"Қазақстан Республикасында жергiлiктi мемлекеттiк басқару туралы" Қазақстан Республикасы
Заңының
6-бабы 1-тармағының 11) тармақшасына және "Тұрғын үй қатынасы туралы" Қазақстан Республикасы
Заңының
97-бабы 2-тармағына сәйкес облыстық Мәслихат шешім еттi:
1. Аз қамтамасыз етiлген отбасыларына (азаматтарға) тұрғын үйді ұстау және коммуналдық қызметтердi тұтыну ақысын төлеуге тұрғын үй көмегiн көрсетудiң Ережесі бекітiлсiн (қоса берiлiп отыр).
2. Қалалар мен аудандардың әкімдеріне, облыстық еңбек, тұрғындарды жұмыспен қамту және әлеуметтiк қорғау басқармасына аз қамтамасыз етiлген отбасыларына (азаматтарға) тұрғын үй көмегiн уақтылы тағайындауды және төлеудi ұйымдастыру ұсынылсын.
3. Облыстық қаржы басқармасына тұрғын үй көмегiн төлеу шығындарын жергiлiктi бюджет қаржысы есебiнен қаржыландыруды қамтамасыз ету ұсынылсын.
4. Осы шешім жариялаған күнiнен бастап күшiне енедi.
Сессия Төрағасы Облыстық Мәслихаттың
хатшысы
Аз қамтамасыз етiлген отбасыларына (азаматтарға)
тұрғын үйді ұстау және коммуналдық қызметтердi
тұтыну ақысын төлеуге тұрғын үй көмегiн көрсету
Ережесі
Осы Ереже "Тұрғын үй қатынасы туралы" Қазақстан Республикасының 1997 жылғы 16 сәуiрдегi
N 94-I
Заңына (Қазақстан Республикасы 1999 жылғы 7 маусымдағы
N 391-I
, 1999 жылғы 16 қарашадағы
N 477-I
, 2001 жылғы 10 шiлдедегi
N 227-II
енгiзiлген Заңдарымен, өзгерiстермен), "Қазақстан Республикасындағы жергiлiктi мемлекеттiк басқару туралы" 2001 жылғы 23 қаңтардағы
N 148-II
Қазақстан Республикасы Заңына, "Байланыс туралы" 2004 жылғы 5 шілдедегі Қазақстан Республикасының
Заңына
, Қазақстан Республикасы Үкiметiнiң 1996 жылғы 12 сәуiрдегi N 437
қаулысымен
бекiтiлген "Аз қамтамасыз етiлген азаматтарға тұрғын үйді ұстауға және коммуналдық қызметтерге ақы төлеуге тұрғын үй жәрдемақысын берудiң тәртiбi туралы Уақытша Ережеге" сәйкес жасалды және аз қамтамасыз етiлген отбасыларына (азаматтарға) тұрғын үйді ұстау және коммуналдық қызметтердi тұтыну ақысын төлеуге тұрғын үй көмегiн көрсету тәртiбiн айқындайды.
<*>
Ескерту. Кіріспе толықтырылды - Маңғыстау облысы мәслихатының 2004 жылғы 27 қазандағы N 7/119
шешімімен
.
1. Тұрғын үйді ұстау және коммуналдық қызметтердi тұтыну ақысын төлеуге тұрғын үй көмегi (бұдан әрi - тұрғын үй көмегi) - халықтың аз қамтамасыз етiлген жiктерiне тұрғын үйдi (жеке меншiк тұрғын үйдi ұстаудан басқа) ұстау мен коммуналдық қызметтердi тұтынуға ақы төлеу жөнiндегi шығындардың орның толтыру үшiн берiлетiн өтем.
2. Тұрғын үй көмегi халыққа әлеуметтiк көмек нысандарының бiрi болып табылады және осы жерде тұрақты тұратын және тұрғын үйдiң иесi немесе жалға алушы (жалдаушы) болып саналатын аз қамтамасыз етiлген отбасыларына (азаматтарға) берiледi.
