Қазақстан Республикасының 1998 жылғы 2 шiлдедегi № 267 "Сыбайлас жемқорлыққа қарсы күрес туралы" Заңын, Қазақстан Республикасы Президентiнiң 2000 жылғы 20 сәуiрдегi № 377 "Қылмысқа және сыбайлас жемқорлыққа қарсы күрес жүйесiн жетiлдiру шаралары туралы" Жарлығын жүзеге асыру, ауданның атқарушы, құқық қорғау және басқа мүдделi мемлекеттiк органдарының қызметiн үйлестiрудi жақсарту мақсатында және "Қазақстан Республикасындағы жергiлiктi мемлекеттiк басқару туралы" Заңның 31 бабы 1 тармағы 17 тармақшасына сәйкес, Науырзым ауданының әкiмияты ҚАУЛЫ ЕТЕДI:
1. Аудан әкiмiнiң жанынан қылмысқа және сыбайлас жемқорлыққа қарсы күрес жөнiндегi аудандық Кеңес құрылсын.
2. Қоса берiлiп отырған аудан әкiмiнiң жанындағы қылмысқа және сыбайлас жемқорлыққа қарсы күрес жөнiндегi аудандық Кеңес туралы Ереже бекiтiлсiн.
3. Осы қаулының орындалуына бақылауды өзiме қалдырамын.
Аудан әкiмi
Қазақстан Республикасы
Қостанай облысы
Науырзым ауданы әкiмиятының
2003 жылғы 16 маусымдағы
№ 114 қаулысымен бекiтiлген
Аудан әкiмiнiң жанындағы қылмысқа және сыбайлас
жемқорлыққа қарсы күрес жөнiндегi аудандық Кеңес туралы
ЕРЕЖЕ
1. Қылмысқа және сыбайлас жемқорлыққа қарсы күрес жөнiндегi аудандық Кеңес (бұдан әрi - Кеңес) аудан әкiмi жанындағы ақыл кеңес органы болып табылады, қылмысқа және сыбайлас жемқорлыққа қарсы күрестi ұйымдастыру мәселелерiнде ауданның атқарушы, құқық қорғау және басқа мүдделi мемлекеттiк органдарының қызметiн ведомствоаралық үйлестiрудi қамтамасыз етедi.
2. Кеңес өз қызметiн Қазақстан Республикасының Конституциясы мен Заңдарына, елiмiздiң Президентi мен Үкiметiнiң актiлерiне, аудан әкiмiнiң шешiмдерi мен өкiмдерiне және осы Ережеге сәйкес жүргiзедi.
3. Кеңестiң дербес құрамын аудан әкiмiнiң ұсынуымен аудандық мәслихат бекiтедi.
2. Кеңестiң негiзгi мақсаттары
4. Кеңестiң негiзгi мақсаттары мен мiндеттерi:
1) ауданның атқарушы, құқық қорғау және басқа мемлекеттiк органдарының қылмысқа және сыбайлас жемқорлыққа қарсы күрестi ұйымдастыру салаларында ведомствоаралық үйлестiру қызметiн қамтамасыз ету, құқық тәртiбi мен заңдылықтарды нығайту;
2) аудандағы қалыптасқан құқықтық жағдайды талдау, қылмысқа және сыбайлас жемқорлыққа қарсы күрестi күшейту жөнiндегi шаралардың жоспарларын әзірлеу және аудандық мәслихатқа бекiтуге ұсыну;
3) құқық қорғау және өзге мемлекеттiк органдардың қылмысқа және сыбайлас жемқорлыққа қарсы күрес жөнiндегi тәжiрибесiн жинақтау;
4) атқарушы, құқық қорғау және басқа мемлекеттiк органдардың қылмысқа және сыбайлас жемқорлыққа қарсы күрес мәселелерi жөнiндегi Қазақстан Республикасының Заңдарын, елiмiздiң Президентi мен Үкiметiнiң актiлерiн, аудан әкiмiнiң шешiмдерi мен өкiмдерiн орындау барысын зерттеу;
5) атқарушы, құқық қорғау және басқа мемлекеттiк органдарға ауданда құқық қорғауды және заңдылықтарды қамтамасыз ету жөнiнде ұсынымдар әзiрлеу болып табылады.
5. Кеңес мынандай қызметтердi жүзеге асырады:
1) Кеңестiң мәжiлiстерiнде атқарушы, құқық қорғау органдарының ауданда қылмысқа және сыбайлас жемқорлыққа қарсы күрестi ұйымдастыру жағдайын қарайды;
2) атқарушы, құқық қорғау және басқа мемлекеттiк органдардың басшыларының қылмысқа және сыбайлас жемқорлыққа қарсы күрестi ұйымдастыру жөнiндегi есептерiн тыңдайды;
3) жоғарыда аталған жұмыстарды жақсарту жөнiнде ұсынымдар даярлайды;
4) Кеңеске жүктелген өзге мiндеттердi орындайды.
6. Кеңес негiзгi мақсаттарды жүзеге асыру және өз мiндеттерiн орындауда мынандай құқыққа ие болады:
1) атқарушы, құқық қорғау және басқа мемлекеттiк органдардан Кеңестiң құзырына енетiн ақпараттарды, құжаттарды және материалдарды сұрастыруға және алуға;
2) қылмысқа және сыбайлас жемқорлыққа қарсы күрестi ұйымдастыру жөнiнде ұсынымдар және ұсыныстар әзiрлеу;
3) құқық қорғау және өзге мемлекеттiк органдардың қызметкерлерiн Кеңестiң мәжiлiсiне материалдарды әзiрлеу үшiн тарту.
5. Кеңестiң жұмысын ұйымдастыру
7. Кеңес жоспарға сәйкес жұмыс iстейдi:
1) оның мәжiлiсi тоқсан сайын және қажеттiгiне қарай өткiзiледi;
2) Кеңес мәжiлiсiн Төраға, орынбасары немесе оның тапсырмасымен Кеңестiң бiр мүшесi өткiзедi. Оған Кеңес мүшелерiнiң жартысынан көбi қатынасса құқылы болып есептеледi;
3) Кеңестiң шешiмi жай көпшiлiк дауыспен қабылданады, ол хаттамамен ресiмделiнедi және оны Төраға бекiтедi.
