Ескерту. Күші жойылды - Солтүстік Қазақстан облысы Шал ақын ауданы әкімдігінің 2011.10.07 N 238 Қаулысымен
Қазақстан Республикасының "Бюджет жүйесi туралы" 1999 жылғы 1 сәуiрдегi N 357-1 Заңының 13-бабына және Солтүстік Қазақстан облысы әкімдігінің 2003 жылғы 26 мамырдағы N 114 "Облыс әкімдігінің резервін пайдалану Ережесі туралы" қаулысына сәйкес аудан әкімдігі ҚАУЛЫ ЕТЕДІ:
1. Аудан әкiмдiгiнiң резервiн пайдалану Ережесi бекiтiлсiн.
2. Аудан әкiмдiгiнiң 2002 жылы 3 мамырдағы N№42 "Шал ақын ауданы әкiмдiгiнiң резервiн пайдалану тәртiбi туралы" қаулысының және 2002 жылы 3 мамырдағы "Шал ақын ауданы әкiмдiгiнiң резерв қаражатын пайдалану ережесi туралы" қаулысының күшi жойылды деп есептелсiн.
3. Осы қаулының орындалуын бақылау аудан әкiмiнiң орынбасары О.В.Ткаченкоға жүктелсiн.
Аудан әкімі
Шал ақын ауданы әкiмдiгiнiң
2003 жылғы 6 қазандағы
"Шал ақын ауданы әкiмдiгiнiң
резервін пайдалану Ережесi
туралы" N 241 қаулысымен
Бекiтiлді
Аудан әкiмдiгiнiң резервін пайдалану
Ережесi
1. Жалпы ережелер
1. Осы Ереже Шал ақын ауданы әкiмдiгiнiң резерв қаражаттарын (әрi қарай - әкiмдiк резервi) аудандық Мәслихаттың шешiмiне сәйкес қаржы жылында бекiтiлген сомалар шеңберiнде бөлiп алу және шығындау механизмiн белгiлейдi.
2. Аудандық бюджет құрамында көзделмеген шығыстарды қаржыландыру үшiн тиiстi қаржы жылына аудан әкiмдiгiнiң резервi "Бюджет жүйесi туралы" Қазақстан Республикасының 1999 жылғы 1 сәуiрдегi N 357-1 Заңының 13-бабына және "Қазақстан Республикасының "Бюджет жүйесi туралы" Заңына өзгертулер мен толықтырулар енгiзу туралы" 2001 жылғы 6 желтоқсандағы N 261 Заңына және 2000 жылғы 19 мамырдағы өзгерістерімен "Табиғи және техногендік сипаттағы төтенше жағдайлар туралы" Қазақстан Республикасының 1996 жылғы 5 шілдедегі N 19 Заңына сәйкес қалыптастырылады. Аудан әкiмдiгінің резервiнде мыналар:
аудан әкімдiгiнің қаулысымен айқындалған табиғи және техногендiк сипаттағы төтенше жағдайларды жоюға және өзге де күтілмеген шығыстарға арналған қаражат;
сот шешiмдерi бойынша жергiлiктi атқарушы органдар мiндеттемелерiн өтеуге арналған қаражат көзделедi.
Сот шешiмдерi бойынша жергiлiктi атқарушы органдардың мiндеттемелерiн өтеу үшiн аудан әкiмi резервiнiң құрамында қарастырылған қаржы толық көлемде пайдаланылған жағдайда, егер өтелмеген мiндеттемелер болса, онда аудан әкiмi жергiлiктi бюджет туралы мәслихат шешiмiне өзгертулер енгiзу жолымен аудан әкiмi резервiнiң көлемiн ұлғайту туралы аудандық мәслихатқа ұсыныс енгiзедi.
3. Аудандық әкiмдiк резервiнен қаражат бөлу аудан әкiмдiгiнiң қаулысымен белгiленген, Экономика және бюджеттік жоспарлау Министрінің 2002 жылғы 23 қыркүйектегі N 3 бұйрығымен бекітіліп, Қазақстан Республикасының Әділет министрлігінде 2002 жылдың 16 қазанында N 2012 тіркелген Бірыңғай бюджеттiк сыныптамаға сәйкес алушысы, қаражат мөлшерi және олардың мақсатты жұмсалу бағыты көрсетiлген тәртiпте жүзеге асырылады.
4. Аудан әкiмдiгiнің резерв қаражатын мақсатты белгiленген және қаражат бөлу туралы аудан әкiмдiгiнiң қаулысында көрсетiлмеген мұқтаждықтарға пайдаланыла алмайды. Аудан әкiмдiгiнің резервiнен қаражат бөлу туралы аудан әкiмдiгiнiң қаулысы қаржы жылы өткеннен кейiн күшiн жояды. Қаражаттың пайдаланылмаған қалдығы, сондай-ақ аудан әкімдiгi резервінің мақсатты пайдаланылмаған қаражаты аудандық бюджетке қайтарылады.
5. Аудан әкiмдiгiнiң резерв мөлшері аудандық бюджет түсімдері көлемінің екі пайызынан аспауы тиіс.
6. Бюджеттiң атқарылу процесiнде тапшылықтың нақтыланған деңгейiнiң жоғарылауы немесе бюджетке түсетiн кiрiстердiң едәуiр төмендеуi қалыптасқан жағдайда, белгiленген тәртiпте аудан әкiмдiгiнiң резерв шығыстары бойынша секвестрлеу енгiзiледi.