3. Тұрғын үй көмегiн тағайындау және төлеу жөнiндегi уәкiлеттi орган аудандық, қалалық еңбек, тұрғындарды жұмыспен қамту және әлеуметтiк қорғау бөлiмдерi болып табылады (бұдан әрi - уәкiлеттi орган).
4. Тұрғын үй көмегi тұрғын үйді ұстау және коммуналдық қызметтердi тұтынуға ақы төлеуге отбасының нақты шығындары осы мақсаттарға шектi шығындар үлесiнен асқан кезде тағайындалады, ол отбасының жиынтық табысының 30 пайызы ретiнде есептеледi. Мұнда отбасының нақты шығындары әлеуметтiк нормалары шегiнде ескерiледi.
5. Отбасының жиынтық табысы Қазақстан Республикасындағы Еңбек және тұрғындарды әлеуметтiк қорғау Министрiнiң 2002 жылғы 13 ақпандағы N 31-Б бұйрығымен бекiтiлген "Атаулы әлеуметтiк көмек алуға үмiткер адамның (отбасының) жиынтық табысын анықтаудың Ережесiне", Еңбек және тұрғындарды әлеуметтiк қорғау Министрлiгiнiң "Мемлекеттiк атаулы әлеуметтiк көмек заңнамасын қолдану тәртiбi туралы" 2002 жылғы 27 наурыздағы N 11-1-11/1367 ұсынысына сәйкес есептеледi.
6. Әлеуметтiк нормалар және тұрғын үй көмегiн есептеу кезiнде қолданатын тұрғын үй шығындарының мөлшерiн, коммуналдық қызметтердi тұтыну нормативтерiн (пайдалану шығындары, жылу - сумен жабдықтау, газбен жабдықтау, канализация, электрмен жабдықтау, қоқыс шығару және лифтiлер қызметi) облыс әкiмi белгiлейдi.
Телефон үшін абоненттік ақы тарифтерінің арттырылуына өтемақы төлеу қалалық телекоммуникациялар желілеріне қосылған телефон үшін абоненттік ақының ұлғаю сомасын тұрғын үй ұстауға, коммуналдық қызметтерді және байланыс қызметтерін тұтыну ақысы жөніндегі шығыстардың құрылымына енгізу жолымен жүзеге асырылады.
<*>
Ескерту. 6-тармаққа өзгеріс енгізілді - Маңғыстау облыстық мәслихатының 2003 жылғы 10 желтоқсандағы
N 2/28
; толықтырылды - Маңғыстау облысы мәслихатының 2004 жылғы 27 қазандағы
N 7/119
шешімдерімен
.
7. Тұрғын үй көмегiнiң мөлшерiн уәкiлеттi органдар ай сайын, осы айға бекiтiлген тарифтер, тұрғын үйдi ұстау жөнiндегi шығындар құны мен тұтынылған коммуналдық есептер санына сай есептейдi.
8. Тұрғын үй көмегiн есептеу үшiн барлық коммуналдық қызметтерге тарифтер мен олардың өзгерiстерiн қызмет көрсетушiлер бередi.
2. Тұрғын үй көмегiн берудiң шарттары
9. Тұрғын үй көмегiн тағайындауды үмiткер адамдар (отбасылар) оны ресiмдеу үшiн уәкiлеттi органға төмендегiдей құжаттар тапсырады:
өтiнiш;
жеке куәлiгi;
салық төлеушiнiң тiркелу нөмiрi (бұдан әрi - СТТН);
тұрғын үйді жекешелендiру шарты немесе сату-сатып алу туралы шарт немесе сыйлау шарты немесе мұрагерлiк құқығы туралы куәлiк немесе тұрғын үйдi жалдау шарты немесе тұрғын үйдi жалға алу шарты;
отбасы құрамы туралы анықтама немесе үй кiтабы;
өткен тоқсандағы отбасының табыстары туралы анықтама: еңбек табыстары, зейнетақылары, жәрдемақылары және мәлiмдеген басқа табыстарының құжатты куәландырылған сомалары;
жұмыссыздар үшiн жұмыспен қамту бөлiмiнен анықтама;
тұрғын үйдi ұстау мен коммуналдық қызметтердi тұтынуға ақы төлеуге есеп кiтапшалары, анықтама - шифр ашушылар (жировкалар);
газ үшiн есеп кiтапшалары (анықтамалар);
қалалық телекоммуникациялар желісінің абоненті екендігін растайтын (шарт не түбіртек - телекоммуникация көрсеткен қызметтері үшін есеп) құжаты.
