыстырылсын;
4) 7-тармақтағы "Ұлттық комиссия Төрағасының" деген сөздер "Ұлттық Банк Төрағасының" деген сөздермен ауыстырылсын, "оның орнындағы Ұлттық комиссия атқарушы директорының" деген сөздер алынып тасталсын.
2. Осы қаулы Қазақстан Республикасының Әдiлет министрлiгiнде мемлекеттiк тiркелген күннен бастап он төрт күн өткеннен кейiн күшiне енедi.
3. Бағалы қағаздар нарығын реттеу департаментi (Шалғымбаева Г.Н.):
1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын;
2) Қазақстан Республикасының Әдiлет министрлiгiнде мемлекеттiк тiркеуден өткiзiлген күннен бастап он күндiк мерзiмде осы қаулыны Қазақстан Республикасы Ұлттық Банкiнiң мүдделi бөлiмшелерiне, Қазақстан Республикасының Қаржы министрлiгiне, Қазақстан Республикасының Еңбек және халықты әлеуметтiк қорғау министрлiгiнiң Жинақтаушы зейнетақы қорларының қызметiн реттеу жөнiндегi комитетiне, жергiлiктi атқарушы органдарға, бағалы қағаздар рыногының өзiн-өзi басқаратын ұйымдарына және "Мемлекеттiк жинақтаушы зейнетақы қоры" жабық акционерлiк қоғамына жiберсiн.
4. Осы қаулының орындалуын бақылау Қазақстан Республикасы Ұлттық Банкiнiң Төрағасы Г.А. Марченкоға жүктелсiн.
Ұлттық Банк Төрағасы
