Қазақстан Республикасы Үкiметiнiң 2003 жылғы 23 мамырдағы №488 "Халықты жұқпалы ауруларға қарсы вакцинациялауды жақсарту жөнiндегi шаралар туралы" қаулысын жүзеге асыру

Күшін жойған

Атырау облыстық әкімиятының 2003 жылғы 26 тамыздағы 179 қаулысы. Атырау облыстық әділет басқармасында 2003 жылғы 15 қыркүйекте 1619 тіркелді. Күші жойылды - Атырау облысы әкімдігінің 2012 жылғы 15 наурыздағы № 65 қаулысымен.

Ескерту. Күші жойылды - Атырау облысы әкімдігінің 2012.03.15 № 65 қаулысымен.
Қазақстан Республикасы Үкiметiнiң 2003 жылғы 23 мамырдағы № 488 "Халықты жұқпалы ауруларға қарсы вакцинациялауды жақсарту жөнiндегi шаралар туралы" қаулысын жүзеге асыру мақсатында облыстық әкiмият қаулы етеді:
1. "А" вирусты гепатитке қарсы жыл сайын жоспарлы алдын ала егiлуге жататын адамдар құрамының тiзбесi бекiтiлсiн (1-қосымша).
2. Тұмауға қарсы жыл сайын жоспарлы алдын ала егiлуге жататын адамдар құрамының тiзбесi бекiтiлсiн (2-қосымша).
3. Атырау облыстық қаржы басқармасы жыл сайын облыс бюджетiнде тұрғындардың "А" вирусты гепатитке және тұмауға қарсы егуге қажеттi вакциналарды сатып алуға қаржы қарастырып, Атырау облыстық мемлекеттiк санитарлық-эпидемиологиялық қадағалау басқармасына бөлсiн.
4. Атырау облыстық денсаулық сақтау басқармасы:
1) алдын ала егулер жүргiзу тәртiбi мен мерзiмдерiне сәйкес тұрғындарды жоспарлы түрде және эпидемиологиялық көрсеткiштерге орай вакцинациялауды;
2) медициналық мекемелерi жоқ елдi мекендерде тұратын тұрғындарды вакцинациялау мақсатында жылжымалы егу бригадаларының жұмыс iстеуiн қамтамасыз етсiн.
5. Атырау облыстық мемлекеттiк санитарлық-эпидемиологиялық қадағалау басқармасы мемлекеттiк сатып алу сұранымды, санитарлық талаптарға сәйкес вакциналарды сақтауды, тасымалдауды қамтамасыз етсiн.
6. Осы қаулының орындалуын бақылау облыс әкiмiнiң орынбасары Т.І. Мұрсәлиеваға жүктелсiн.

Облыс әкiмi

Облыс әкiмиятының
2003 жылғы 26 тамыздағы
№ 179 қаулысына 1-қосымша

"А" вирусты гепатитке қарсы жылма-жыл жоспарлы алдын-ала
егiлуге тиiстi адамдар құрамының тiзбесi

Егiлетiн адамдар тобы	Егiлуге тиiстi адамдар саны
2 жастағы балалар	8500

Облыс әкiмиятының
2003 жылғы 26 тамыздағы
179 қаулысына 2-қосымша

Тұмауға қарсы жылма-жыл жоспарлы алдын-ала
егiлуге тиiстi адамдар құрамының тiзбесi

Егiлетiн топ	Егiлуге тиiстi адамдар саны
Балалар үйi тәрбиеленушiлерi мен қызметкерлерi	84
Жетiм және әке-шеше қамқорлығынсыз қалған балаларға арналған интернат тәрбиеленушiлерi мен қызметкерлерi	279
"Ақбота" балалар үйi тәрбиеленушiлерi мен қызметкерлерi	238
Қарттар үйi	78
Ойлау қабiлетi төмен балаларға арналған интернат тәрбиеленушiлерi мен қызметкерлерi	298
Жиi ауыратын балалар	4523
Медицина қызметкерлерi	4500
Барлығы	10000