<*>
Ескерту. 9-тармақ толықтырылды - Маңғыстау облысы мәслихатының 2004 жылғы 27 қазандағы N 7/119
шешімімен
.
10. Жеке меншiгiнде бiреуден көп тұрғын үйдi (пәтер, үй) бар немесе тұрғын үйiн жалға (жалға алуға) немесе жалдауға беретiн адамдар тұрғын үй көмегiн алу құқынан айрылады.
11. Жанжалды, даулы және қалыптан тыс жағдайлар туындаса тұрғын үй көмегiн тағайындау мәселесiн шешу атаулы әлеуметтiк көмек сұраған адамдарың (отбасылардың) материалдық жағдайын тексеретiн учаскелiк комиссияның қарауына өткiзiлуi мүмкiн.
12. Егер отбасыларында 1 және 2 топтағы мүгедектерге, 16 жасқа дейiнгi бала кезiнен мүгедектерге, 80 жастан асқан адамдарға күтiм жасайтын және 3 жасқа дейiнгi (бiр және одан көп) баланы тәрбиелеумен шұғылданушы, сондай-ақ төрт және одан көп балаларды тәрбиелеумен шұғылданушы кiшi баласы 1 сыныпты (бiрақ 9 жастан аспаған) бiтiргенге дейiнгi жандардан басқа, жұмыспен қамту жөнiндегi органдарда тiркелмеген еңбекке жарамды азаматтары бар болса, ол отбасыларына тұрғын үй көмегi тағайындалмайды.
13. Ұсынылған жұмыспен жұмысқа орналастырудан дәлелсiз бас тартқан, қоғамдық жұмыстарға, оқыту мен қайта оқытуға қатысуды тоқтатқан жұмыссыздар 6 ай мерзiмге тұрғын үй көмегiн алу құқығын жоғалтады.
14. Тұрғын үй көмегiн алушылар 10 күннiң iшiнде өз тұрғын үйiнiң меншiк нысанының кез келген өзгерiстерi туралы, отбасы құрамы мен оның жиынтық табысы туралы, сондай-ақ мәртебесi туралы уәкiлеттi органдарға хабарлауға тиiс.
15. Өтiнiш берушi тапсырған мәлiметтерiнiң толықтығы мен дұрыстығы үшiн Қазақстан Республикасының Заң актiлерiне сәйкес жауап бередi.
3. Тұрғын үй көмегiн тағайындау
16. Тұрғын үй көмегiн тағайындау немесе бас тарту туралы шешiмдер осы Ереженiң 9 бабына сәйкес тұрғын үйдi жалға алушының (меншiк иесiнiң) өтiнiшi мен оған тiркелген құжаттардың негiзiнде қабылданады.
17. Тұрғын үй көмегi үйге құқығы болған кезде хабарласқан айдан бастап және ағымдағы тоқсанның аяғына дейiн тағайындалады.
18. Тұрғын үй көмегiнiң мөлшерi өтемдiк шаралармен қамтамасыз етiлетiн әлеуметтiк нормалар шегiнде тұрғын үйдi ұстау мен коммуналдық қызметтердi тұтыну үшiн жалға алушының (меншiк иесiнiң) нақты төлемi және бұл мақсаттарға осы отбасы шығындарының шектi деңгейi арасындағы айырмасы ретiнде есептеледi.
