Ескерту: Қаулының күші жойылды - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2005 жылғы 27 тамыздағы N 317
қаулысымен
.
________________________________
Қазақстан Республикасы Ұлттық Банкiнiң нормативтiк құқықтық базасын жетiлдiру және оны Қазақстан Республикасының қолданылып жүрген заңдарына сәйкес келтiру мақсатында Қазақстан Республикасы Ұлттық Банкiнiң Басқармасы қаулы етеді:
1. Осы қаулының қосымшасына сәйкес Қазақстан Республикасының Бағалы қағаздар жөнiндегi ұлттық комиссиясының "Қазақстан Республикасының бағалы қағаздар рыногында брокерлiк және дилерлiк қызметтi жүзеге асыру ережесiн бекiту туралы" 1998 жылғы 31 желтоқсандағы N 20
V980683_
қаулысына өзгерiстер мен толықтырулар енгiзiлсiн.
2. Осы қаулы Қазақстан Республикасының Әдiлет министрлiгiнде мемлекеттiк тiркеуден өткiзiлген күннен бастап он төрт күн өткеннен кейiн күшiне енедi.
3. Бағалы қағаздар нарығын реттеу департаментi (Шалғымбаева Г.Н.):
1) Заң департаментiмен (Шәрiпов С.Б.) бiрлесiп осы қаулыны Қазақстан Республикасының Әдiлет министрлiгiнде мемлекеттiк тiркеуден өткiзу шараларын қабылдасын;
2) Қазақстан Республикасының Әдiлет министрлiгiнде мемлекеттiк тiркеуден өткiзiлген күннен бастап он күндiк мерзiмде осы қаулыны Қазақстан Республикасының Ұлттық Банкi орталық аппаратының барлық мүдделi бөлiмшелерiне, бағалы қағаздар рыногында брокерлiк және дилерлiк қызметтi жүзеге асыратын, "Қазақстан қор биржасы" жабық акционерлiк қоғамының және қауымдастық нысанындағы "Активтердi Басқарушылар қауымдастығы" заңды тұлғалар бiрлестiгiнiң мүшелерi болып табылмайтын ұйымдарға, сондай-ақ "Қазақстан қор биржасы" жабық акционерлік қоғамына және қауымдастық нысанындағы "Активтерді Басқарушылар қауымдастығы" заңды тұлғалар бірлестігіне жіберсін.
4. осы қаулының орындалуын бақылау Қазақстан Республикасы Ұлттық Банкінің Төрағасы Г.А. Марченкоға жүктелсін.
Ұлттық Банк
Төрағасы
"Қазақстан Республикасының
Бағалы қағаздар жөнiндегi ұлттық
комиссиясының 1998 жылғы 31
желтоқсандағы N 20 қаулысына
өзгерiстер мен толықтырулар енгiзу
туралы" Қазақстан Республикасының
Ұлттық Банкi Басқармасының
2001 жылғы 20 желтоқсандағы
N 566 қаулысына
қосымша
Қазақстан Республикасының Бағалы қағаздар жөнiндегi
ұлттық комиссиясының 1998 жылғы 31 желтоқсандағы
N 20 қаулысына өзгерiстер мен толықтырулар
"Қазақстан Республикасының бағалы қағаздар рыногында брокерлiк және дилерлiк қызметтi жүзеге асыру қағидаларын бекiту туралы" Қазақстан Республикасының Бағалы қағаздар жөнiндегi ұлттық комиссиясының 1998 жылғы 31 желтоқсандағы N 20
V980683_
қаулысына мынадай өзгерiстер мен толықтырулар енгiзiлсiн:
Қазақстан Республикасының бағалы қағаздар рыногында брокерлiк және дилерлiк қызметтi жүзеге асыру қағидаларында:
1-тармақта:
7) тармақша алып тасталсын;
8) тармақшадағы "1-бабының оныншы бөлiгiнде" деген сөздер "1-1-бабының 6) тармақшасында" деген сөздермен ауыстырылсын;
мынадай мазмұндағы 16) тармақшамен толықтырылсын:
"16) "уәкiлеттi орган" - бағалы қағаздар рыногында қалыптасқан қатынастарды мемлекеттiк реттеудi жүзеге асыратын мемлекеттiк орган";
7-тармақта және одан әрi мәтiн бойынша "Ұлттық комиссиямен", "Ұлттық комиссия", "Ұлттық комиссияның" деген сөздер тиiсiнше "уәкiлеттi органмен", "уәкiлеттi орган", "уәкiлеттi органның" деген сөздермен ауыстырылсын;
52-тармақта:
2) тармақшадағы "бiр сатушыдан 50 көп емес дана" деген сөздер алып тасталсын;
4) және 5) тармақшалардағы "жiберiлмеген", "жiберiлген" деген сөздер "жiберiлмейтiн", "жiберiлетiн" деген сөздермен ауыстырылсын;
мынадай мазмұндағы 6-1) тармақшамен толықтырылсын:
"6-1) ұйымдасқан бағалы қағаздар рыногында айналысқа жiберiлмейтiн мемлекеттiк емес бағалы қағаздармен мәмiлелер жасасуға;".