2. Табиғи және техногендiк сипаттағы төтенше
жағдайларды жоюға қаражат бөлу
7. Аудан әкiмдiгi резервiнен төтенше жағдайларды жоюға бюджеттiк бағдарламалардың әкiмшiлерiне қаражатын бөлу мәселелерiн аудан әкiмдiгi қарастырады. Бұл ретте негiзделген материалдар мен олардың тiзбесiн ұсыну ережесін ауданның жергілікті қаржы органдары анықтайды.
8. Аудан әкімдігінің резервінен қаражат бөлу мәселесі селолық аймақтар мен Сергеевка қаласы әкімдерінің қаржы басқармасына жергілікті бюджет қаражатының жұмсалуы және оның көлемі туралы ақпаратты міндетті түрде ұсынғанда, қаралады.
9. Сондай-ақ, төтенше жағдайларды жою үшiн аудан әкiмдiгi резервiнен қаржы бөлу:
төтенше жағдайлардың туындау нәтижесiнде зардап шеккен азаматтарға материалдық көмек көрсетуге;
зардап шеккен тұрғындар тұратын және тамақтанатын уақытша пункттер ашуға және ұстауға;
шұғыл әрекет ету апаттық-құтқару және апаттық-қалпына келтіру бөлімшелерін техникалық құтқару құралдарымен, жабдықтармен жарақтармен қосымша жабдықтауға;
кәсiпорындар мен ұйымдарды тарта отырып жүзеге асырылған құтқару және апаттық-қалпына келтiру жұмыстарын өткiзуге арналған шығыстарды, олардың меншік түрінен тәуелсіз өтеуге;
төтенше жағдайлар зонасын тасымалдармен, күштермен және құралдармен қамтамасыз ету бойынша шығындарды өтеуге;
төтенше жағдайларды жоюға байланысты басқа да іс-шараларға жүргізіледі.
3. Сот шешiмдерi бойынша аудандық бюджет есебінен
ұсталатын жергілікті атқарушы органдардың
мiндеттемелерiн өтеуге қаржы бөлу
10. Сот шешiмдерi бойынша жергілікті атқарушы органдардың мiндеттемелерiн өтеуге арналған аудан әкiмдiгi резервiнен қаржы бөлу туралы аудан әкiмдiгi қаулысының жобасын белгiленген заңды тәртiпте аудан әкiмі аппаратының мемлекеттiк-құқықтық бөлімі немесе аудандық бюджеттен қаржыландырылатын атқарушы орган дайындайды.
11. Сот шешiмдерi бойынша жергiлiктi атқарушы органдардың мiндеттемелерiн өтеу соттың атқарушы құжаттары болған және мекеме сметалары есебінен өтеу мүмкін болмаған жағдайда аудан әкiмдiгiнiң резервi есебiнен қамтамасыз етiледi.
4. Басқа да көзделмеген шығындарға қаражат бөлу
12. Ағымдағы жылы және ағымдағы қаржы жылында кідіріссіз шешімді талап ететін аудандық бюджетті және аудан бюджетін қалыптастыруда толығымен көзделмеген немесе жеткіліксіз көлемде көзделген шығыстарды, өзге де күтілмеген шығыстарды қаржыландыру аудан әкімдiгi резервінен жүзеге асырылады.
13. Аудандық бюджеттік бағдарламалар әкімшілері, селолық аймақтар мен Сергеевка қаласы әкімдері өзге де күтілмеген шығыстарға аудан әкiмдiгi резервінен қаражат бөлу үшін ауданның қаржы басқармасына қаражат бөлу туралы қажетті негіздемелері және есептерімен өтінім ұсынады.
14. Ауданның қаржы басқармасы ұсынылған өтінім негізінде аудандық әкімдiк резервінен қаражат бөлудің мүмкіндігі немесе мүмкін еместігі туралы қорытынды береді.
15. Аудандық бюджеттік бағдарламалар әкімшісінің өтінімі бойынша оң қорытынды болған жағдайда, өзге де күтілмеген шығыстарға аудан әкімдiгi резервінен қаражат бөлу туралы аудан әкімдiгi қаулысының жобасы белгіленген заңды тәртіпте осы аудандық бюджеттік бағдарламалар әкімшілері дайындайды.
5. Бақылау және есеп беру
16. Аудандық қаржы басқармасы тоқсан сайын аудан әкiмдiгi резервiндегі қаржы және оны пайдалану туралы мәлiметтердi аудан әкiмдiгiне ұсынады.
17. Облыс әкімдiгi резервінен қаржы алған бюджеттік бағдарлама әкімшілері, селолық аймақ әкімдері, қаржы басқармасы белгілеген тәртіпте және мерзімде бөлінген қаражат мөлшері мен орындалған жұмыстардың құны туралы есепті қаржы басқармасына ұсынуы тиіс.
18. Аудан әкiмдiгi резервiнiң мақсатты пайдаланылуын бақылауды аудандық қаржы басқармасы, ауданның қазынашылық бөлімі жүргiзедi.
19. "Мемлекеттік сатып алулар туралы" Қазақстан Республикасы Заңына сәйкес аудан әкімдiгi резервінің қаражатын пайдалану ережесін бақылауды мемлекеттік сатып алуларды ұйымдастыру және бақылау департаменті жүзеге асырады.
20. Бөлінетін бюджеттiк қаражатты мақсатты және тиiмдi пайдалану жауапкершілігі Қазақстан Республикасы заңдарында көзделген тәртiпте алушыға жүктеледi.