Тұрғын үй көмегiнiң мөлшерiн анықтау үшiн формула:
П = НПЖ - (дхt)
Мұнда П - тұрғын үй көмегiнiң мөлшерi;
НПЖ - тұрғын үй үшiн есептелетiн төлемдер (белгiленген әлеуметтiк нормалар шегiнде);
д - отбасының жиынтық табысы;
t - тұрғын үй ақысын төлеуге шығын нормативi (=30%).
19. Ұсынылған ақпараттың дұрыстығына күмән туған жағдайда уәкiлеттi орган құжаттарды өтiнiш берушi мен оның отбасының материалдық жағдайын тексеруге учаскелiк комиссияға жiберуге құқығы бар.
4. Тұрғын үй көмегiн қаржыландыру және төлеу
20. Тұрғын үй көмегi аудандық және қалалық бюджет қаражаты есебiнен көрсетiледi.
21. Тұрғын үй көмегi төлеу төмендегiше iске асырылады:
"Қазақстан Халық Банкi" ААҚ Маңғыстау облыстық филиалы (бұдан әрi - банк) арқылы облыстық еңбек, тұрғындарды жұмыспен қамту және әлеуметтiк қорғау басқармасы мен банк арасында жасалған Агенттiк келiсiмге сәйкес;
тұрғын үй көмегiнiң мөлшерi көрсетiле отырып, қызмет көрсетушiлерi кәсiпорынның есепшоттарына тағайындалған сомаларды аудару арқылы.
22. Уәкiлеттi орган алушының тегiн, атын, әкесiнiң атын, СТТН-н, жинақтары бойынша жеке есепшотының нөмірi, жеке куәлiгiнiң мәлiметтерi мен үйiнiң мекен-жайын көрсете отырып, тiзiмдердi түзедi.
23. Ай сайын тағайындалған тұрғын үй көмегi тiзiмi негiзiнде қызмет көрсетушi-кәсiпорынмен тағайындалған көмектiң сомасына 2 данада кесiм-салыстырулар жасалады. Кесiм-салыстыруларға уәкiлеттi орган мен коммуналдық қызметтердi жеткiзушi кәсiпорынның өкiлдерi қол қоюға тиiс.
24. Уәкiлеттi орган тұрғын үй көмегiн төлеуге жасалған тiзiмдердiң негiзiнде және олардың қорытынды сомаларымен толық сәйкес отбасылар мен олардағы мүшелерiнiң санын көрсете отырып, қаржыландыруға тапсырысты ағымдағы айдың 20-жұлдызына дейiн аудандық және қалалық қаржы бөлiмдерiне банкiге комиссиялық сыйақысымен жiбередi.
25. Тұрғын үй көмегi заңсыз тағайындалған құжаттарды бұрыс ресiмдегенi үшiн лауазымды адамдар заңнамамен белгiленген тәртiпте жауапқа тартылады.
26. Уәкiлеттi органдар, ай сайын, төлем жасалған айдан кейiнгi айдың 5-жұлдызынан кешiктiрмей төленген сомалар бойынша банкпен кесiмдiк - салыстырулар жасайды.
27. Уәкiлеттi органдар, ай сайын,әр айдың 10-жұлдызынан кешiктірмей, жүргiзiлген кесiмдiк - салыстырулардың негiзiнде тұрғын үй көмегiнiң саны мен төленген сомасы бойынша есеп жасайды және облыстық еңбек, тұрғындарды жұмыспен қамту және әлеуметтiк қорғау басқармасына бередi.
28. Уәкiлеттi органдар тоқсан сайынғы белгiленген нысандағы есебiнде аудандық, қалалық қаржы бөлiмдерiне, облыстық еңбек, тұрғындарды жұмыспен қамту және әлеуметтiк қорғау басқармасына және облыстық қаржы басқармасына тұрғын үй көмегiнiң тағайындалған және төленген сомалары туралы ақпараттар тапсырады.
